La Usc di Ladins

Portèr te la scoles la storia de la Frazions, de si valores e de sie ruol te la defendura del teritorie per ge fèr cognoscer ai più joegn l leam anter comunanza, teritorie e deric de vejinanza. Chest l cher de la colaborazion anter la Sociazion Provinzièla de le ASUC e l METS, l Museo Etnografich Trentin de Sèn Micel, sotescrita dal president de le ASUC Robert Brugger e dal president del METS Ezio Amistadi. La scomenzadiva dal titol »Didattica nelle scuole – Conoscere le proprietà collettive« é stata prejentèda enstadì te na conferenza stampa al Teater Sozièl de Trent.
L’ASUC provinzièla e chela de Sopramonte à colaborà con l METS e l laboratorie ‘Igloo’ de Auta Formazion profescionèla per grafica e comunicazion del Istitut Artigianelli de Trent, per la realisazion de n fumet dedicà ai bens coletives.
L capofrazion de Vich Paolo Rizzi ne à fat a saer che l é a leta de la scoles tant l codejel »Didattica nelle scuole – Conoscere le proprietà collettive« che l fumet »Alla scoperta della proprietà collettiva« che pel vegnir domané per i durèr te clasc o ge i dèr fora ai scolees.


Podede lejer dut su La Usc stampèda de vender ai 11 de setember da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)