La Usc di Ladins

»I frèdes migranc l é noscia salveza, noscia benediscion. Guai se no i fossa. I ne tegn en pe e nos pisson de i meter ti Cpr, che l é lesc da fèr aric. Frèdes migranc, ve domanon perdonanza«.
Chestes en sostanza la paroles che l Piscop de Trent Lauro Tisi à dit endèna la perdicia te la zelebrazion tel Dom de Trent per la 34^ Dì de orazion e jajun en memoria di miscionaries martires. Paroles en linea con la posizion che don Lauro à semper portà dant, e che va do al messaje cristian de fradaa, solidarietà e umanità che troon tel Vangele.
A vèlch esponent de la politica trentina chesta paroles ge à dat d'empaz: fosc i se à sentù cusé e i à scrit che »N cont l é perdicèr e n cont l é goernèr«. La resposta da raprejentanc istituzionèi e politics del Trentin e de Fascia no se à fat spetèr.

Don Lauro à rejonà de azet di migranc, e sun chest no se pel segur dir che l Piscop e la Diozesa de Trent aesse demò perdicià, e no se pel nience dir che la politica, ne chela nazionèla de ogne color ne chela provinzièla soraldut ti ultimes egn, aesse goernà la situazion. 
L é benfat recordèr coche l é jit l azet di migranc, vardan ence l'esperienza te noscia val che é stata documentèda ti egn da chest sfoi.

Podede lejer dut su La Usc dai 3 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)





 (Lucia Gross)