La Usc di Ladins

Dotours
Dutor Gherdëina
L dutor de servisc da n sada ai 28.01. dala 08:00 daduman nchin la 08:00 daduman de n lunesc ai 30.01. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Le dotur en sorvisc tla fin dl’edema di 28 y 29 de jená, ti comuns de Badia, Corvara y La Val, é le dotur Guido Caretta, Calfosch/Corvara, tel. 0471 836870 o 337 616080. Ti comuns de Mareo y San Martin él en sorvisc ai 28 de jená le dotur Eduard Agreiter, San Martin de Tor, tel. 0474 523315 o 333 1380852; ai 29 de jená él en sorvisc la doturia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 27.01. nchin n vënderdi ai 03.02. ie chëla de Sëuc, tel. 0471/708970 (orar de giaurida lu-ve 8.30-12.30/15.00-19.00, sada 8.30/12.30. Turnus: 9.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de jená dales 19:00 al vëndres ai 20 de jená ales 19:00, é chëra d’Al Plan, tel. 0474 501240.

Temp Lede
Atualmenter
Mascherèdes ta Penìa
L Grop de la Mèscres de Dèlba e Penìa te chest temp de Carnascèr met dant doi mascherèdes te la veia scoles de Penìa da les 20:30: en sabeda ai 4 de firé »La batola de bèrba Simon«, de Stefen Dell’Antonio Monech, che vegnarà fata ence en mèrtesc gras ai 21;enveze ai 16 de firé, jebia grassa, sarà »L é ruà l bèrba Jan« de Simon de Giulio.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turi­stich da La Val.
29.01.
Jita cun la ciaspes sun la Plose
La Lia da Mont Gherdëina mët a jì na jita cun la ciaspes sun la Plose, ai 29.01. L vën pià via sëura S. Leonhard dala 08:00. Da jì saràl zirca 4 ëura.
30.01.
Corvara: spetacul »The Big Challenge Ski Show«
La scora de schi da Corvara mët a jí en lönesc ai 30 de jená dales 21:00 n spetacul sön i schi sön la pista »Abrusé«. I maestri de schi y snowboard portará dant de plü esibiziuns y fajará n rait a val cun i chentli. Al tolará pert ince le »Pirates Freestyle team« y le campiun de liösa a motor Alex Ploner.
01.02.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. Le proscim iade al 1.02. An adora le schipas de plü dis.
01.02.
Corvara: cun le iat dala nëi
Vigni mercui cina ai 22 de forá, án la poscibilité da jí a se fá na roda cun n iat dala nëi, sön la pista Boé a Corvara. An pëia ia dales 16:50 pro la staziun dl Boé y dedô podarán ince se gode n bun aperitif. Prenotaziuns online o ti ofizi turistics dl’Alta Badia.
01. y 02.02.
Nos Ladins cun Nikolas y Ingo
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Al 1. de forá dales 16:00 pón cuché ite tl laur da pech adöm cun Nikolas a Corvara; ai 2. de forá pón fá na escurjiun cun les pels da doman adora, deboriada cun Ingo. Infos y prenotaziuns ti ofizi turistics dl’Alta Badia o sön www.altabadia.org
02.02.
Descurí le monn dl biatlon
En jöbia ai 2 de forá án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
04.02.
Dolomites Val Gardena Skijöring
La Lia di Ciavei de Gherdëina nvieia al Dolomites Val Gard­ena Skijöring ai 04.02. dala 18:00 inant sun l pra da Minert a Urtijëi/Sureghes.

Chino
Atualmenter
Al chino de Cianacei
Anché, vender ai 27 e ence en domenia ai 29 de jené da les 21:15 l é »Babylon«, enveze da les 17:00, anché e ence doman sabeda ai 28 l é »Me contro te–Missione Giungla«. En sabeda e en domenia ai 28 e 29 da les 21:15 l é »The Plane«.
Atualmenter
Al chino de Tieser
Anché, vender ai 27 da les 21:15 e en sabeda ai 28 da les 16.45 l é »Le Otto Montagne«; en sabeda da les 21.15 e en domenia ai 29 da les 20:30 l é »The Plane« e en domenia, da les 17:15 l é »Me contro te–Missione Giungla«. En mercol prum de firé da les 20.30 l é »The Plane« per ingleis con sot titoi per talian, en jebia ai 2 da les 21.15 »Si Chef! La brigade« e en vender ai 3 semper 21.15 »The Fableman«.

Sport
27.01.
»Neve Notte« a Moena
La US Monti Pallidi, adum con Comun de Moena e etres, la endreza en vender ai 27 de jené la raida coi schi de net da ja L Forn fin tel zenter de Moena, na sprint de paslonch de 3,8 km a tecnica classica sul percors de la Marcialonga che no à carater competitif. L é da se scriver ite dant da les 13:00 di 27 de jené a info@usmontipallidi.it.
28.01.
HC Gherdëina II vs. HC Real Torino (IHL Divijion 1)
L HC Gherdëina II nvieia ala partida de seria C contra l HC Real Torino, ai 28.01. dala 16.30 tl stadio Pranives te Sëlva.
28.01.
Ice Hockey Winter Classic Val Gardena
I HC Bullsqueens mët a ji l prim iede chësc evënt, duman sada ai 28.01. dala 18:00 inant sun la plaza dala dlacia Setil a Urtijëi. L sarà da udëi de pitli turnoies de hockey, danter l auter nce cun i jugadëures che à venciù l campiunat talian tl 1980-81, y da dedò saràl na festa cun DJ.
05.02.
HC Gherdëina II vs. HC Feltreghiaccio (IHL Divijion 1)
L HC Gherdëina II nvieia ala partida de Seria C contra l HC Feltreghiaccio, ai 05.02. dala 17:30 tl stadio Pranives te Sëlva.

Avisc
Atualmenter
Picol marcià de roba durèda
Te oratorie de Poza enscin ai 3 de firé de mèrtesc e mercol domesdì da les 14:30 a les 17:30 e de jebia e vender sera da les 20:00 a les 22:00 l é avert l marcià de la roba durèda olache se pel portèr e cerner massaria neta e ben tegnuda. Chel che vegn ite va per i besegnes de ciarità, miscionaries e pastorai de la parochies.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sot­canai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
La dreta regoeta desferenzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it–0462 764500) e ti Ofizies tribuc de duc i Comuns de Fascia.
Atualmenter
Sescions forestales te Fascia
L é temp de Sescions forestales che te Fascia les vegn chiamè­des ite con chesta calandèr: ai 14 de firé da les 9:00 te Comun de Cianacei ence per per la 4 Frazions e per l Comun de Ciampedel; ai 21 de firé da les 10:00 a Moena te Comun e ai 23 de firé con 3 apuntamenc: da les 8:30 a Soraga, da les 11:00 a Mazin e da les 14:30 a Sèn Jan per l Comun e la 3 Frazions.
Atualmënter
Biblioteca S. Durich śareda
La biblioteca de S. Durich a Urtijëi resterà śareda nchin ai 31 de jené per lëures de restrutu­razion.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: telefon 0474 410303 o info@frauenhelfenfrauenbuneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Radunanzes Copratives de Fascia
La Copratives de duta la val chiama ite la radunanza: chela de Sèn Jan en sabeda ai 4 de firé da les 14:30 te palestra de la scola mesènes; Cianacei en domenia ai 5 da les 14:30 te Chino Marmolèda; Moena en sabeda ai 11 da les 15:30 te oratorie e Ciampedel ai 26 da les 15:00 te PalaDolomites a Ciampestrin.
Atualmënter
Museum Gherdëina daviert
L Museum tla Cësa di Ladins a Urtijëi ie daviert: nchin ai 31 de merz ie l orar de giaurida  dal merdi nchin al vënderdi, dala 14:00-18:00. Per vijites vijites menedes pòssen cherdé su l 0471 797554. Plu nfurma­zions sot a www.museum gherdeina.it.
27.01.
Messa per Sèn Giosef Freinademetz
Anché, vender ai 27 de jené, da les 6 da sera te gejia de Poza vegn ofizià la zelebrazion en onor del sènt ladin Giosef Freinademetz. Per l’ocajion vegnarà metù fora la reliquia del Sènt.
04.02.
No taliagn, no tudësc
Te sala Heilmann del Museo Ladin de Fascia a Sèn Jan en sabeda ai 4 de firé da les 17:30 vegn prejentà l liber »No taliagn, no tudësc«, frut de na enrescida storica su la nasciuda e l svilup de l’identità ladina anter Ot e Nefcent, scrit da Alessandro Margoni. Tol pèrt l autor e l storich Cesare Bernard.

Mostres y Ert
Atualmënter
Scultures de dlacia tl zënter de Urtijëi
Artisć y i scultëures de Gher­dëina laurerà ora ntan l’ena dai 23.01. nchin ai 29.01. opres de dlacia y nëif.
Atualmënter
Albert Mellauner tla Hofburg a Porsenú
Tla Hofburg da Porsenú él da odëi la mostra »Farb­rhythmen – Ritmi cromatici« de Albert Mellauner.
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 26 de dezember fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.

Mujiga
04.02.
»Resist! Music contest a la Grenz«
En sabeda ai 4 de firé da les 21:00 a La Grenz a Moena, sera spezièla de »Resist!« selezion de gropes e artisć per l conzert di 25 de oril a Trent. Endreza Arci Trentin, La Grenz e l zircol Apeiron de Vezan, col contribut de la Fondazion Caritro. Se pel ite debant con tessera ARCI.

Religion
28. y 29.01.
Festa de Sant Ojöp Freinademetz a Oies
Chësta domënia ai 29 de jená festejëia la Dlijia le de de Sant Ojöp Freinademetz. I miscio­nars verbic inviëia da recordé nosc sant a Oies. En doman sabeda ai 28.01. dales 20:00 vëgnel festejé la vëia dla festa cun testemonianzes de fede, musiga y oraziun. En domënia ai 29.01., de dla festa, él dales 16:00 na mëssa solëna cun le Vësco Ivo Muser.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
31.01.
In memoriam padre G.Deto­maso miscionare tl Etiopia
Dales 20:50 ca. Program de Anna Maria Fiung y Wolfgang Penn, a cura de Alessandro Dapunt.
01.02.
SunS 2022
Suns Europe à avert si ujes a musizisc’ e gropes che porta dant sia esprescions artistiches ti lengac de mendranza euro­peans. Dales 20:50 ca. Anter i gropes che se à prejentà à vent i galleisc HMS Morris con si stil dance beats e indie, apede a chisc tropes de etres à viventà l festival de musega ti lengac de mendranza che vegn endrezà vigni an a Udin dal 2009. Program de Marco D’Agostini, a cura de Anna Mazzel.
02.02.
Scenar ert y cultura
Dales 20:50 ca. Program de Ivan Senoner y Hanspeter Kar­bon, a cura de Leo Senoner.

Radio
Ladiniatour 2023
L ie stat na nutizia che à fat colp, na nutizia che ie unida tëuta su da trueps cun legrëza. La Union Generela di Ladins dla Dolomites à udù dant te si program de ativita per l ann 2023 la manifestazion musi­chela »Ladiniatour«. Georg Mussner dl cumité de urgani­sazion nes conta zeche de chësc gran event musichel che fova ti ani ’90 n »highlight« tla Ladinia y ciche l ie tan udù dant tla otava edizion dla Ladiniatour. Trasmiscion de Alex Runggaldier
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
31.01.
Cuntia: »La usc di lëgns«
Dales 13:45 – 14:00. Sce an ascuta pro bun, áldon datrai i lëgns che baia. Chësta cuntia nes condüj ti pra sot Pütia, olache al vir n lersc y n peció. Sce i spizorëis les orëdles, gnëise sura te chësc program, ci che ai nes cunta. N program de Sara Frenner.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
27.01.
Isolde Kostner – danter sport y vita privata
Dales 19:05. Ëila ie zënzauter una dla sportives plu cune­sciudes de Gherdëina: Isolde Kostner. Te chësta ciaculeda nes conta l’atleta dl schi de coche n abina l balanz tla vita, di per di y de coche n viv danter sport, vita privata y vester na persona cunesciuda al publich. Trasmiscion de Stefano Zanotti.
28.01.
Lêc al prigo de estinziun (secunda pert)
Dales 19:05. Tratan la tra­scmisciun gnarâl cuntè sura la situaziun de dui lêc: le lech Poopò tla Bolivia y le lech Urmìa tl Iran. Program de Iris Del Valle.
01.02.
Luigi Micheluzzi, rampinador genial
Dales 19:05. Chesta paroles de Reinhold Messner se pel lejer su la soracuerta del nef liber dedicà a Luigi Micheluzzi olache l scrif ence che l é stat n rampinador pech valutà ma l é stat ampò un di prumes che à fat l 6° tel 1929 sun Mar­mo­lèda. L liber é vegnù scrit da so pronez Luca Micheluzzi che apede a fèr gran enrescides ti archivies l’à volù fèr ence duta si vies. En rejonon co l’autor e doi alpinisc desche Bruno Pede­riva e Tone Valeruz, program de Anna Mazzel.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
27.01.
Domesdì de juesc
La grupa »Deberieda« nvieia a n domesdì de juesc, ncuei, vënderdi ai 27.01. dala 14:00 tla sala dla sentedes tla sënta dl Servisc Soziel a Urtijëi. »Deberieda« ie na grupa cun ulenteres, per se ancunté dan­ter persones che à problems psichics o de sozialisazion.
01.02.
L bar dla Cësa de Paussa de Urtijëi gëura inò
L bar dla Cësa de Paussa San Durich gëura inò si portes dai 1. de fauré 2023 inant. Orars de giaurida: dal merdi ala sada - 8.30 – 17.00, vën­derdi - 7.00 – 17.00, de dumënia y de lunesc iel śarà.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Referac
27.01.
Sce i bëri, ne rovëni nia
Le Consëi de Formaziun da San Martin inviëia incö vën­dres ai 27.01. dales 20:00 a na serada de discusciun dal titul »Sce i bëri, ne rovëni nia«. Referënc é Nadia Mariucci (Sorvisc por les dependënzes da Bornech), le psicologh dl trafich Max Dorfer, la doturia legala Barbara Avesani y Josef Egger – pere de na vitima. Le referat é tl salf dl Istitut Ladin a San Martin.
30.01.
Canche nosc mutons à l tisl: co i acumpanie y varì
L referat cun la dut.ssa Elisa­beth Delago, Karin Planker, Heidi Insam y Linda Faconti, ulache l unirà rujenà de omeo­patia, mesuns per varì naturei y prim aiut emoziunel, sarà n lunesc ai 30 de jené dala 20:00 tla sala dla Nëus Jëuni Gherdëina SAUT.