Dutor Gherdëina
L dutor de servisc da n sada ai 10.09. dala 08:00 daduman nchin la 08:00 daduman de n lunesc ai 12.09. ie l dutor Valentin Tröbinger de Sëlva, tel. 0471 773073 o l 335 6844944.
Doturs Val Badia
Le dotur en sorvisc tla Val Badia, tla fin dl’edema di 10 y 11 de setëmber, é le dotur Alberto Caretta, Badia, tel. 0471 839706 o 380 3161999.
Apoteches
Apoteca Gherdëina
L’apoteca che ie de servisc ora dl orar ordiner de giaurida, da n vënderdi ai 09.09. nchin n vënderdi ai 16.09. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 9 de setëmber dales 19:00 al vëndres ai 16 de setëmber ales 19:00, é chëra d’Al Plan, tel. 0474 501240.
Avisc
Atualmënter
Raida di mejes sa Sacun
L Museum Gherdëina mët a jì uni mierculdi nchin ala fin de setëmber na vijita ai mejes de Mëune y Peza y ala dlieja da Sacun. La raida de mez n di scumëncia dala 09:00 tl Museum a Urtijëi cun na ntroduzion y fina sa Sacun dala 13:00 sa Somont pra la curiera. L vën furnà su cun l citybus. Nfurmazion y iscrizion: tl Museum Gherdëina a Urtijëi, tel. 0471 797554, info@museum gherdeina.it, www.museumgherdeina.it
Atualmënter
Museum Gherdëina
L Museum tla Cësa di Ladins a Urtijëi ie daviert dal lunesc nchinn vënderdi, dala 10:00-12:30 y dala 14:00-18:00. Sada danmesdì dala 10:00-12:30. Per vijites ora dl orar reguler y vijites menedes pòssen cherdé su l 0471 797554. Plu nfurmazions sot a www.museumgherdeina.it.
Iadi y Jites
10.09.
Al Plan: spazierada por families
En doman sabeda ai 10 de setëmber él la Ciasa dl Parch Natural Fanes–Senes–Braies che inviëia a na spazierada por families, sot al tema »Socrëc tla nöt«. An s’incunta dales 19:30 a Ciamaor, por jí spo deboriada cina ta Lé dla Crëda y indô zoruch, a descurí ci che rabësc de nöt. Al é da se tó para na löm. Partezipaziun debann, al é da s’anunzié anter i 09.09 dales 18:00 al 0474 506120.
17.09.
Escurjiun: les eghes de Fanes
En sabeda ai 17 de setëmber él la Ciasa dl Parch Natural Fanes – Senes – Braies che inviëia a na escurjiun acompagnada dal tema »Les eghes de Fanes«. An s’incunta dales 9:00 a Pederü, por jí cina tla munt de Fanes a descurí la morvëia dles eghes. An röia zoruch incër les 17:00. Al é da s’anunzié anter i 16.09. dales 18:00 al 0474 506120.
View the embedded image gallery online at:
https://www.lausc.it/manifestazions-y-evenc/20863-manifestazions-atuales#sigProIddfa5bb1408
https://www.lausc.it/manifestazions-y-evenc/20863-manifestazions-atuales#sigProIddfa5bb1408
10.09.
Bienela Gherdëina y Herwig Prinoth
Deberieda cun l espert Herwig Prinoth uniràl jit sa Bula a ti cialé al geotrail. N se anconta pra la fermeda dl bus sa Bula, n juebia ai 15.09. dala 15:00.
18.09.
Jita sun l Kortscher Schafberg
La Lia da Mont de Gherdëina mët a jì, n dumënia ai 18.09. na jita sun l Kortscher Schafberg te Schnals. L sarà da fé n deslivel de 1.100 metri y da jì zirca sies ëura. Da se nuté su iel tla butëighes Ciofs Inge, Sport Malsiner y Sport Bruno Riffeser. Per plu nfurmazions cherdé su Philipp al numer 334 3338903.
Mostres y Ert
Atualmenter
»Enrosadira« te Museo Ladin
Te la sala Heilmann del Museo Ladin de Fascia se pel veder la mostra »Enrosadira« con la operes de Bepin Soraperra. L’entrèda é debant e la esposizion resta fora enscin ai 11 de otober. Dapò la vegnarà tramudèda te la senta del Liceo Artistich de la Scola Ladina de Fascia.
Atualmënter
Mostra de Egon Dejori – Limit
Tl Tublà da Nives ie da udëi videos, renderings tridimensciunei, fotografies y nstalazion, nes prejentan na critica soziela n pue desferënta. Davierta nchin ai 25.09., uni di ora che de lunesc, dala 16:00 nchin la 19:00. De vënderdi nce da sëira, dala 20:30 nchin la 22:00.
Atualmënter
Mostra tla Galaria Doris Ghetta
Mostra culetiva »Erosive Forces Shape (Inner) Landscape« cun lëures de Francesco Bertelé, Milena Bonilla, Arturo Hernández Alcázar, Arnold Holzknecht, Alexandra Kadzevich, Vibeke Mascini y Finbar Ward. Nchin ai 25.09., da merdi nchin de vënderdi dala 15:00-18:00 o cherdan su l numer 366 1500243.
Atualmënter
Bienela Gherdëina
Ai lëures metui ora tla sala Trenker tla cësa di cungresc y tl ex hotel Ladinia pòssen jì a ti cialé uni di, ora che de lunesc, dala 10:00-12:00 y 15:00-19:00 (ntreda sala Trenker 5€, sot a 14 ani debant). Tl Ciastel de Gherdëina pòssen ite, ora che de lunesc, for dala 10:00-12:30 y dala 14:00-16:30. L vën nce pità vijites menedes ala mostres y nce ala jita artistica sal lech da Lagustel, che n possa apusté danora al 338 9224921.
Atualmënter
»Danter se paré y azeté« de Josef Kostner
Te sies sales dla Hofburg a Persenon, iel da udëi var per var l svilup artistich de Josef Kostner de Urtijëi (1933–2017). La mostra ie davierta nchin ai 06.11. uni di dala 10:00-18:30 (da utober inant nchin la 17:00).
Atualmënter
»Amor, mort y malan. Teater tl Tirol«
L Museum de Ciastel Tirol sëura Maran y l scultëur Wilhelm Senoner de Urtijëi nvieia ala mostra »Amor, mort y malan. Teater tl Tirol« tl »Rittersaal«. La mostra sarà da udëi nchin ai 20.11.
Atualmenter
Mostra de Franz, Hilde e Walter Rizzi
Te la veia senta storica del Consorzie Eletrich de Poza te Vidor la sociazion culturala I Fiorimes met fora fin ai 11 de setember la esposizion di chèdres de Francesco Ferdinando Rizzi e si fies: da jebia a domenia da les 15:00 a les 18:00. Entrèda debant.
09.09.
Mostra »Scuvrì« – scuvierta fotogrametrica de Gherdëina
Vernissage n vënderdi ai 09.09. dala 20:00 tl self dla mostra dla Lia Mostra d’Ert/Circolo. La scultures dla serie »Scuvrì« ie dedichedes al’azions y tradizions tipiches de Gherdëina. La mostra resterà davierta nchin ai 25.09., uni di dala 09:00 nchin la 12:00 y dala 16:00 nchin la 19:00.
12-16.09
Simposie Toni Gross: èrt e sons te piaz
Dai 12 ai 16 de setember a Poza 5^ edizion del event endrezà da Union di Ladins, Comun de Sèn Jan e Scola Ladina de Fascia, che chest an con na formula neva porta te paisc artisć del legn e de la musega. Duc i dis berstot te piaz e da les 6 da sera scontrèdes prejentazion o performances de musega. de più su la piates fb Simposie Toni Gross e Union di Ladins de Fascia.
23.09.
1915 – Louis Riffeser scrij ... a cësa
L Cunsëi de Furmazion de Santa Cristina nvieia ala mostra dla chertes scrites da Louis Riffeser da Maciaconi ntan si perjunia tla Ruscia. Giaurida n vënderdi ai 23.09. dala 18:00 tla biblioteca Tresl Gruber. La mostra resterà davierta nchin ai 19.10., da merdi nchin de vënderdi dala 15:00 nchin la 18:00, mierculdi y juebia nce dala 08:30 nchin la 11:30 y la dumënies dala 09:30 nchin la 11:30.
Segres y Festes
11.09.
Segra de Runcadic
La festa doduman dumënia scumëncia dala 09:30 cun na mëssa cun urchestra zelebreda da Sn. Jakob y cianteda dal Cor de Runcadic (Missa Brevis n B-Dur de Mozart). Da dedò sunerà la Mujiga da Bula n cunzert sun la plaza dla scola elementera. L unirà pità da bever y da maië cun ntratenimënt mujighel.
Cursc
09.09.
Curs de bal
La Grupa da Bal Populer de Santa Cristina y Sëlva ve nvieia al curs de fox, bolzer y polca, cun la scola de bal de Gaetano y Anny. L curs scumencerà ai 09.09 y jirà inant, for a Santa Cristina, nchin ai 14.10. Plu nfurmazions al 333 9387650
20.09.
Curs de »Ashtanga yoga«
Curs
View the embedded image gallery online at:
https://www.lausc.it/manifestazions-y-evenc/20863-manifestazions-atuales#sigProIddfa5bb1408
https://www.lausc.it/manifestazions-y-evenc/20863-manifestazions-atuales#sigProIddfa5bb1408
Temp Lede
Atualmenter
Escape Room a Dèlba
Via per dut istà l é avert Fora!, la pruma Escape Room de Fascia, te la veia scoles mesènes de Dèlba, per endrez de la Coprativa sozièla INOUT col sostegn del Museo Ladin. Info e prenotazions al 336 4246874 o escape@inoutfassa.com.
Atualmenter
Museo Ladin de Fascia
L Museo Ladin de Fascia a Sèn Jan resta avert al publich enscin ai 11 de otober da les 15:00 a les 19:00.
09-11.09.
Gran Festa da d’istà
Dai 9 ai 11 de setember a Cianacei vegn endrezà la Gran Festa da d’istà. En vender ai 9 da les 20:30 musega con i »Oberkraniner Allstars«, sabeda ai 10 con i »Innkreis Buam«. En domenia ai 11 da les 15:00 defilèda di gropes de folclor e museghes fora per la strèdes de Cianacei, da sera musega con »Die Goldrieder«.
11.09.
Segra de Runcadic
Runcadic festejea si Segra. Dala 09:30 Santa Mëssa cun pruzescion y da dedò festa y mujiga sun plaza.
11.09.
Ancunteda di auti Fiat 500
Apasciunei di auti Fiat 500 se anconta n dumënia ai 11.09. dala 08:30 sun Plaza de Chemun de Sëlva. La festa jirà inant nchin la 16:00.
11-18.09.
Saores d’uton
Dai 11 ai 18 de setember la sociazion de restoranc »Ristora Moena« met a jir la tradizionèla rassegna enogastronomica con la proponetes gourmet de la sajon che taca chest meis.
13.09.
Cëna de chi dl 1942 dla Val Badia
Ai 13.09. dales 10:30 sön plaza de dlijia a La Ila. Dedô mëssa y marëna. Cost: 55,00 euro. Prenotaziuns: Erica Kostner (Corvara – Calfosch) 0471 836064; Carlo Peccei (La Ila – San Ciascian) 349 2653128; Carolina Alfreider (Badia) 0471 839 629; Irma Tamers (Al Plan – La Pli) 0474 501119; Ludwig Rungger (Rina – San Martin – Lungiarü – Antermëia) 0474 501353 o 333 2940946.
13.09.
San Martin: pastelné te biblioteca
En mertesc ai 13 de setëmber dales 15:30 é mitans y mituns dla elementara bel inviá da gní te biblioteca a San Martin, por n domisdé cun stories, pastelné y jüc. Organisaziun: Biblioteca Sas dla Crusc.
13.09.
Yoga tl cör dles Dolomites
En mertesc ai 13 de setëmber dales 16:30 él Alexandra, maestra zertificada de IYEN GAR® YOGA, che mostra pro le Sass Dlacia a San Ciascian, sciöche le yoga pó cherié usanzes nöies y aumenté le bëgnester de mënt y corp. Prenotaziuns ti ofizi turistics dl’Alta Badia o sön la plata internet www.altabadia.org
13.09.
»Food Forest«
Adöm cun l’esperta de erbes Helga pón descurí le tru »food forest« al Planac. I partezipanc pëia ia en mertesc ai 13.09. dales 14:00 dala plaza da parché dl Planac, por spaziré drvers de Boé. Al ti gnará splighé dötes les plantes che crësc te chësc raiun y sciöche an pó les adoré ince te ciasadafüch. Prenotaziuns ti ofizi turistics dl’Alta Badia o sön la plata internet www.alta badia.org
15. y 16.09.
»Nos Ladins
En jöbia ai 15 de setëmber, pro l’iniziativa »Nos Ladins«, sarál le jonn Lukas che mostrará a Badia le lüch da paur y ince le parch dai cerfs. Le de do, ai 16 de setëmber, án la poscibilité da fá na escurjiun por jí a ciaré le florí dl sorëdl cun l’alpinist Giorgio Manica y le fotograf Matteo Agreiter. Prenotaziuns y informaziuns ti ofizi turistics dl’Alta Badia o sön la plata internet www.altabadia.org
16-18.09.
Festival del Puzzone e Desmonteada
Dai 16 ai 18 de setember a Soraga e Moena na lingia de scomenzadives leèdes al jir sa mont col bestiam e ai prodoc dal lat. En sabeda da les 10:30 a les 15:00 Desmonteada a Soraga, en domenia ai 18 da les 11:45 Desmonteada a Moena. De più su www.visit moena.it.
17.09.
Festa dla castanies
L VKE nvieia duta la mutans y i duc mutons ala festa dla castanies cun juesc y devertimënt. N sada domesdì ai 17.09. sun la plaza dai juesc dan la scola elementera de Urtijëi.
Sport
Atualmenter
Corsc de aviament al hochey
L Hockey Club Fascia Falcons met a jir corsc de aviament al hockey debant per bec dai 5 ai 12 egn. I corsc vegn endrezé te stadie da les 18:15 a les 19:00. Per info e iscrizions: info@fassafalcons.com o 0462 602499.
10.09
Puma partida per l Fascia Falcons
L Hockey Club Fascia Falcons scomenza l campionat con la pruma partida te cèsa: en sabeda ai 10 de setember da les 4 domesdì ve speton duc ta Dèlba per la partida contra i Red Bull Hockey Juniors e n omaje.
10.09.
Prim juech dla Alps Hockey League
L
View the embedded image gallery online at:
https://www.lausc.it/manifestazions-y-evenc/20863-manifestazions-atuales#sigProIddfa5bb1408
https://www.lausc.it/manifestazions-y-evenc/20863-manifestazions-atuales#sigProIddfa5bb1408
17.09.
Gara dla roda »Crono Fanes«
En sabeda ai 17.09. él la gara cun roda da munt o E-Bike, da Pederü cina sön Fanes. La gara mët man dales 11:00, cun start dlungia la ütia Pederü. Infos y iscriziuns danfora sön www.eventsdolo mites.org o al 327 3698176. L’iscriziun costa 18,00€ danfora, 20,00€ al start. Lapró él ince na pasta.
17.09.
Sellaronda Bike Day
Dala 08:30 nchin la 15:30 de n sada ai 17.09. unirà i jëufs ntëur Mëisules (Sela, Frea, Pordoi y Ciaulonch) śarei al trafich per ti lascé la lerch a chëi y chëles dala roda. Fé pea ie debant y l ne n’ie nia debujën de se scrì ite. N pëia via dan la butëiga Maciaconi.
Chino
Atualmenter
Al chino de Cianacei
Anché vender ai 9 e en domenia ai 11 de setember les 17:00 l é »DC League of Superpets« e da les 21:15 en vender l é »Bullet Train« e en domenia »Top Gun: Maverick«.
Atualmenter
Al chino de Tieser
En vender ai 9 e en sabeda ai 10 de setember les 17:15 l é »DC League of Superpets«; da les 21:15 en vender ai 9 l é »Top Gun: Maverick« e en sabeda e domenia ai 10 e 11 »Rumba Teraphy«.
Referac
11.09.
Bellatalla a Soraga
En domenia ai 11 de setember te La Gran Ciasa a Soraga da les 20:30 l antropologh Davide Bellatalla rejona de sie liber »Il Grande Viaggio«.
12.09.
A Poza scontrèdes coi autores
En lunesc ai 12 de setember les 21:00 te piaz de Comun a Poza per la rassegna »Te piaz d’istà« de Virna Pierobon l é la scontrèda con Gabriele Valentini Mambo per rejonèr de Fascia ti recorc da n’outa. Se l é catitemp te sala de Consei de Comun de Sèn Jan.
13.09.
Ierbes per l sistem imuniter
La natura nes pieta truepa ierbes che nes juda a resté nton ntan l inviern, per dé forza a nosc sistem imuniter. Referat cun l’esperta Karin Planker, n merdi ai 13.09. dala 20:30 te Sala de Chemun de Santa Cristina.
20.09.
Urbanistica y politica soziela
L KVW de Urtijëi nvieia ala sëira de descuscion cun l referënt Leo Resch n con’ dla tematica »Cuestions zities danter urbanistica y politica soziela – rejona pea nce tu«. N merdi ai 20.09. dala 19:00 tl’Aula Magna dla scola elementera de Urtijëi.
22.09.
Se tò la vita zënza n ultimo salut
L KVW de S.Cristina nvieia ala sëira de descuscion dal titul cun l primar dutor Roger Pycha. Co ti vester al duel, ai sentimënc de gauja, ala dumandes restedes daviertes? Na sëira da scuté su, da pensé y rujené pea, n juebia ai 22.09. tla sala Raiffeisen tla Cësa de Chemun de Santa Cristina.
Mujiga
09.09.
I Sons de la Dolomites
Anché, vender ai 9 de setember sun Boce da les 12:00 l é l conzert de HalliGalli Quartet. Se l é catitemp da les 17:30 te teater de Navalge.
11.09.
Cianté y soné sön munt
En domënia ai 11 de setëmber él la »Böhmische da La Ila« che sona pro la Ütia Lee a Badia, dales 13:30 inant.
16.09.
Cunzert cun Eva Vinatzer
Pitl cunzert de mujiga tlassica lesiera, n vënderdi ai 16.09. dala 16:00 nchin la 18:00 sun l troi da jì a pe Luis Trenker, dan La Curta a Urtijëi.
Religion
10.09.
La Val: Preparaziun dl Bato
Geniturs che á n viadú da batié, pêrs che aspeta, toc y totes dl Decanat Val Badia, é bel inviá ala Preparaziun dl Bato, en sabeda ai 10 de setëmber dales 15:00 ales 17:00, te salf dles uniuns a La Val. N stlüj jö cun n pice renfrësch, arjigné ca dala Uniun dles Ëres da La Val. Prenotaziuns al 328 0717796.
11.09.
Mëssa di Alpini
La grupa di Alpini de Gherdëina mët a jì si mëssa tradiziunela te si dlieja sun Jëuf de Frea, doduman dumënia ai 11.09.. Chi che uel possa pië via a pe dala 09:30 da Plan, dal hotel Alpino y do i 6km de via Crucis ruveràn pra la dlieja. Ntëur la 11:45 mëssa cun Sn. Ivo Costanzi, cun l Cor de Dlieja y la Mujiga de Sëlva. Da dedò saràl da maië y da festejé i 65 ani dla grupa.
Radio
LADINIA LIVE: microfons daverc sön atualité y cultura. Da aldí vigni mertesc y mercui dales 13:45 ales 14:00.
13.09.
Simposie Toni Gross
Dales 13:45. Per la 5°edizion del Simposie Toni Gross zipiadores e artisc che crea musega e strumenc lurarà en cobia dai 12 ai 16 de setember a Poza per chierir ensema de trèr fora dal legn formes e sons sot al ciapel »Surplus«. En rejonon col diretor artistich Pierangelo Giacomuzzi, conduzion Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
09.09.
L’Ijules Fær Øer–particularità geofisica y culturela (prima pert)
Dales 19:05. Deberieda a Christian Ongaro, che à ënghe chëst ann vijità l’isoles a mesa l ozean atlantich dl nord, vëniel rujenà de chësta nazion che trueps cunësc mé de inuem, ma che do la rata puec à vijità. Si richëza morfologica y si identità sterscia les rënd n luech mo puech ciautinà ju dal turism y propi perchël nteressantes te si autentizità. Trasmiscion de Ivan Senoner.
11.09.
L’Ijules FærØer–particularità geofisica y culturela (segonda pert)
Dales 19:05. S’la ciaculan cun Christian Ongaro, jons a scuvrì i luesc tipics de chësta ijula, che stiza ora pervia de si sfumadures verdines. Tres n diare de viac naratif vëniel auzà ora i luesc che à mpresciunà i doi viandanc. Trasmiscion de Ivan Senoner.
14.09.
Inout e en aut
Dales 19:05. La coprativa sozièla INOUT se tol dant de fèr delvers e sgoler en aut con si scomenzadives soraldut per e coi joegn e la joenes. Si obietives apede a voler esser n pont de referiment e stimol per i joegn se met dant de lurer a na vida sostegnibola e valoriser cultura e lengaz ladin. De Anna Mazzel.
15.09.
Sinfonia di mile
Dales 19:05. Nominé na »Sinfonia di mile« dij bele tröp: propi 1.030 musizisć y ciantarins, é rová adöm pro les prömes rapresentaziuns dla 8 sinfonia de Gustav Mahler. De Esther Videsott.
Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
13.09.
Sport ladin
Dales 20:50 ca. Program de Diego Clara y Hartmann Mairhofer, a cura de Leo Senoner.
14.09.
Mendret: L valor de la colaborazion
Dales 20:50 ca. L valor de n teritorie l vegn fora te tante maniere e l é vindedò noscia capazità de ge vardèr con respet e enteress che sion più bogn de valorizèr. Jon a veder coche nosc raion l pel esser valorizà tras neva colaborazions e jon ence delaite del consorzie Parmiggiano Reggiano a veder l lurier che fèsc i lurieranc de la comunità Sikh. Progr. de Cinzia Pistoia, a cura de Anna Mazzel.
15.09.
Scenar ert y cultura – Manuel Crazzolara, Greta Mulser
Dales 20:50 ca. Manuel Crazzolara, apasciunà de rock y mond gotich tol rispl y tinta per ti dé vita a si dessënies. Datrai stilisei y de natura caricaturela, datrai acribics y avisa. Greta Mulser ie na studënta che ntan l tëmp liede chëuj tasces y guanc. Program y cunzet: Ivan Senoner, tai: Hans Peter Karbon, a cura de Leo Senoner.