Caro Fabio, i oress Te fá i complimënc por Tüa cariera lungia y importanta a chëra che te ti as dediché 42 agn de laur y sacrifizi, mo ince rica de tröpes sodesfaziuns. To spirit critich, tres dër aprijé da me, y to gran carisma da mëte tres döt en descusciun, ince datrai, meton sön mësa situaziuns y problematiches nia saurides, á zënz'ater caraterisé to percurs bel y important de laur y de vita. T'as dediché to tëmp, tüa energia y to gran savëi ala cultura ladina, y porchël podunse nos, picera comunité de numer, mo grana y sterscia canche ara nen vá de cultura, ma te dí n gran giulan.
Giulan, da avëi te düc chisc agn contaminé le monn ladin cun to savëi y tües vijiuns. Al n'é dessigü nia tres sté saurí, ti momënc sfadiusc y de dificolté esseste dessigü podü dí »Bëgn bëgn,... paziënza, tolun ma la strada plü saurida«, mo insciö n'aste nia fat. Avisa ti momënc olache les soluziuns parô dër dalunc y imposcibles, él gnü fora tüa determinaziun. Da inteletual aste porté l'Istitut Cultural Ladin de Fascia a n livel dër alt, olache la storia dl popul ladin á ciafé raisc sotes, olache al á la poscibilité da ti jí do a süa identité, a so ester ladins, a so daciasa. Giulan ala jënt sciöche Te, rica de pinsiers y prospetives sotes y sintides podunse dí che i ún la poscibilité da jí dl dër vers por le bëgn de nosta comunité.
Dietelpai caro Fabio, i bogn früc de To laur podará gni cöiüs jö ince dales generaziuns dl dagní! (Michil Costa, Corvara)
Ad multos annos!
Galaria retrac
View the embedded image gallery online at:
https://www.lausc.it/letres/13087-ad-multos-annos#sigProId5e38635251
https://www.lausc.it/letres/13087-ad-multos-annos#sigProId5e38635251