La Usc di Ladins

L é stat mic e lejendes i protagonisć del Dì dla cultura ladina, endrezà en domenia ai 21 de setember a San Martin de Tor de gra a la volontà e l endrez soraldut del diretor del Departiment Istruzion, Formazion e Cultura ladina de la Provinzia Autonoma de Busan André Comploi, con la colaborazion de Nadia Moling e l lurier de n bel team che à tout ite l Istitut Cultural Ladin Micurà de Rü e l MUS LA, Museum Ladin Ciastel de Tor.

Chest argoment l é stat cernù ajache la Provinzia de Busan, con l assessor Daniel Alfreider e i assessorac a istruzion e cultura ladina l'à tout su l'endesfida de domanèr l recognosciment da pèrt de l'Unesco de mic e lejendes ladines desche patrimonie no material de l'umanità.

A se dèr ju trop per chest l é stat l colaborador del assessorat Carlo Suani, adum con l professor Pier Luigi Petrillo, dozent de derit a l'Università la Sapienza de Roma olache l é diretor de la Catedra Unesco sul patrimonie cultural. Petrillo da temp l va en feries te la Val Badia, en domenia l é ruà a tor pèrt a chest Dì dla cultura e te chesta ocajion l ge à consegnà a Alfreider e Suani l dossier che con compagnèr la domana de recognosciment. 

Se pel lejer dut su La Usc nr 37 dai 26 de setember, che se pel troèr ence te la boteighes de sfoes. Sul sit www.lausc.it se pel fèr l abonament al e-paper per aer azes vigni vender a dut l sfoi sul fonin, tablet o computer.  (Lucia Gross)