L artist Claus Soraperra à depent fac e protagonisć de la storia de la Marmolèda su n parei daite te la utia Ponta Penia.
»Respetea tia tera, rejona con tia natura«, chest l é l pensier che ge é vegnù tel cef a Claus Soraperra canche Aurelio Soraruf ge à domanà da ca vèlch setemèna de fèr n depent te Capanna Ponta Penìa. Sul parei a nord de la utia, chel più freit, l é stat tout ju l parei de legn veie e l é stat metù su sul daite n mantel de isolazion: l é restà demò n parei bianch de tulins e dachelavia l patron l se à pissà de embastir via vèlch col artist.
Te cater e cater ot la é stata fata: Claus s’à enjignà vèlch dessegn dantfora, ge à volù na dì presciapech a chierer ca mingol de storia de la utia e de la Marmolèda. Aurelio ge à domanà che vegne depent su i scizeres de Fìe che ai 26 de firé del 1916 à portà su l legnam a spala...
Podede lejer dut su La Usc stampèda dai 26 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)
(Nicoletta Riz)
