La Usc di Ladins

Dotours
Dutor Gherdëina
L dutor de servisc da ncuei juebia ai 05.01.2023 dala 10:00 daduman nchin la 08:00 daduman de n sada ai 07.01. ie l dutor Michael Trocker de Urtijëi, streda Promeneda, tel. 388 2580002. Dala 08:00 daduman de n sada ai 07.01. nchin la 08:00 da duman de n lunesc, 09.01. ie l dutor Pablo Policastro de servisc, tl ambulatuere di dutores Kostner/Weber, a Urtijëi tla streda Trebinger 10, tel. 366 3646 254.
Doturs Val Badia
Le dotur en sorvisc tla fin dl’edema di 7 y 8 de jená, ti comuns de Badia, Corvara y La Val, é le dotur Guido Caretta, Calfosch/Corvara, tel. 0471 836870 o 337 616080. Ti comuns de Mareo y San Martin él en sorvisc la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da ncuei juebia ai 05.01. nchin n vënderdi ai 13.01. ie chëla de S. Cristina, tel. 0471/79 2106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 6 de jená dales 19:00 al vëndres ai 13 de jená ales 19:00, é chëra da Corvara, tel. 0471 830237.

Avisc
Atualmenter
Corsc de ladin
La Scola ladina de Fascia endreza doi corsc de ladin, un per ladinofons e un per italofons, ogneun de 30 ores metù a jir de lunesc e de mercol da les 20:00 a les 22:00; l cost l é de 100 euro. Se vegn arjont l numer de scric ite i corsc taca ai 9 de jené. Se cogn chiamèr sobito te Sorastanza de la Scola da Francesca Degasper 0462 760340.
Atualmenter
I orari de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it – 0462 764500) e ti Ofizies tribuc de duc i Comuns de Fascia.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tele­foné al 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
16.01. - 31.01.
Biblioteca San Durich śareda
La biblioteca de San Durich a Urtijëi lascia a l savëi che la resterà śareda dal lunesc ai 16 de jené nchin ai 31 de jené per lëures de restruturazion.

Referac
12.01.
Usservazion meneda de planëc y galassies
Planëc, stëiles y galassies puderàn usservé tres de plu telescops tl Hotel Interski a S. Cristina ai 12.01. dala 21:00. N astronom spiegherà dut y respunderà ala duman­des. Priesc: 10,00€. N possa se nuté su nchin al di dant dala 18:00 tla Lies dl Turism de Gherdëina.
18.01.
Maië sann tla menopausa
La cunferënza cun la dut.ssa Ivonne Daurù, cunsulënta de alimentazion, unirà a s’l dé n mierculdi ai 18.01. dala 20:00 tla sala dla Nëus Jëuni Gherdëina a Urtijëi, sun Pitla Plaza de S. Antone. La ntreda ie debant. Metù a jì dal KVW de Urtijëi.

Temp Lede
Atualmenter
Cripeles sui festii a Vich
Sui festii de Vich se pel veder la cripeles enjignèdes da la desvaliva sociazions, privac e artisć del paisc, ti ciantogn da Sèn Jan fin sa Valongia. Les restarà fora enscin ai 8 de jené del 2023 e ogne vender da les 17:00 l é la raida vidèda con aperitif su prenotazions al 335 7479965.
Atualmenter
Cripeles te paisc
Fin ai 8 de jené fora per la strèdes e ti ciantons de la frazions de Gries, Dèlba e Penia vegn endrezà na carantina de cripeles. Se pel troèr la mapa ti ofizies de turism de Cianacei e Dèlba.
Atualmenter
Picol marcià da Nadèl a Vich
Fin ai 6 de jené da les 15:30 a les 18:00 te zenter de Vich e te Ciasa Marmolada vegn endrezà l marcià da Nadèl »Picol, bon e bel!«
Atualmenter
Marcià da Nadèl a Ciampedel
Fin ai 8 de jené te Piaz de Ciampedel vegn metu fora e avert da les 15:00 a les 19:00 la ciasetes de legn del Marcià da Nadal, che met dant magandiva tipica e prodoc de èrt e artejanat.
Atualmenter
Marcià da Nadèl a Moena
Fin ai 8 de jené (fora che l dì de Nadal) te Piaz de Sotegrava, Piaz de Ramon e Picol Piaz Perle Alpine a Moena l é avert le ciasete de legn del Marcià da Nadal, con evenc de cornisc. Info: Comitat Moena Eventi, nr 371 4349560.
Atualmenter
Marcià da Nadèl a Soraga
Fin ai 6 de jené te Pra del Preve vegn metù fora l picol marcià da Nadèl. L é avert da les 15:00 a les 20:00, con evenc de musega e cianties. Fin ai 6 de jené se pel ence veder la cripeles fora per l paisc.
Atualmënter
Urtijëi, luech da Nadel
L Marcià da Nadel tl raion da jì a pe de Urtijëi jirà mo inant nchin ai 8 de jené. I stonc ie davierc mo chësc fin dl’ena, dal vënderdi nchin la dumënia, dala 11:00–19:00.
Atualmënter
Mountain Christmas: marcià da Nadel te Sëlva
L marcià da Nadel sun Plaza Nives te Sëlva va inant nchin dumënia ai 08.01., uni dì. Orar de giaurida: 15:00–19:00.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
Atualmënter
»Paisc da Nadé« a San Ciascian
Le zënter da San Ciascian i fej da cornisc al »Paisc da Nadé«, davert ciamó cina ai 7 de jená 2023 – vigni de dales 16:00 ales 19:00. An podará ince amiré les cripeles fates a man da plü artejans y metü­des fora te paisc. L’ultima sëra dales 18:00 inant sona ciamó la Müjiga da San Ciascian.
Atualmënter
Marcé da Nadé a Corvara
Le Marcé da Nadé é ciamó davert cina en doman Santa­guania ai 06.01., dales 16:00 ales 19:00. L’ultim de pón ascuté sö i Trëi Rêsc che röia alerch dales 17:00 y al ne manciará gnanca la dunacia che vëgn a ti porté na picia scincunda ai mëndri.
05.01.
Skishow dla Scola de Schi Sasslong
La Scola de Schi Sasslong nvieia ala skishow »Snow and fire«, ncuei ai 05.01. dala 20:30 sun l purtoi Palmer a Urtijëi. Da dedò ie duc nviei a se fermé mo mpue pra n bon got de vin cuet.
06.01.
Pudejé de nuet cun luna colma
Sun Pana puderàn nuzé la pista da pudejé debant per pudejé de nuet cun luna colma, n duman vënderdi ai 06.01. dala 20:00 inant. L mprëst dai schi ie n chësta sëira daviert.
06.01.
Ice Hockey Winter Classic Val Gardena
I HC Bullsqueens nvieia ala prima edizion dl Ice Hockey Winter Classic Val Gardena, n duman, vënderdi ai 06.01. dala 17:00 inant sun la plaza dala dlacia via n Setil a Urtijëi. L sarà da udëi doi de pitli turnoies de hockey y da dedò jiràla inant cun na festa cun mujiga. La ntreda ie debant.
06.01.
Mountain Christmas: Grupa da bal de Urtijëi
La Grupa da Bal de Urtijëi balerà pra l marcià da Nadel sun Plaza Nives te Sëlva, ai 06.01. dala 17:00.
10.01.
Cun la gücia do le Tru di Artisć
En mertesc ai 10 de jená pón se fá na roda cun la gücia, da sëra do le Tru di Artisć danter La Ila y San Ciascian. An pëia ia da Altin demez dales 20:45 y an podará spo amiré les operes di artisć ladins iluminades. Prenotaziuns ti ofizi turistics dl’Alta Badia.
11.01.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
11. y 12.01.
Nos Ladins cun Norbert y Daniel
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 11.01. pón imparé da arjigné ca n pêr de schi cun Norbert a La Ila; ai 12.01. pón jí a se fá na roda cun i schi deboriada cun Daniel a Calfosch. Info y prenotaziuns ti ofizi turistics dl’Alta Badia.
12.01.
Descurí le monn dl biatlon
En jöbia ai 12 de jená án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia.
15.01.
Palmer Kids Fun Day
Sun l purtoi Palmer a Urtijëi uniràl pità devertimënt per i mëndri y la mëndres y metù a jì de pitla garejedes de schi cun maestri:es de schi, ai 15.01. dala 09:30.

Mujiga
06.01.
Ntratenimënt de mujiga cun la grupa Hosianna
La grupa Hosianna cianterà n duman, 06.01. dala 17:00 tl raion da jì a pe de Urtijëi.
07.01.
Mountain Christmas: ntrate­nimënt cun l Trio Ladinia
L trio de corni da mont sunerà sun l marcià da Nadel te Sëlva, sun Plaza Nives, ai 07.01. dala 17:00.
07.01.
Conzert cun le »Unknown Brass« y »Vocant«
Le cuintet »Unknown Brass« y le cuartet »Vocant« tëgn n conzert da Nadé, en sabeda ai 7 de jená dales 20:30, tla dlijia de Badia.

Mosters y Ert
Atualmënter
Mostra de criples
Tl raion da jì a pe de Urtijëi iel metù ora de plu criples ntan l tëmp da Nadel. La espusizion sarà da udëi nchin ai 08.01.2023.
Atualmënter
Mostra persunela de Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.
Atualmënter
Mostra »Nëif« – tla galaria Vijion a Puntives
La mostra culetiva de 28 artisć:tes, na mostra de ududes da d’inviern, che auza ora la faszinazion dla nëif, ie davierta nchin ai 10 de jené 2023. Orar dla mostra: lu–sa: 16:00–19:00 (o cherdan su 3382098697).
Atualmënter
Mostra »Florilegio« de Margherita Paoletti
La mostra dla artista y ilustra­dëura va inant nchin ai 22 de jené, for dala 15:00 nchin la 18:00, tl Tublà da Nives te Sëlva. Dai 06.01. inant iel uni lunesc stlut, coche nce n Ueia de Nadel y ai 31.12.
Atualmënter
Mostra da Nadel tl Museum Gherdëina
La mostra »C + M + B« tl Mu­seum Gherdëina ie da udëi nchin ai 7 de jené, 14:00–18:00. Per nfurmazions: tel 0471 797554, www.museum gherdeina.it
Atualmënter
Mostra »RAISH« de Veronica Zanoner
La mostra n unëur dla artista y scritëura ie da udëi nchin duman vënderdi ai 06.01.2023 tla sala dla Lia Mostra d’Ert a Urtijëi. Ncuei juebia 17:00 nchin la 19:00, duman vënderdi sibe domesdì che nce danmesdì dala 10:00 nchin la 12:00.
Atualmënter
Albert Mellauner tla Hofburg a Porsenú
Tla Hofburg da Porsenú él da odëi la mostra »Farb­rhythmen – Ritmi cromatici« de Albert Mellauner.

Religion
07.01.
Ancunté Gejù – mëssa per mutons:ans y families
La grupa uemes y fenans nvieia de cuer mutons:ans y families ala mëssa tenida da Sn. Vijo Pitscheider, n sada ai 07.01. dala 17:00 tla dlieja de San Durich a Urtijëi.
14.01.
San Martin: Preparaziun dl Bato
Geniturs che á n pice viadú da batié, pers che aspeta, toc y totes dl decanat Val Badia é inviá ala preparaziun dl Bato, en sabeda ai 14 de jená dales 15:00 ales 17:00, tl salf di stödafüch a San Martin. Dedô pice renfrësch arjigné ca dala Uniun dles Ëres da San Martin. Prenotaziuns al 328 0717796.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finan­ziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá do­manda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Chino
Atualmenter
Al chino de Cianacei
Insnet, jebia ai 5 de jené da les 17:00 l é »Whitney: una voce diventata leggenda« e da les 21:15 l é »Il principe di Roma«, vender ai 6 da les 17:00 l é »The Fabelmans« e da les 21:15 l é »Il grande giorno«, sabeda ai 7 da les 17:00 l é »Strange world-Un mondo misterioso« e da les 21:15 l é »Avatar-La via dell’acqua«.
Atualmenter
Al chino de Tieser
Anché, jebia ai 5 de jené da les 15:45 l é »Ernest e Cele­stine«, dal es 17:45 l é »Tre di troppo« e da les 21:15 l é »I wanna dance with somebody«; vender ai 6 da les 17:15 l é »Il gatto con gli stivali« e da les 21:00 l é »Avatar-La via dell’acqua« en 3D; sabeda ai 7 da les 17:15 l é »Il grande giorno« e da les 21:15 l é »The Fabelmans«; domenia ai 8 da les 16:15 l é »Avatar-La via dell’acqua« e da les 20:30 l é »Tre di troppo«; jebia ai 12 da les 21:15 l é »I wanna dance with somebody«.

Sport
06.01.
HC Gherdëina vs. Rittner Buam Sky Alps
L Hockey Club Gherdëina nvieia ala partida de Alps Ho­­ckey League contra i Rittner Buam Sky Alps, duman vënderdi ai 06.01. dala 19:30 tl stadio Pranives te Sëlva.
07.01.
Partida dl HC Gherdëina II
La segonda scuadra dl HC Gherdëina, che juega tla Seria C, nvieia ala partida contra l HC Milano Old Boys, ai 07.01. dala 16:30 tl stadio Pranives te Sëlva.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
06.01.
Persunaliteies zipledes tla nëif
Dales 19:05. Te Sëlva iel unì metù a jì dai 27 nchin ai 30 de dezëmber 2022 l 26ejim cuncors de scultura tla nëif che ova chëst ann sciche tema »Persunaliteies cunesciudes de Gherdëina«. Di sies mudiei nen fovel doi che reprejentova Giorgio Moroder y l lëur de Pietro Colmellere y Patrick Senoner ie unì valutà dala juria sciche la plu gara­teda. Trasmiscion de Alex Rung­galdier.
08.01.
Te stua de… Hubert Moroder
Dales 19:05. Diesc ani alalongia iel stat presidënt di Judacrëp Gherdëina y sën al dat ju la ncëria a n presidënt plu jëunn. Per Hubert Moro­der da Resciesa ie i crëps y la montes na gran pascion, na pascion che ti à nce mpermetù de fé n mestier dainora. Ël nes conta de coche l fova a urganisé na tel grupa de sucors y de coche l se à mudà l jì a crëp te nosc raions. Trasmi­scion de Simon Moroder.
11.01.
I sun düc un: Ajenda 2030 conclusions
Dales 19:05. Per fenir via la lingia de programes dediché a l’Ajenda ONU 2030 aon trat adum i obietives e l emer­genza climatica che é ence la conseguenza de la mencianza de azions concretes per n mior davegnir economich, sozial e ambiental. La storia de Stefen Dell’Antonio é enstouta n adum de reflescion perso­nèles sotes. Program de Anna Mazzel e Elide Mussner.

Televijion
10.01.
Sport ladin
Dales 20:50 ca. Trasmisciun de Diego Clara y Hartmann Mairhofer, a cura de Leo Senoner.
11.01.
Mistiers: le pech y le ciajarin
Dales 21:05 ca. Program de Paolo Vinati, a cura de Alessandro Dapunt.
12.01.
Nosta scola
Dales 20:50 ca. Tesc’ y cunzec de Lena Mulser, camera y tai de Hans Peter Karbon, a cura de Alessandro Dapunt.
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.