Manifestazions atuales

Data

13 de jené 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 13 de jené 2023
Mostres y Ert
Atualmënter
Mostra persunela de Robert Bosisio
La mostra tla Galaria Doris Ghetta a Puntives sarà davier­ta nchin ai 20 de jené 2023.
Atualmënter
Mostra »Florilegio« de Margherita Paoletti
La mostra dla artista y ilustra­dëura va inant nchin ai 22 de jené, for dala 15:00 nchin la 18:00, tl Tublà da Nives te Sëlva. Dai 06.01. inant iel uni lunesc stlut, coche nce n Ueia de Nadel y ai 31.12.
Atualmënter
Albert Mellauner tla Hofburg a Porsenú
Tla Hofburg da Porsenú él da odëi la mostra »Farb­rhythmen – Ritmi cromatici« de Albert Mellauner.
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 26 de dezember fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.

Apoteches
Apoteca Val Badia
L’apoteca en sorvisc fora dl orar ordinar, dal vëndres ai 13 de jená dales 19:00 al vëndres ai 20 de jená ales 19:00, é chëra da La Ila, tel. 0471 847152.
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 13.01. nchin n vënderdi ai 20.01. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).

Dotours
Doturs Val Badia
Le dotur en sorvisc tla fin dl’edema di 14 y 15 de jená, ti comuns de Badia, Corvara y La Val, é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc le dotur Eduard Agreiter, San Martin de Tor, tel. 0474 523315 o 333 1380852.
Dutor Gherdëina
L dutor de servisc da n sada ai 14.01. dala 08:00 daduman nchin la 08:00 daduman de n lunesc ai 16.01. ie l dutor Giuliano Piccoliori de S. Cristina, tel. 0471 792282 o 348 3301004.

Mujiga
14.01.
Conzert »Music Visions«
En sabeda ai 14 de jená dales 20:30 él te salf dles manifesta­ziuns da La Val n conzert cun Katia Moling ala viola y Eva Vinatzer al clavier. Les döes musizistes ladines presentëia n program romantich y modern.

Avisc

Atualmenter
Picol marcià de roba durèda
Te oratorie de Poza enscin ai 3 de firé de mèrtesc e mercol domesdì da les 14:30 a les 17:30 e de jebia e vender sera da les 20:00 a les 22:00 l é avert l marcià de la roba durèda olache se pel portèr e cerner massaria neta e ben tegnuda. Chel che vegn ite va per i besegnes de ciarità, miscionaries e pastorai de la parochies.
Atualmenter
I orari de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it–0462 764500) e ti Ofizies tribuc de duc i Comuns de Fascia.
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Tel. 0474 555848, info@mip-pustertal.it
Atualmënter
Sessiuns forestales tla Val Badia
Sëgn de jená él tla Val Badia les sessiuns forestales, che ará sciöche tematica prinzipala le chefer dla scorza (arlogn). Por le comun de Mareo éra ai 17.01. dales 20:00 te ciasa dles uniuns a La Pli; por le comun da San Martin ai 18.01. dales 9:30 tl salf di stödafüch a San Martin; por i comuns de Badia y Corvara ai 19.01. dales 20:00 tla Ciasa Runcher a San Linert, por le comun da La Val ai 24.01. dales 20:00, te salf dles manifestaziuns da La Val. Döta la popolaziun é bel inviada.
16.01.–31.01.
Biblioteca San Durich śareda
La biblioteca de San Durich a Urtijëi lascia a l savëi che la resterà śareda dal lunesc ai 16 de jené nchin ai 31 de jené per lëures de restruturazion.

Temp Lede

Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
15.01.
Palmer Kids Fun Day
Sun l purtoi Palmer a Urtijëi uniràl pità devertimënt per i mëndri y la mëndres y metù a jì de pitla garejedes de schi cun maestri:es de schi, ai 15.01. dala 09:30.
18.01.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
18.01.
Corvara: cun le iat dala nëi
Vigni mercui, dai 18 de jená cina ai 22 de forá, án la poscibilité da jí a se fá na roda cun n iat dala nëi, sön la pista Boé a Corvara. An pëia ia dales 16:50 pro la staziun dl Boé y dfedô podarán ince se gode n bun aperitif. Prenota­ziuns online o ti ofizi turistics dl’Alta Badia.
19.01.
Nos Ladins cun Jan Clemens
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 19 de jená dales 16:00 pón descurí i socrëc dl vin adöm a Jan Clemens Wieser a San Ciascian. Info y prenotaziuns ti ofizi turistics dl’Alta Badia.
19.01.
Descurí le monn dl biatlon
En jöbia ai 19 de jená án la posci­bilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia.

Teater

14/15.01.
Lis dal Vera a teater
La Majon di Fascegn endreza la raprejentazion teatrèla de »Do l vièl del saer-Lis dal Vera vel te dir vèlch« en sabeda ai 14 de jené te chino Marmolèda de Cianacei e en domenia ai 15 de jené te La Gran Ciasa a Soraga da les 20:30. Vegn prejentà ence la neva publica­zion.
15.01.
Apuntamenc de teater
En domenia ai 15 de jené da les 20:45 te chino de Tieser per la rassegna »Il piacere del teatro« la filodramatica ‘Doss Caslir’ de Cembra porta dant l toch »Fora i gioielli«.

Religion

14.01.
San Martin: Preparaziun dl Bato
Geniturs che á n pice viadú da batié, pers che aspeta, toc y totes dl decanat Val Badia é inviá ala preparaziun dl Bato, en sabeda ai 14 de jená dales 15:00 ales 17:00, tl salf di stödafüch a San Martin. Dedô pice renfrësch arjigné ca dala Uniun dles Ëres da San Martin. Prenotaziuns al 328 0717796.

Chino

Atualmenter
Al chino de Cianacei
Anché, vender ai 13 de jené da les 17:00 l é »Il gatto con gli stivali 2« e da les 21:15 »Avatar: la via dell’acqua« che sarà da la medema ora ence en mercol ai 18. En domenia ai 15 da les 21:15 »The Fabel­mans« e en mèrtesc ai 17 semper da les 21:15 »Il grande giorno«. En vender ai 20 da les 17:00 sarà »Me contro te–Missione Giungla« e da les 21:15 »Le Otto Montagne«.
Atualmenter
Al chino de Tieser
Insnet, vender ai 13 de jené da les 21:15 l é »Una notte violenta e silenziosa«, sabeda ai 14 da les 17:15 l é »Il gatto con gli stivali 2« e da les 21:00 l é »Avatar: la via dell’acqua«, jebia ai 19 da les 21:15 l é »Everest senza ossigeno«.

Televijion

Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.01.
Deboriada: Mé la piza dl iceberg
Dales 20:50 ca. Deventé n sportif profescionist i n sëmi che catidlea l cë de truep jëuni. Ambizin suvënz nurida dala proiezions di social media che depënj i sportives coche gla­dia­tëures moderns, lascian mé udëi la bela pert de chësc lëur. Ma chësta ie mé la piza dl iceberg. Do l suzes di spor­tives se ascuend suvënz na vita plëina de renunzies y de sacrifizies. Leprò muessen nce avëi fertuna y chëla tl drë’ mumënt…
18.01.
La legrëza à sëura i schi
Dales 21:05 ca. I maestri de schi de Südtirol zacan y aldi­dancuei. Program de Thomas Hainz y Elisabeth Kostner, a cura de Leo Senoner.
19.01.
Mistiers (2) : La buteghiera y la florista
Dales 20:50 ca. Program de Paolo Vinati, a cura de Ales­sandro Dapunt.

Radio

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
17.01.
Le laur di maestri y maestres de schi y la crisa de laur di ultims agn dada dala pandemia
Dales 13:45. Ester sön i schi döt le dé y porleplü döt invern é le som de tröc. I maestri de schi alda pro chi che po se gode la nei, mo al ne é dia döt or ci che lomina. Condu­ziun: Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
13.01.
»So cianties vif inant«
Dales 19:05. L ie propi truep i inuems de ciantarins y musi­zisc´ cunesciui che ie passei a n’autra vita ntan l ann passà. Chël che resta de ëi ie la truepa bela cianties cun de biei pensieres y chël ie na arpejon de valor per nosc mond y per la generazions che unirà do. Te chësta trasmiscion se lecur­derons de Meat Loaf, Betty Davis, Ronnie Spencer, Jerry Lee Lewis, Tom Parker, Andrew Fletcher, Vangelis, Olivia Newton John, Irene Cara y  Christine McVie. (prima pert). Trasmiscion de Georg Mussner
15.01.
»Si cianties vif inant«
Dales 19:05. Nce la Talia muessa pluré truep ciantarins y musizisc cunesciui che à messù to cumià da chësc mond ma che nes à lascià sciche arpejon de bela cianties y cumposizions che ralegrea nosc cueres y nosta vita. Te chësta trasmiscion se lecur­derons de Franco Gatti, Irene Fargo, Vittorio De Scalzi, Antonio Cripezzi, Nico Fidenco, Mauro Sabbione, Giovanni Pezzoli, Willi Resetaritz y Klaus Schulze (segonda pert). Trasmiscion de Georg Mussner
18.01.
Bilanz e projec del ICL
Dales 19:05. Con n logo nef e l renovament de la parbuda istituzionèla tel 2022 l Istitut Cultural Ladin »Majon di Fascegn« à portà inant jaco­tenc projec inovatives desche la realtà virtuèla di Pigui tel Museo, la vijites teatrelès e autra sorts de colaborazions con sociazions e enc. N atività outa soraldut a la colaborazion e al se averjer al teritorie. En rejonon co la diretora Sabrina Rasom, program de Anna Mazzel.
19.01.
La noza perfeta
Dales 19:05. Por tröc é le dé dl matrimone, le momënt plü important dla vita y döt dess funzioné y garaté te vigni detail. Jlenia Costner fej de laur l’organisadëssa de nozes y avenimënc y da vëra orunse savëi a ci che an mëss döt ponsé, por che la festa da noza restes tl recort sciöche le plü bel dé de düc. Program de Sara Frenner.

Referac

18.01.
Capì l guant dala gherdëina
L guant dala gherdëina ie danter i plu biei dl raion alpin y sauta tl uedl dantaldut per si truep urnamënc y details. Ai 18 de jené dala 20:30 puderàn ti cialé plu avisa y l unirà spligà dut n con’ dl guant dala gherdëina. La manifestazion unirà a s’l dé tla palestra de Santa Cristina.
18.01.
La emuzions di mutons y dla mutans dai 3-13 ani
La Biblioteca Tresl Gruber nvieia a na sëira de nfurmazion cun la dut.sses Monica Pilla (psicologa y psicoterapeuta) y Gabriella Lambacher (scienzes y tecniches psicolo­giches), ai 18.01. dala 20:00 tla biblioteca a S. Cristina. N cialerà deberieda co capì y manejé la emuzions de nosc:ta mutons:ans.

Sozial

Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gherd­ëina a se nuzé de chësc servisc che vën pità uni merdi dala 12:00 ti trëi luesc de Gher­dëina (Urtijëi Cësa de Cul­tura; S. Cristina Cësa de Che­­mun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Galaria retrac