La Usc di Ladins

Le Cor Kyrios s’á iniann mostré te na manira n pü’ desvalia. Ai é stá da aldí deboriada cun i mituns y i jogn dl Vinzentiner Knabenchor da Porsenú, na orchestra de chi 30 musizisć y na band. Ara se trata de n proiet nasciü da na idea dl dirighënt Andrea Tasser, che mëna la bachëta pro i Kyrios y le Cor dl Vinzentinum. Le titul dl conzert: ”Hymns of worship” - Inns de adoraziun. I cater grups má pité n program religius cun cianties gospel inglejes, che lalda y glorifichëia le Signur. Indöt án albü trëi apuntamënc. Ai 12 y 14 d’aurí él gnü cianté y soné tl Parzivalsaal dl Vinzentinum. En mercui ai 17 de aurí tla Ciasa dla Cultura a La Ila. Dl conzert da La Ila ves pitunse n valgönes impresciuns fotografiches, metüdes a desposiziun da Freddy Planinschek.  (pablo)