La Usc di Ladins

Sunrisa: jí cui schi al lové dl sorëdl
En ocajiun dles gares de Copa dl Monn dl’Alta Badia podarán jí cun i schi bele da doman adora, se gode le lové dl sorëdl y ester pro i pröms sön pista
La iniziativa vëgn pitada le lönesc ai 19 de dezëmber. Te chësta ocajiun podarán ince storje pro te cin’ üties por n bun gosté cun produc sagns. A vigni ütia ti él gnü assegné n ingrediënt fondamental por n gosté sann y i tais che vëgn pitá é gnüs arjigná ca adöm cun l’esperta de nodrimënt Elena Casiraghi, che an podará ince incunté personalmënter en chël de tles üties. I implanc portamunt de Col Alt, Arlara, Costes dal’Ega y Piz Sorega sará daverc dales 7:15 inant y chi de coliamënt dales 7:30 inant. Al vëgn recordé che l’implant de Piz La Ila deura dales 8:30. I ofizi skipass de Corvara y San Ciascian sará daverc dales 7:10 y dai paisc de Badia, La Ila y Calfosch gnarál metü a jí dales 6:45 ales 7:45 n sorvisc de transfer por podëi arjunje i lifc de Piz Sorega y Col Alt. De plü informaziuns sot a www.altabadia.org


... ajache l ie tosc Nadel!
Cunzert d’Avënt te Tublà da Nives te Sëlva, doduman dumënia 
dala 17:00
La grupa »De cater« tenirà n dumënia ai 18 de dezëmber dala 17:00 n cunzert cun meludies d’Avënt y da Nadel te Tublà da Nives te Sëlva, cun ntreda debant. L bel cianté y la ujes fines dla cater ciantarines – s Silvia Delago, Katrin Perathoner, Sara Delago y Angela Prucker – s purterà dessegur n’atmusfera da plajëi te Tublà. L cuartet ie unì metù adum dan feter 25 ani y se à da ntlëuta fat n bon inuem, no mé te nosc raion mo nce oradecà, dantaldut tl’Austria, Paejes Tudësc y Svizra, ciantan cianties urigineles, mantenian nsci la tradizion y la carateristica dl cianté alpin. Te chisc ani àles dat ora doi Cds, ulache l ie nce da audì n valguna de si cumposizions.
Sot al lën da Nadel tl Hotel Adler Balance
L team dl Hotel Adler Balance a Urtijëi ve nviëia a na sëira de ancunteda tl sëni dla sanità, n dumënia ai 18.12. dala 17:30 tla rezezion dl Adler Balance

• 
•  

View the embedded image gallery online at:
https://www.lausc.it/manifestazions-y-evenc/21959-manifestazions-atuales-speziales#sigProIdf44b14dbbe

tla streda Stufan
L unirà rujenà de aspec desferënc che reverda l bensté y ulache n puderà nce s’la ciaculé te na bela atmusfera da Nadel.
Program:
- Aculienza ntan n aperitif de bënunì
- Ciaculeda cun la dr.ëssa Rossana Lo Monaco n con’ dla nuviteies ti ciamps dla terapia dl ozonn per dejentussië l urganism y renfurzé l sistem imuniter, la glutazion – inuvazion contra la stanchëza y l ejaurimënt y la dermatologia n generel
- Prejentazion dl liber »La bellezza oltre lo specchio« ntan mujiga y vin cuet
- Saluc cun na pitla scincunda da Nadel

La ntreda ie debant ma la cumpëida de chi che possa fé pea ie limiteda. Chi che ulëssa fé pea a chësta sëira ie prià bel de se lascé nuté su al numer 0471 775 002.
»Florilegio« de Margherita Paoletti
Giaurida dla mostra te Tublà da Nives ai 22 de dezëmber
Ai 22 de dezëmber uniràl giaurì te Tublà da Nives te Sëlva l’ultima mostra de chëst ann, y plu avisa se tràtel dla mostra »Florilegio« de Margherita Paoletti, cun de plu pitures y nstalazions. Te si lëures se cunzetrea l’artista jëuna de Fabriano sun la relazion danter l corp feminil cun la vita, i sëmies, dejiders y esperienzes. Nce la cuntreda nfluenzea la pitures che ie scialdi da culëur y da ziracules, ma ulache l’ëila ie suvënz mé reprejenteda cun na silhouette o na figura scura. Tl »cubo« dl Tublà da Nives iel da udëi la nstalazion sperimentela »site-specific« y nce i lëures ora dla lingia »Sonde Croniche«, ulache la prutagonista Lea, na saudea cuntempurana cumbat per mantenì n balanz danter l dedite y l dedora dla persona umana. Paoletti à n pez alalongia nce vivù a London, ulache la à laurà coche designer criativa y ilustradëura.
La ntroduzion artistica unirà fata da Camilla Nacci y te chësta ucajion sunerà Dunja Ilic (flaut), Maria Chiara Mosna (vidula) y Alessandro Ruocco (tastiera).

»A dì che n dij«: prejentazion dla publicazion nueva
L liber ie na abineda de dic, proverbs, sentënzes, mascimes, aforisms y regules dl tëmp cun curespundënzes tl talian
La Union di Ladins de Gherdëina à l plajëi de nvië ala prejentazion dla publicazion »A dì che n dij«, a cura de Milva Mussner, ai 19.12. dala 18:00 tla biblioteca ladina anda Malia da Cudan tla Cësa di Ladins a Urtijëi.
Danterite sunerà la grupa de armoniches dla Scola de Mujiga de Gherdëina.
Duc ie nviei de cuer.


Nadel sun dlacia
La campiunëssa dl mond Carolina Kostner y truep d’autri:a atlec:tes de inuem pra l spetacul sun dlacia n merdi ai 27.12. dala 21:00 tl stadio Pranives de Sëlva
Do na paussa de doi ani nvieia l Eisclub Gherdëina inò a chësta edizion de »Christmas on Ice«.
Sun dlacia saràl da udëi nce chëst ann la campiunëssa dl mond Carolina Kostner, deberieda cun truep d’autri:a atlec:tes coche Manuel Piazza y Anna Valesi, Gabriele Frangipiani, Maria Kazakova y Giorgi Revia y sambën nce la atletes dl Eisclub Gherdëina.
L Eisclub Gherdëina ve nvieia de cuer a unì a chësta bela sëira y rengrazia per l sustëni.
Chertes danora giàpen tla Lies dl Turism de Gherdëina y tla butëiga Nero Fluido a Urtijëi, o online sun shop.valgardena.it/it/tickets. L priesc ie de 35 euro dai 16 ani insù, dai 6 -15 ani iel de 12,50 euro. Mutons:ans nchin a 5 ani ne paia nia.