La Usc di Ladins

Bele l’ann passé s’â i vijins dla gran dlijia da Corvara intenü che na ciampana ne â nia plü le dër sonn, ara descordâ. An á spo ciaré do y s’á intenü che la ciampana ê sfenüda y ne jô nia plü da cuncé. Ara se trata dla ciampana dedicada a Santa Maria, cun tonalité fis-ges. Ara pësa 770 chili y mosöra n diameter de 107 cm. Les vedles ciampanes ê gnüdes corades l’ann 1962 tla coraria Grassmayr da Desproch. Le Consëi de Cöra á insciö tut la dezijiun da lascé coré na ciampana nöia, medema ala vedla, indô tla coraria Grassmayr. Le presidënt dl Consëi d’Aministraziun dla Cöra, Conrad Irsara s’á fistidié dles chestiuns burocratiches, olache al é sté n gran laur cina che an á ciafé le bëgnsté ince dai ofizi da Balsan. Conrad â bele da möt, dan da 64 agn, podü jí cun so pere a ciaré pro ala corada dles vedles ciampanes. Dan da püch tëmp ál organisé le iade a Desproch, por podëi tó pert a chësc avenimënt tan interessant y unich.

Deplü nes cunta Heidi Flatscher t’La Usc di Ladins di 26 de jügn