La Usc di Ladins

Jené 2024 l plu ciaut da canche mesuron la temperatura.
L ann nuef ne mpermët nia de bon y la distopia ie bele tlo!
Co sons’a boni de cialé pro coche la tiera se desdruj y tl medemo mumënt fé sciche sce nia ne foss’.
La storia di doi croc ie vedla ma la lezion mo nia mpareda. L prim crot se selva sautan ora de fana mplenida de ega fiersa. L segondo crot miena che l ebe venciù n fin dl’ena de wellness ora l’Adler y ne se rënd nia cont che l’ega vën for plu fiersa nchin che l ie  cuet a puntin. Co ie pa chësc mei puscibl? Mi cian ie
scialdi gulëus y maia gën, ma canche l nen à assé nen àl assé – stop. L homo sapiens ie segurmënter acort, ma l ti mancia n organn che ti dij canche l ie assé. Ulëi for deplù ie da una na pert na forza che ti à dat l mesun ala persona de jì sëura la natura ora y crië la ziviltà, ma dal’autra pert sarà chësta energia, sce la ne vën nia cuntenida, la gauja dla fin dla storia dl homo sapiens, che tan acort ne iel pona nia. (Letra de: Hagen Kasslatter, Santa Cristina)

De plu tla edizion stampeda de La Usc di Ladins o sun l e-paper a paiament www.lausc.it/e-paper