La Usc di Ladins

Dal 2018 la Fondazione Zucchelli de Bologna à metù a jir l recognosciment per l’èrt moderna Art Up tel chèder de Opentour, la manifestazion che sera su l an academich de l’Academia de Bela Èrts de Bologna. Se trata de n pest endrezà en colaborazion con la sociazion de la Galeries de èrt moderna e etres enc de la zità, che à l obietif de fèr cognoscer joegn talenc artistics per i didèr a se fèr lèrga tel ambient. 

Ai 22 de jugn te la »Corte del Terribilia« de l’Academia de Bela Èrts de Bologna l é stat la premiazion de l’edizion 2024 e la giuria, con a cef Lorenzo Balbi, diretor artistich del MAMbo (Museo Art Moderna de  Bologna) e con Eva Brioschi e Enea Righi, à valutà la 125 operes en concors per cerner i cater recognoscimenc pervedui. 

Anter i cater artisć venjidores l é stat premià l joen Ismaele Soraperra da Cianacei, che se à vadagnà un di doi prestigiousc pesć di Colezionisć, l pest Falconi Leidi, con na opera dal titol »Übermensch // Bleach«, che é stata metuda fora lo da la Fondazione Collegio Artistico Venturoli.

De più su La Usc stampèda de en vender ai 5 de messèl.  (Lucia Gross)