La Usc di Ladins

La se à avert con n video de prejentazion de duc i colaboradores la radunanza de la Coprativa de Moena chiamada ite en sabeda ai 28 de firé te sala Simonin Maza de le scole. L vizepresident Stefano Benatti à volù i nominar un per un per ge dir n fort develpai: »Se no fossa nesc colaboradores no jissane dalonc, podassane far dute le strategie che volon ma no assane l resultat che pol auzar fora la Coprativa de Moena ancöndì« l à dit anter l batiman de duc i 187 sozi prejenc te sala. Do l salut del ombolt de Moena Alberto Kostner l president de la Coprativa Maurizio Deville à portà dant sia relazion e l diretor Tiziano Facchini le maor ousc del bilanz de ejercizie serà su ai 30 de setember del 2025.
»L bilanz prejenta n resultat da record – à dit Deville – che conferma l percors de crescimonia che à fat la Coprativa te chisc ultimes egn, segn de na azienda staifa e struturada, bona de passar sorafora le malsegureze del marcià global e de consolidar sia prejenza sul teritorie.«

Podede lejer dut su La Usc dai 6 de mèrz da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)