La Usc di Ladins

Ence te Fascia per i studenc del ultim an di trei licees: linguistich, artistich e scientifich, se à serà su chisc dis passé i ejames de matura. A se vadagnèr l diplom te la Scola ladina de Fascia chest an l é stat en dut 78 studenc, 31 te la doi classes del linguistich, 29 te la doi classes del artistich e 18 te la V clas del scientifich.

L ejam de matura l é semper n moment emportant, ajache l segna la fin de n percors de 5 egn che à vedù chisc joegn doventèr gregn e strenjer leames, ge fèr front a momenc bie e ence a momenc senestres, che restarà te si recorc. Se trata de na proa pissèda soraldut per valutèr la cognoscenzes che l é stat concostà ti egn de studie, e valutèr con n numer 5 egn de vita, de studie, de crescimonia culturèla e sozièla, l é segur deldut redutif.M eton dant ampò i resultac de la Scola de Fascia, olache i studenc à concostà la bona valutazion mesèna de 78,5 su 100.

Anter duc l é ence na lauda, vadagnèda da Aurora Smajlaj. Ge aon fat vèlch domana.

Se pel lejer dut su La Usc nr 27 dai 18 de messèl: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.




 (Lucia Gross)