La Usc di Ladins

Alfreider dij: »La furnadoia sun furcela de Saslonch ie bela, storica, de mpurtanza, nostalgica y on na superbia limpea.« La grupa Nosc Cunfin respuend: la belëza ie na roba de gust. Ciuldì dëssa pa la furnadoia sun furcela vester tan de mpurtanza per l raion, sce la ie n funzion mé cater mënsc al ann? Sce l mplant nuef ne n’unissa nia suvenziunà nchin al 75%, ne fóssel economicamënter nia atratif a l fé. L vel pona inò la soluzion urmei solita: l paiachëutes la ndrëza pa bën inò ca. Sce n ëssa da mantenì duc i mplanc storics y nostalgics, po’ fóssel te Sëlva mo vint lifc sëuraprò, mo plu pilastri y n drë’ ncujamënt de cabli. (Letra de Robert Perathoner, Santa Cristina, grupa Nosc Cunfin)

De plu tla edizion stampeda de La Usc di Ladins o sun l e-paper a paiament www.lausc.it/e-paper