Bogn resultac por les atletes dl’US La Ila

Data

18 de messel 2025

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
A San Ciascian s’á desfiré tl’ultima fin dl’edema le „Raiffeisen Beach Cup“, pro chël che les atletes dl’US La Ila á arjunt de bogn plazamënc. Inant vá le iade sportif por le per badiot che rapresentará le Südtirol tl „Trofeo delle Regioni“ tla Calabria
Le „Raiffeisen Beach Cup“ á fat tapa tl’Alta Badia tl'utlima fin dl'edema. Indöt s’á mosoré 72 pers da döt le Südtirol sön le saurun di ciamps da beachvolley dla zona sportiva de San Ciascian. Sabeda s’ál desfiré la competiziun danter les categories di adulc y domënia é spo jüs en aziun i jonins dles categories U14 y U16. Danter chisc á ince partezipé sportifs dl’US La Ila, arjunjon de bogn resultac. 

Lena Irsara s’á batü naota cun Nadine Valentini la sabeda tla categoria ëres, portan a ciasa le terzo post en classifica. La domënia é l’atleta jüda danü sön le saurun cun Sofia Rudiferia. Adöm á le per batü la concorënza, arjunjon le scalin plü alt dl podest tla categoria U16.

Implü rapresentará les döes atletes dl’US La Ila Nadine Valentini y Irsara Lena le Südtirol tla gara dl „Trofeo delle Regioni“, che gnará a s'al dé chisc dis tla Calabria.