Caro Sèn Nicolò, recorde bolintiera canche siere n picol bez, te se spetèa te stua jà na setemèna dant con corones e giaculatories per esser ben segures che ai 6, canche te fosses ruà, no se aessa abù brea de se cruzièr che chel malan che te èes vindò te faghe vèlch. Dapò zacan vegnia l 6 e te stua siane semper de n bon pec a te spetèr con devozion. Te ruèes, duc te fajees preèr, racomanan de esser semper valenc e sporjan n picol pach te te n jies per vegnir endò l an che vegn. Dapò per dut l an no te se vedea più, ne te e nience chel burt malan. Aldidanché no capesce più coche la é, jà coi prumes de dezember va stroz l malan zenza de te e, fin dò la Conzeta, ju a l infern l no va più. Fosc che ben sion vegnui più catives e chel se meriton o che valgugn se à perdù l cef e no sà più che inventèr. Ma gé cree che dant de dut se ruinèr, fossa ben fat che i daghe na vegèda a coche nesc veies i à semper fat. Con chest te domane jà per l an che vegn, che te ge portes n bel cef nef a chi che se l à perdù e che i empère con n gran cher la usanzes a tegnir su.
Nicola Eccel da Penia
