La Usc di Ladins

Dotours
Dutor Gherdëina
L dutor de servisc da n sada ai 17.12. dala 08:00 daduman nchin la 08:00 daduman de n lunesc ai 19.12. ie l dutor Pablo Policastro tl ambula­tuere di dutores Kostner/Weber, a Urtijëi tla streda Trebinger 10, tel. 366 3646 254.

Doturs Val Badia
Le dotur en sorvisc tla fin dl'ede­ma di 17 y 18 de dezëm­ber, ti comuns de Badia, Corvara y La Val, é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él da contaté le Sorvisc de medejina de basa, da ciafé al 338 4932083.

Apoteches
Apoteca Gherdëina
L'apoteca che ie de servisc ora dl orar urdiner de giaurida, da n vënderdi ai 16.12. nchin n vënderdi ai 23.12. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).

Apoteca Val Badia
L'apoteca en sorvisc fora dl orar ordinar, dal vëndres ai 16 de dezëmber dales 19:00 al vëndres ai 23 de dezëmber ales 19:00, é chëra da La Ila, tel. 0471 847152.

Avisc
Atualmenter
I orari de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l'Union di Ladins é da poder veder ence sul canal Tv Ladina de Youtube.

Atualmenter
La dreta regoeta desferenzièda ence 
per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it – 0462 764500) e ti Ofizies tribuc de duc i Comuns de Fascia.

Atualmenter
Marcià de roba durèda
La parochia de Poza endreza n marcià de roba durèda. L é avert te oratorie enscin ai 21 de dezember, fora che de domenia, da les 20:00 a les 22:30. Chel che vegn tout serf per la speises del oratorie e per benefizenza.

Atualmenter
Pigui Experience te 
Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.

Atualmënter
Picolin: portina por assistënza y cura
La Portina por l'assistënza y cura é daverta trëi iadi al'edema: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl'alzada a tera sön la man ciampa.

Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.

Atualmënter
Iniziativa di ëi de 
Puster – MIP
L'ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it

16.12
Ujes averc te la Scola 
de Fascia
En vender ai 16 de dezember da les 14:30 a les 16:30 la Scola Ladina de Fascia aur si ujes per fèr cognoscer si licees, veder si programes e vijitèr la scoles e i laboratories e aer informazions sul projet Ski College.

17.12.
Develpai al volontariat
En sabeda ai 17 de dezember da les 17:00 al PalaDolomites de Ciampestrin l Procurador del Comun General e i Ombolc de Fascia met a jir n picol moment de recogno­scenza per la Sociazions de volontariat de val. Tolarà pèrt ence Giorgio Casagranda e Giulia de Paoli del Zenter Servijes per l Volontariat Trentin.

17.12.
Radunanza de la Majon 
di Fascegn
En sabeda ai 17 de dezember da les 17:00 te sala L. Heil­mann del Museo Ladin a Sèn Jan la Majon di Fascegn endreza la radunanza generèla con la prejentazion de la ativi­tèdes del Istitut, la Biblioteca e l Museo Ladin.

Mujiga
17.12.
Mountain Christmas: 
»Trio Ladinia«
L trio di corni da mont sunerà n duman, sada ai 17.12. dala 17:00 sun l marcià da Nadel sun Plaza Nives te Sëlva.

18.12.
»Ajache l ie tosc
Nadel« – cunzert cun l
cuartet De Cater
L Cunzert da Nadel sarà ai 18.12. dala 17:00 tl Tublà da Nives te Sëlva. Ntreda liedia.

18.12.
Mountain Christmas: 
l cianta l Cor di Mutons 
de Sëlva
L Cor di Mutons de Sëlva cianterà de bela cianties da Nadel sun l marcià da Nadel te Sëlva, ai 18 de dezëmber dala 17:00.

21.12.
Conzert da Nadé 
dla Scora de Musiga 
Val Badia
La Scora de Musiga Val Badia inviëia a n conzert da Nadé, en mercui ai 21 de dezëmber dales 18:00, te dlijia de Badia. Al sona y cianta scolares y scolars dla scora de musiga.

23.12.
Mountain Christmas: meludies da Nadel cun 
i Hosianna
La grupa Hosianna cianterà sun l marcià da Nadel sun Plaza Nives te Sëlva, ai 23.12. dala 17:00: la purterà dant de bela cumposizions fates dala grupa nstëssa coche nce cianties cover da Nadel cunesciudes.

24.12.
Mountain Christmas: meludies da Nadel cun 
la Mujiga de Sëlva
La Mujiga de Sëlva sunerà inò coche da tradizion do la santa mëssa n la Ueia de Nadel, ai 24.12., dala 17:00 sun Plaza Nives te Sëlva.

24.12.
Santa Nuet a Urtijëi
Coche da tradizion sunerà i strumënc a fla n la Ueia de Nadel, dala 17:00, do la mëssa di:la mutons:ans, sun l ciam­panil dla dlieja de Urtijëi y da dedò nce sun Pitla Plaza de Sant Antone.

25.12.
Mountain Christmas: meludies da Nadel cun l CDJG Brass Quintett
L CDJG Brass Quintett sunerà de bela meludies da Nadel, ai 25.12. dala 16:00 sun Plaza Nives te Sëlva.

Temp Lede
Atualmenter
Cripeles sui festii a Vich
Sui festii de Vich se pel veder la cripeles enjignèdes da la desvaliva sociazions, privac e artisć del paisc, ti ciantogn da Sèn Jan fin sa Valongia. Les restarà fora enscin ai 8 de jené del 2023 e ogne vender da les 17:00 l é la raida vidèda con aperitif su prenotazions al 335 7479965.

Atualmenter
Picol marcià da Nadèl 
a Vich
Enscin ai 18 de dezember da les 10:00 a les 12:30 tel picol piaz dedant al Ofize turistich de Vich vegn endrezà l marcià da Nadèl »Picol, bon e bel!«

Atualmenter
Marcià da Nadèl 
a Ciampedel
Dai 23 de dezember ai 8 de jené te Piaz de Ciampedel vegn metu fora e avert da les 15:00 a les 19:00 la ciasetes de legn del Marcià da Nadal, che met dant magandiva tipica e prodoc de èrt e artejanat.

Atualmenter
Marcià da Nadèl sul Lech 
de Ciareja
Ogne sabeda e domenia del meis de dezember da les 10 da doman fin les 8 da sera vejin al Lech de Ciareja l é avert la ciasetes de legn del Marcià da Nadèl. Pulmins debant dal piaz di auti del Paolina Info: Carezza Event, 0471 619520.

Atualmenter
Marcià da Nadèl a Moena
Aai 17 e 18 de dezember e dai 21 ai 8 de jené (fora che l dì de Nadal) te Piaz de Sotegrava, Piaz de Ramon e Picol Piaz Perle Alpine a Moena l é avert le ciasete de legn del Marcià da Nadal, con evenc de cornisc. Info: Comitat Moena Eventi, nr 371 4349560.

Atualmenter
Marcià da Nadèl a Soraga
Dai 16 ai 18 de dezember e dai 23 ai 6 de jené te Pra del Preve vegn metù fora l picol marcià da Nadèl. L é avert da les 15:00 a les 20:00, con evenc de musega e cianties ai 10, ai 17 e ai 30 de dezember e ai 6 de jené. Dai 24 de dezember ai 6 de jené se pel ence veder la cripeles fora per l paisc.

18-21.12.
Marcià da Nadèl 
per benefizenza
L Grop Mille Centrini da Vich endreza l picol marcià da Nadèl per benefizenza. Ai 18, 19, 20 e 21 de dezember da les 15:00 a les 19:00 te Ciasa Marmolada se pel troèr de bie ogec fac a man dai volontadives. Chel che vegn tirà su jirà per operes de ben.

Atualmënter
Mostra de criples
Tl raion da jì a pe de Urtijëi iel metù ora de plu criples ntan l tëmp da Nadel. La espusizion sarà da udëi nchin ai 08.01.2023.

Atualmënter
Stories y pensieres d'Avënt
Tla biblioteca de Sëlva vëniel liet dant stories y pensieres d'Avënt per ladin, talian y tudësch, for dala 17:30: ai 19,20,21 y ai 22 de dezëmber.

Atualmënter
Urtijëi, luech da Nadel
Chëst ann iel inò l marcià da Nadel tl raion da jì a pe de Urtijëi. I stonc ie davierc uni fin dl'ena, dal vënderdi nchin la dumënia, dala 11:00–19:00. Dai 23.12. inant à i stonc gastronomics daviert uni di, dala 15:00–20:30, i autri stonc (dla butëighes) śera ntantsce ai 24.12. bele dala 16:00, ai 25:12. iesi śarei, ai 26.12. iesi davierc dala 15:00–19:00 y nce ai 01.01. dala 15:00–19:00.

Atualmënter
Mountain Christmas: marcià da Nadel te Sëlva
L marcià da Nadel sun Plaza Nives te Sëlva jirà inant nchin ai 08.01., for de vënderdi, sada y dumënia y dai 24.12 ai 08.01. uni dì. Orar de giaurida: 15:00–19:00.

Atualmënter
La Val: ala descurida 
dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d'aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.

Atualmënter
»Paisc da Nadé« a 
San Ciascian
Le zënter da San Ciascian i fej da cornisc al »Paisc da Nadé« cina ai 7 de jená 2023 – vigni de dales 16:00 ales 19:00. En mercui ai 21.12. dales 18:00 inant pón aldí melodies da Nadé da pert dla Müjiga da San Ciascian. An podará ince amiré les cripeles fates da man da plü artejans y metüdes fora te paisc.

Atualmënter
Marcé da Nadé a Corvara
Le Marcé da Nadé a Corvara é davert dai 16 ai 18 de dezëm­ber y spo dai 22.12. ai 06.01., tres dales 16:00 ales 19:00. Ai 16.12. dales 17:00 sona le grup »Whiskey & Ginger«; ai 23.12. sonará le grup »Pink in Trio«.

Atualmënter
Roda dles Cripeles a La Val
A La Val pón amiré cina ai 6 de jená 2023 cripeles snizlades y depëntes, de dimenjiuns desvalies. Ares é metüdes fora te de plü fraziuns. An pó se fá na roda a pe fora por paisc, sides de de co da sëra, canche les cripeles vëgn iluminades. Implü él la US La Val che dá fora val' da bëre pro salf dles manifestaziuns, vigni vëndres y sabeda dales 18:00 inant.

16.12.
Mountain Christmas: workshop da Nadel per mutons y mutans
Mutons y mutans puderà pastelné de biei lëns da Nadel de lën cun Anna Andreatta: ncuei, vënderdi 16.12. dala 16:00 tla biblioteca Oswald von Wolkenstein te Sëlva.

16.12.
Advënt te plaza a Badia
La plaza dan dlijia de Badia vëgn abelida por l'ultim iade cun musiga da Nadé, incö vëndres ai 16 de dezëmber, dales 18:00 ales 20:00. I ostis de Badia, la Jonëza da Paur y i jogn dl paisc dá ince fora val' de cialt da bëre y val' da mangé.

17.12.
Copa dl Mond: defileda 
de fans
Dan la garejeda dla libra se anconta duc i y la fans dan l restaurant La Tambra dala 10:45, per jì tres l zënter de S. Cristina nchin ja Ruacia pra l travert dla Saslonch. Per uni fanclub iel ilò resservà na tribuna.

18. y 19.12.
Gares de Copa dl Monn tl'Alta Badia
En domënia y en lönesc ai 18 y 19 de dezëmber él sön la Gran Risa a La Ila les gares de Copa dl Monn. Te intrami i dis é la pröma manche dales 10:00 y la secunda dales 13:30. De plü informaziuns sön www.skiworldcup.it

18. y 19.12.
»Test the best« sön Piz La Ila
En gaujiun dles gares de Copa dl Monn tl'Alta Badia pón porvé fora les novités de schi, cialzá dai schi y d'atra atreza­döra. L'apuntamënt é en domënia y en lönesc ai 18 y 19 de dezëmber dales 9:00 ales 15:00. Al saá ince n valgügn maestri de schi söl post, por dé consëis o se fá na roda de proa sön la nëi cun i partezipanc.

20.12.
»Magia dl Nadé« a Calfosch
La plaza de dlijia da Calfosch i fej da cornisc al secundo apuntamënt cun la »Magia dl Nadé«, ai 20 de dezëmber. Dales 16:30 ales 18:30 vëgnel dé fora duciaries y boandes cialdes. Ermes Costa pîta la cornisc musicala y an podará ince ti ciaré ales cripeles fates da man dai artejans dl post.

21. y 22.12.
Nos Ladins Nikolas y Julia
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 21.12. pón odëi da daimpró le laur da tescere, cun Felix a La Val; ai 22.12. pón imparé deplü sön i vins cun Clemens, a San Ciascian. Info y prenotaziuns ti ofizi turistics dl'Alta Badia.

22.12.
Descurí le monn dl biatlon
En jöbia ai 15 de dezëmber él la poscibilité da imparé les regoles dl biatlon adöm cun n maester. An s'incunta dales 9:00 pro le zënter de paslunch a San Ciascian. Prenotaziuns al cost de 25,00€ y informa­ziuns ti ofizi turistics dl'Alta Badia.

Sport
16.12.
Super-G di ëi
Ncuei, 16.12 ie l purtoi Sas­lonch resservà defin per l'elite dl sport dai schi: la garejeda dl super-G de Copa dl Mond scumëncia dala 11:45.

16.12.
Premiazion dl super-G y estrazion di numeri per l start dla libra
N vënderdi ai 16.12 sun Plaza de Sant Antone: dala 17:15 sunerà i Pëufla y dala 17:45 jiràla inant cun DJ Ondy. Dala 18:15 saràl la premiazion dl super-G y l unirà trat ora i numeri per l start dla libra. Da dedò sunerà inò i Pëufla.

17.12.
Copa dl Mond: libra di ëi
L a garejeda dla libra ie da udëi ai 17.12. sun l purtoi Sas­lonch dala 11:45 inant.

22.12.
HC Gherdëina vs. EK Die Zeller Eisbären
L Hockey Club Gherdëina nvieia ala partida dla Alps Hockey League contra l »EK Die Zeller Eisbären«, n juebia ai 22.12. dala 20:30 tl stadio Pranives te Sëlva.

Mostres y Ert
Atualmënter
Mostra persunela de 
Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.

Atualmënter
»Monochrom«, mostra fotografica de Werner Dejori
Cuntredes de nëif, pizes de crëps maiestëuses y pultredes de bòsc misteriëusc, dut a blanch y fosch, nes lecorda l meifinà y la gran forza dla natura. La mostra fotografica tl Tublà da Nives te Sëlva va inant nchin ai 18.12, for dala 16:00–19:00.

Atualmënter
Mostra »Nëif« – tla galaria Vijion a Puntives
La mostra culetiva de 28 artisć:tes, na mostra de ududes da d'inviern, che auza ora la faszinazion dla nëif, ie davierta nchin ai 10 de jené 2023. Orar dla mostra: lu–sa: 16:00–19:00 (o cherdan su 3382098697).

Atualmënter
Mostra da Nadel »C + M + B« tl Museum Gherdëina
La mostra da Nadel tl Muse­um Gherdëina a Urtijëi ie chëst ann dedicheda ai Trëi Rëiesc tla pitura y tla scultura. Coche opra particulera saral da udëi per l prim iede na pitura dl viac di Trëi Rëiesc dl 1600/10 che tucova n iede pra l vedl autere jit perdù dla dlieja da Sacun. La mostra ie da udëi nchin ai 7 de jené 2023. Orar de giaurida: dal lunesc ala sada, dala 14:00–18:00.

Atualmënter
Albert Mellauner tla Hofburg a Porsenú
Tla Hofburg da Porsenú él da odëi la mostra »Farb­rhythmen – Ritmi cromatici« de Albert Mellauner.

Atualmenter
Oraries mostra La 
Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 26 de dezember fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.

17. y 18.12.
Rina: Esposiziun de cripeles y aziun a fin de bëgn
Le Consëi de Formaziun da Rina inviëia a na esposiziun de cripeles, tl salf dles mani­festaziuns. Ara é ciamó da odëi chësta sabeda y domënia ai 17. y 18.12. dales 16:00 ales 20:00.

23.12.
Raìsh - mostra de 
Veronica Zanoner
L Circolo-Lia Mostra d'Ert nvieia ala giaurida dla mostra n vënderdi, 23 de dezëmber dala 17:00 tl self dla mostres dla Lia Mostra d'Ert a Urtijëi. L'espusizion jirà inant nchin ai 06.01.2023, uni di dala 17:00 - 19:00 y de lunesc y vënderdi nce dala 10:00 – 12:00.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.

20.12.
Nicoló Cusano al Ciastel d'Andrac
Dales 20:50 ca. Trasmisciun de Giulia Tasser y Hanspeter Karbon, a cura de Leo Senoner.

20.12.
Paisc dla Ladinia, vita y storia: Costauta, Cianazei 
y Calcuch
Dales 21:05 ca. Costauta, Cianazei y Calcuch é trëi fraziuns dl comun de Col de Santa Lizia, dötes trëi sura 1500 metri d'altëza. Vire te de pices fraziuns dalunc dal zënter dl paisc y dales como­dités ó dí fá tröc sacrifizi, mo al ó ince dí fá vire inant chëstes pices realtés da munt. Te chëstes fraziuns él families jones che vir y che investësc tëmp y energia te ativités arte­janales y tl laur da paur. Döt chësc porta pro a valorisé le teritore da munt y a man­tigní la natöra sön döt le raiun. N program de Erika Castlunger, camera y tai de Hans Peter Karbon, a cura de Alessandro Dapunt.

21.12.
Trail spezial: »Nesciun limit, demò orisonc«
Dales 20:50 ca. Na campagna de sensibilizazion con filmac, musega e testimonianzes con l'obieitf de fèr capir a la popo­lazion l'importanza de la inclusion e di deric' umans. Trasmisciun de Cecilia Mazzel. A cura de Cecilia Mazzel.

22.12.
»Weihnachten-Natale-Nadé«
Dales 20:20 ales 22:00 50 ca. RAI Balsan presënta »Weih­nachten – Natale – Nadé«, trasmisciun da Nadé te trëi lingac, en direta da Salurn. Moderaziun: Paolo Mazzu­cato, Esther Videsott, Gertrud Prenn.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.

16.12.
»Canche l ne n'ie plu nia da nfé, pona iel mo truep a fé«
Dala 19:05. Daniela Moroder de Urtijëi ie psicologa y psico­terapeuta y lëura tl Hospize, tl zënter palliatif, dl spedel de Bulsan. Ëila secudësc y ti stà daujin a persones che ie n fin de vita, persones che à mé plu n tëmp curt sun chësc mond y nes conta de si esperienzes y che l fossa bon che duc se dajëssa ju unitant n iede cun l argumënt dla mort. Trasmiscion de Simon Moroder.

18.12.
»L mpurtant ne ie nia fé pea ma vëncer«
Dales 19:05. L sport tol ite na lerch mpurtanta te nosta sozietà, sibe per chëi che l fej che per chëi che ti cëla. »Ma percie sons'a tan mac do l sport?« ie la dumanda che fej da stiza a na ansalisa sozio-filosofica n cont dl mond dl sport passif, dl sport fat de tifosi y de chëi che roncia ntëurite. Propi ntan i campiu­nac dl mond dl Qatar se rendons cont tant che raida ntëur al sport, de coche l sport ie ala fin di conc n surogat de chëla che fova te n tëmp antich la viera. Ajache ala fin possen vëncer tl sport nce mé cialan pro, y chël ie chël che l rënd »la cossa secundera plu mpur­tanta al mond.« Trasmiscion de Ivan Senoner.

19.12.
Dolomiti Superski 2022/23
Dales 19:05. La sajon dai schi à bel metù man y muef sën a var plën deviers dl Nadel, l prim gran mumënt dl inviern turistich. Co se à pa l cunsorz Dolomiti Superski njenià ca y ciunes ie pa la ndesfidedes de chësta sajon, piëda via tl sëni dl'inflazion y dla crisa dl'ener­gia? Cunsciderazions cun l diretëur dl Dolomiti Superski Thomas Mussner. Program de Leo Senoner.

22.12.
Insnöt, ma le bun y bel
Dales 19:05. La tendënza di media é gonot chëra da ti dé plü lerch ales noeles negatives respet a chëres positives. Cun chësc program orunse alzé fora ma i aspec positifs sozedüs tl comun de Mareo tratan chësc ann 2022. Program de Sara Frenner.

Sozial
Atualmënter
Bancarela dl mangé 
a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s'oje la jënt di comuns de Badia, Corvara y La Val.

Atualmënter
Contribuc »Cörs dla 
Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá do­manda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it

31.12.
Aziun da Nadé por daidé 
la jënt dla Ucraina
Les uniuns di seniors tl comun da San Martin mët a desposi­ziun tles dlijies scatores de cartun da ciarié ite y dé jö tles calonies da San Martin, Lungiarü y Antermëia, en sabeda ai 31 de dezëmber dales 9:00 ales 12:00. Plü informaziuns tles plates dles cöres. Bel dilan a chi che fej para!

Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.

16.12.
Deberieda: festa 
da Nadel
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, nvieia a na pitla festa da Nadel. N se anconta ncuei vënderdi ai 16 de dezëmber dala 15:00 dan la Cësa de Paussa a Urtijëi.

Chino
Atualmenter
Al chino de Cianacei
Insnet, vender ai 16 de dezem­ber al chino de Cianacei da les 17:00 l é »Il gatto con gli stivali 2« e da les 21:15 »L'ulti­ma vetta«, l film dedicà a Tom Ballard. en sabeda ai 17 da les 17:00 »Strange world–Un mondo misterioso« e da les 21:12 »Avatar – La via dell'acqua«.

Atualmenter
Al chino de Tieser
Per dut chest fin de setemèna al Chino de Tieser se pel veder »Avatar-La via dell'acqua«. L é en program insnet vender da les 21:00, en sabeda ai 17 da les 16:15 e da les 21:00 (3D) e en domenia da les 20:30. En domenia da les 17.30 l é l Musical con cor Le Mille Note de Tieser. En mèrtesc ai 20 da les 21:00 sarà »La corsa dietro il vento«.

Publizistica
19.12.
Prejentazion dl liber 
»A dì che n dij«
La Union di Ladins de Gher­dëina nvieia ala prejentazion dla publicazion »A dì che n dij« de Milva Mussner ai 19.12. dala 18:00 tla biblioteca ladina anda Malia da Cudan tla Cësa di Ladins a Urtijëi. Danterite sunerà la grupa de armoniches dla Scola de Mujiga de Gherdëina.