La Usc di Ladins

La radunanza metuda a jir en vender ai 28 de november dal Istitut Cultural Ladin de Fascia aea chest an n peis maor: chel de zelebrèr 50 egn de storia. Per l’ocajion chi che te chisc egn à fat pèrt di organismes aministratives e culturai e che à lurà o colaborà é stac envié te la sala grana del tobià a Sèn Jan, olache la presidenta Tea Dezulian e la diretora Sabrina Rasom se à enterzà te la prejentazion de dut l program de saluc e rengraziamenc, recordanzes e recognoscimenc, peà via coi intervenc de l’autoritèdes.
N domesdì olache l é stat palesà l’emportanza che la ‘majon di fascegn’, voluda ti prumes egn ’70 da l’Union di Ladins de Fascia, à abù te chest mez secol per renforzèr l’identità ladina de val, ma con na valuta forta ence a livel academich e per renforzèr i leames interladins. N valor per chel che à de gregn meric Fabio Chiocchetti, che à vidà chesta istituzion per 42 egn, ma che ampò a chisc festejamenc no l à volù tor pèrt, e l à fat saer la rejons.

Se pel lejer dut su La Usc nr 47 dai 5 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.


 (Lucia Gross)