L é n muie de persones che se dèsc ju profescionalmenter per l stravardament del lengaz ladin, e anter chestes la stragran maoranza l é femenes.
Se l à vedù chiaramenter en jebia ai 27 de firé, canche a Sèn Jan l é ruà su dut l staff del Servije mendranzes linguistiches de la Provinzia de Trent, la dirigenta Elisabetta Sovilla e 4 colaboradores.
Te la Ciasa de la Moniaria les se à troà dedant autra 5 eles, la doi redadores de La Usc di Ladins Lucia Gross e Monica Cigolla e la trei colaboradores de l'Union di Ladins de Fascia Cristina Marchetti, Letizia Soldà e Nives Iori. Ma no bèsta: sun aut, tel ofize di Servijes linguistics e culturai del Comun General de Fascia, l era amò 6 eles: la dirigenta Evelin Bortolotti e la colaboradores Doris Valentini, Annarita Lollo, Sabrina Riz, Angela Pederiva e Loreta Florian. Apede eles l era ence na picola ‘quota bruna': l colaborador Riccardo Zanoner e l Conseier de procura Amedeo Valentini.
Podede lejer de più su La Usc stampèda de en vender ai 7 de mèrz. (Lucia Gross)
A Sèn Jan l Servije PAT per ladins, mochegn e zimbres
La dirigenta Elisabetta Sovilla é ruèda con sie staff dut de eles per cognoscer la referentes de la istituzions che laora per l stravardament de lengaz e cultura ladina.
Galaria retrac
View the embedded image gallery online at:
https://www.lausc.it/atualite/29051-a-sen-jan-l-servije-pat-per-ladins-mochegn-e-zimbres#sigProIde116978d12
https://www.lausc.it/atualite/29051-a-sen-jan-l-servije-pat-per-ladins-mochegn-e-zimbres#sigProIde116978d12
