La Usc di Ladins

I era de beleche na cincantina i volontères che en sabeda ai 13 de jugn se à binà da mesa les nef da doman ló dal Pont de le Chieve al scomenz de la Val de Sèn Nicolò, per jir a piantèr piantins. Gregn e picoi volontadives, atrezé con maneces, pich o leverin o ence demò con paletes da ort, i à tout su l envit del Comitat Festa ta Mont de jir a dèr na man. »N picol grop de joegn che ne stasc do su Instagram l é adertura vegnù su aposta da Busan a ne dar na man« ne à dit la presidenta del Comitat Festa ta Mont Melissa Locatin. Ajache chest Comitat à l contat con duta la sociazions, l spion del bosch Michele Chiocchetti e l giagher Gianmaria Deluca ge à domanà la colaborazion per portèr a compiment l projet 'AlberEl' che era stat metù a jir del 2019, do Vaia, da Linda Richieri, titolara de la firma Elel Ceramic Art de Poza.

Podede lejer dut su La Usc stampèda dai 26 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)

 (Lucia Gross)