La Usc di Ladins

Dotours
Dutor Gherdëina
L dutor de servisc da n sada ai 04.02. dala 08:00 daduman nchin la 08:00 daduman de n lunesc ai 06.02. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Le dotur en sorvisc tla fin dl’edema di 4 y 5 de forá, ti comuns de Badia, Corvara y La Val, é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc la doturia Margarete Mahlknecht, La Val, tel. 349 0667034 o 0474 523018.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 03.02. nchin n vënderdi ai 10.02. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 3 de forá dales 19:00 al vëndres ai 10 de forá ales 19:00, é chëra da Corvara, tel. 0471 830237.

Cursc
10.02.
Cursc da nodé por scolina y elementara
Ai 10.02. mët man i cursc da nodé por i mituns y les mitans dla scolina y dla elementara organisá dala US La Ila. I cursc vëgn tignis vigni vëndres por indöt 7 iadi. Le prisc, che tol ite ince l’entrada tla noda­doia, é de 90,00 euro. Infos y iscriziuns cina ai 8 de forá: fitness@uslaila.it y www.uslaila.it.

Publizistica
09.02.
Prejentazion di libri y di materiai de archeologia
L Ciamp pedagogich dla Provinzia à dat ora trëi libri che fej pert dla culezion »Archeologia tla Dolomites«. La prejentazion de chisc libri y di materiai de archeologia sarà ai 09.02. dala 16.30 tla Aula Magna tla scola elemen­tera de Urtijëi. Muderazion: Maria Kostner, curnisc mujighela: Scola de Mujiga Gherdëna.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it–0462 764500) e ti Ofizies tribuc de duc i Comuns de Fascia.
Atualmenter
Sescions forestales te Fascia
L é temp de Sescions forestales che te Fascia les vegn chia­mèdes ite con chesta calandèr: ai 14 de firé da les 9:00 te Comun de Cianacei ence per per la 4 Frazions e per l Comun de Ciampedel; ai 21 de firé da les 10:00 a Moena te Comun e ai 23 de firé con 3 apuntamenc: da les 8:30 a Soraga, da les 11:00 a Mazin e da les 14:30 a Sèn Jan per l Comun e la 3 Frazions.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Laboatorie de teater
Michela Marangoni de la sociazion Antermoia met endò a jir n laboratorie de teater per bec de la scoles populères, mesènes e autes. Pruma scontrèda en vender ai 10 de firé da les 14:30 per la scola auta e en sabeda ao 11 da les 16:30 per populères e mesènes al PalaDolomites de Ciam­pestrin. Info e enscinuazions al 348 0043352.
Atualmenter
Radunanzes Copratives de Fascia
La Copratives de duta la val chiama ite la radunanza: chela de Sèn Jan doman sabeda ai 4 de firé da les 14:30 te pale­stra de la scola mesènes; Cianacei en domenia ai 5 da les 14:340 te Chino Marmo­lèda; Moena en sabeda ai 11 da les 15:30 te oratorie e Ciam­pedel ai 26 da les 15:00 te PalaDolomites a Ciam­pestrin.
03.02.
Helios: proa cun portes daviertes
La grupa Helios nvieia de cuer duta la jënt nteresseda a na proa cun »portes davier­tes« n vënderdi ai 03.02. dala 20:30 te calonia a Urtijëi.
04.02.
No taliagn, no tudësc
Te sala Heilmann del Museo Ladin de Fascia a Sèn Jan en sabeda ai 4 de firé da les 17:30 vegn prejentà l liber »No taliagn, no tudësc«, frut de na enrescida storica su la nasciuda e l svilup de l’identità ladina anter Ot e Nefcent, scrit da Alessandro Margoni. Tol pèrt l autor e l storich Cesare Bernard.
10.02.
Stories de Fascia te Studi Trentini
En vender ai 10 de firé da les 17:30 te sala del Consei de Comun de Sèn Jan l diretor de »Studi Tentini« Emanuele Curzel e l storich fascian Cesare Bernard prejenta l ultim numer de la revista, col contribut su »Giovanni Fran­cesco Bernard (1627-1696), un fassano a Vienna« scrit da Cesare Bernard.
11.02.
Assemblea sinodala de Fascia e Fiem
En sabeda ai 11 de firé da les 9:30 a les 12:30 te oratorie de Moena l’Arzidiozesa de Trent endreza la radunanza de la zona pastorala de la valèdes de Fascia e Fiem per l percors sinodal, con l piscop Lauro Tisi. La scontrèda é averta a duc e l é envià en particolèr i Consees pastorai e i compo­nenc di gropes sinodai.
27.02.
I dis de educazion politica ie dan porta
Ntan chisc dis ie urganisa­zions, lies y istituc de furma­zion, nviei a mëter a jì na mani­festazion per la furma­zion politica. L argumënt de chëst ann ie »Te ti ciauzei«. Duc ie de cuer nviei a mandé ite si prupostes y ideies per e-mail a furmazion.gh@micura.it, nchin ai 27 de fauré.

Chino
Atualmenter
Al chino de Cianacei
Anché, vender ai 3 de firé da les 21.15 l é »Asterix & Obelix, il regno di mezzo«, en program da la medema ora ence en domenia ai 5 e en mèrtesc ai 7, e de domesdì a les 17:00 en sabeda ai 4 e en vender ai 10 de firé. En sabeda ai 4 de firé da les 21:15 l é enveze en program »Le otto montagne« e en mercol ai 8 »Il primo giorno della mia vita«.
Atualmenter
Al chino de Tieser
Anché, vender ai 3 de firé da les 21.15 l é »The Fableman«, sabeda ai 4 da les 17:00 e da les 21:15 e domenia ai 5 demò da les 17:00 l é »Asterix & Obelix, il regno di mezzo«, domenia da les 20:30 l é »Le otto montagne«; en jebia ai 9 da les 21:15 l é »Il corsetto dell’imperatrice« e en vender ai 10 da les 21:15 l é »Magic Mike-The last dance«.

Sport
03/10.02.
Ski Alp 4 valèdes
Taca anché l 24° Trofeo Montura Ski Alp 4 Valli de schi alpinism. Anché vender ai 3 de firé 26° Ski Alp Cauriol (1° memorial Elisa Deflorian) da les 20:00 da Castelir fin sa Belamont. En vender ai 10 Moena Ski Alp per endrez de Bela Ladinia, da les 20:00 dai Ronc fin sun Valbona. Iscrizions online su www.keepsporting.com
05.02.
HC Gherdëina II vs. HC Feltre­ghiaccio (IHL Divijion 1)
L HC Gherdëina II nvieia ala partida de Seria C contra l HC Feltreghiaccio, ai 05.02. dala 17:30 tl stadio Pranives te Sëlva.

Mostres y Ert
Atualmënter
Scultures de dlacia tl zënter de Urtijëi
Artisć y i scultëures de Gher­dëina à laurà ora opres de dlacia y nëif, che ie da udëi tl raion da jì a pe de Urtijëi.
Atualmënter
Alpaca y ert
La grupa Gherdëina per l Perù nvieia a na mostra de sbetri dl Perù a fin de bën. La mostra tla sala dla Lia Mostra d’Ert a Urtijëi resta davierta nchin ai 13 de fauré, uni di, 09:30-12:00, 15:00-19:00, vënderdi y sada nce 20:00- 22:00. N puderà nce cumpré vel’ prudot de lana fat a man, sustenian nsci l’ëiles y i jëuni che i fej cun gran dedizion.
Atualmënter
Albert Mellauner tla Hofburg a Porsenú
Tla Hofburg da Porsenú él da odëi la mostra »Farb­rhythmen – Ritmi cromatici« de Albert Mellauner.
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 26 de dezember fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
10.02.
Chidlé te Sëlva
La grupa »Deberieda« nvieia a n domesdì de chidlé, n vën­derdi ai 10.02. N se anconta dala 14:00 dan la Cësa de Paussa a Urtijëi. »Deberieda« ie na grupa cun ulenteres, per se ancunté danter persones che à problems psichics o de sozialisazion.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Temp Lede
Atualmenter
Carnascèr sui festii a Vich
Fin ai 21 de firé fora per l paisc de Vich e sia frazions se pel veder sui festii la unesc ciasetes fornides su da Car­nascèr dai privac, scoles e sociazions de volontariat. Ogne vender da les 17:00 se pel fèr na raida col compa­gnador de teritorie Andrea Vian. Per tor pèrt iscrizions al 335 7479965.
Atualmenter
Mascherèdes ta Penìa
L Grop de la Mèscres de Dèlba e Penìa te chest temp de Carnascèr met dant doi mascherèdes te la veia scoles de Penìa da les 20:30: doman, sabeda ai 4 de firé »La batola de bèrba Simon«, de Stefen Dell’Antonio Monech, che vegnarà fata ence en mèrtesc gras ai 21; enveze ai 16 de firé, jebia grassa, sarà »L é vegnù bèrba Jan« de Simon de Giulio.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
04.02.
Dolomites Val Gardena Skijöring
La Lia di Ciavei de Gherdëina nvieia al Dolomites Val Gar­dena Skijöring ai 04.02. dala 18:00 inant sun l pra da Minert a Urtijëi/Sureghes.
06.02.
Pudejé de nuet cun luna colma
Sun Pana puderàn nuzé l purtoi da pudejé debant per pudejé de nuet cun luna colma, n lunesc ai 06.02. dala 20:00 inant. L mprëst dai schi ie n chësta sëira daviert.
06.02.
»Action show« a Calfosch
La scora de schi da Calfosch mët a jí en lönesc ai 6 de forá dales 21:00 n spetaul söi schi, sön la pista »Colfosco«. I maestri de schi y snowboard portará dant de plü esibiziuns ince cun la roda y le parapënn. Al tolará ince pert le »Pirates Freestyle team«.
08.02.
Sëra de telemark »La Falda« a La Ila
En mercui ai 8 de forá dales 20:00 ales 22:00 pón sön la pista »Doninz« a La Ila, jí cui schi ince da sëra. Te chësta ocajiun vëgnel ince tigní na incuntada por i amisc dl telemark. Düc i apascioná se incunta dales 20:00 y ala fin dla sëra porvarán da fá na gran ota düc adöm.
08.02.
Nos Ladins cun Werner
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. En mercui ai 8 de forá dales 16:00 pón imparé deplü sön le laur da paur, cun Werner a La Val. Infos y prenotaziuns ti ofizi turistics dl’Alta Badia o sön www.altabadia.org
09.02.
Cun la gücia da sëra
En jöbia ai 9 de forá pón se fá na roda cun la gücia da sëra, do le Tru di Artisć anter La Ila y San Ciascian. An pëia da Altin demez dales 20:45 y sön tru podarán amiré les operes de artisć ladins ilominades. Prenotaziuns ti ofizi turistics dl’Alta Badia o online.
09.02
San Ciascian: nöt dla liösa
La pista dla liösa »Foram« a San Ciascian vëgn ilominada ai 9 de forá da sëra, olache an á la poscibilité da jí cun la liösa. L’implant »Piz Sorega« sará davert dales 19:30 ales 22:30 y an pó s’impresté les liöses sides te paisc che sön Piz Sorega.
09.02.
Domisdé cun jüc da mësa
En jöbia ai 9 de forá, dales 15:30 ales 17:30 storjel pro tla biblioteca Sas dla Crusc da La Ila le Spielemobil cun jüc da mësa por döta la familia.
09.02.
Descurí le monn dl biatlon
En jöbia ai 9 de forá án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
09.02.
Skishow: Pilat show de lumes
N juebia ai 09.02. vëniel metù a jì na defileda cun lumes di:dla maestri:es de schi ju per la Pilat. Dala 17:00 nchin la 18:00 saràl n aperitif cun maestri:es de schi pra la stazion a mont dla Mont de Sëuc. L purtoi ie da dedò daviert mé per maestr:esi de schi, l’autra jënt ie prieda bel de jì ju inò cun l mplant portamont.
12.02.
Palmer Kids Fun Day
Ai 12.02. dala 09:30 nchin la 11:30 uniràl pità devertimënt per i mëndri y la mëndres y metù a jì de pitla garejedes de schi cun maestri:es de schi sun l purtoi Palmer a Urtijëi. Uni mut:a giaperà n pitl pest. Iscrizions pra la scoles de schi de Urtijëi.
16.02.
Defileda da Carnescià a Urtijëi
N Juebia Grassa, ai 16.02. dala 15:00. Granc y pitli ie nviei a fé pea se lascian tumé ite vel’ blòta mascra. La plu beles unirà premiedes sun Plaza de Dlieja, ulache l sarà nce mpue de festa cun mujiga DJ y de bon crafons. De majera grupes o carëc ie priei bel de se nunzië danora tla Lia dl Turism (0471 777600 o ortisei@valgardena.it)

Referac
09.02.
Usservazion meneda de planëc y galassies
Planëc, stëiles y galassies puderàn usservé tres de plu telescops tl Hotel Interski a S. Cristina ai 09.02. dala 21:00. N astronom spiegherà dut y respunderà ala duman­des. Priesc: 10,00€. N possa se nuté su nchin al di dant dala 18:00 tla Lies dl Turism de Gherdëina.

Iadi y jites
09.02.
»Nëus jon pa bel plan«: jita da d’inviern te Ridnaun
L vën pià via dala 7:45 (Hotel Oswald te Sëlva), dala 7:50 a S. Cristina y dala 8:00 (Plaza S.Antone a Urtijëi), per jì sa la Freundalm (1724 m) a maië da marënda. N possa se nuté su nchin ai 07.02. da Ciofes Inge a Urtijëi, da Malsiner Soriva a S. Cristina y da Sport Bruno Riffeser te Sëlva. Per nfurmazions: 3289146844 (Arthur), 3347201650 (Paola), 3388362004 (Valentin), 3200454724 (Helmuth).
12.02.
Jita sun la »Munt de Medalghes« a Longiarü
La Lia da Mont Gherdëina mët a jì chësta jita de schi alpinism/peves. L vën pià via cun la curiera da Sëlva dala 06:45, S. Cristina dala 06:50 y da Urtijëi dala 07:00. Deslivel: za. 958 m, za. 3 ëura. To pea: da maiè y da bever crem y udleis da surëdl, guant bon ciaut, schi, peves, rampins, pipser, sonda y badil. Per se nutè su: dai 06.02. nchin ai 09.02. da Ciofes Inge a Urtijëi 0471796691, Sport Malsiner a S.Cristina 0471 793672, Sport Bruno Riffeser te Sëlva 0471795141. Per plu nfurmazions: Arnold 333 4377171, Romana 335 8988620.

Televijion
07.02.
Cult, rituai da inier y incö
Dales 20:50 ca. Program de Daria Valentin y Hanspeter Karbon, a cura de Alessandro Dapunt.
08.02.
Natura e ambient: I mudamënc climatics y le desfides tl dagní
Dales 20:50 ca. Mosoraziuns y statistiches desvalies da pert de scienziá de döt le monn nes lascia udëi n gran aumënt dles temperatöres mesanes ti ultims 30-40 agn respet ai secui y milens denant.Por i abitanc di paisc da munt se lasciará chësc sintí dantadöt tles ativites che á da nen fá cun le turism invernal. Por ti jí adincuntra a n dagní sann, mëss nosta sozieté ciafé trusc por colié les trëi formes de sostenibilité, chëra ecologica, chëra economica y chëra soziala, y alternatives por ci che ne vá nia plö dî da tigní en pé sciöche al é sëgn. Program de Karin Pizzinini, a cura de Anna Mazzel.
09.02.
Nosta scola: atualità dala scoles dla valedes ladines
Dales 20:50 ca. Program de Lena Mulser y Hanspeter Karbon, a cura de Alessandro Dapunt.

Radio
03.02.
Anna Schenk y l sport dl bob
Dales 19:05. La jëuna atleta de Gherdëina Anna Schenk ie la sëula atleta de Gherdëina che se resieia a sauté ite te n bob a doi y furné ju per n canal dlacià a passa 100 al’ëura. La mami de doi mutons nes conta velch de chësta disziplina. Trasmiscion de Alex Rung­galdier.
04.02.
Momënc de vita: intervista a Lois Kastlunger
Dales 19:05. Lois Kastlunger é nasciü y chersciü sö a Pliscia tla familia dl mone. Al nes cunta de süa infanzia a Pliscia, de ci che le mone da Pliscia messâ döt fá. Al nes cunta ince de sües pasciuns, danta­döt de so interes por la musiga, le cianté y le balé, y ince de so raport cun i jogn y i studënc y de so impëgn tla dlijia y tl Sorvisc ai Jogn. N program de Erika Castlunger.
05.02.
L GAG à n presidënt nuef
Dales 19:05. Pra l ultima sen­teda generela dla Grupa Alpinisc Gherdëina (GAG) ie Titus Prinoth de Urtijëi deventà l presidënt nuef. L ie na grupa che se cunzentrea dantaldut sun i jëuni ti pitan d’uni sort de ativiteies sciche jì a crëp, fé jites plu mpenia­tives, nce jan a se arpizé tla dlacia. L obietif ie nce chël ti dé ueia ai jëuni per dut chël che à da nfé cun l’arpizeda y de i »avisé« via bele plan de viers di Judacrëp Gherdëina. Trasmiscion de Simon Moroder.
08.02.
Boletin »Nosha jent« con n click
Dales 13:45 – 14:00. Per i 60 egn de atività del boletin »Nosha jent« del Grop Ladin da Moena en domenia ai 12 de firè vegn prejentà n nef portal olache se podarà aer azes debant a l’archivie digital del boletin a scomenzèr col prum numer vegnù fora da Nadèl 1963. En rejonon con Fabio Chiocchetti del Grop Ladin da Moena, conduzion Anna Mazzel.
08.02.
Sontga Margriata: mit e cianzon
Dales 19:05. L mit e la storia de Songta Margriata à pedìes veiores te la cultura alpina olache se mesceda reijes religiouses arcaiches e pre-cristiane ma à n fort mesaje ence inchecondì per chel che verda l stravardament de la natura. L test é ruà a nos tres l lengaz romanch de la Surselva e à soscedà entresc ence di ciantautors moderns desche Corin Curchellas e Loris Vescovo. Program de Anna Mazzel.
09.02.
N stromënt, na storia: la chitara
Dales 19:05. La chitara é le stromënt plü conesciü y soné sön nosc planët. Te chësc program nes cunta le musizist Tobias Dellago dl’evoluziun de chësc stromënt a cordes, nes portan ince val’ ejëmpl de interprec che á fat storia tl ciamp musical. N program de Sara Frenner.

Mujiga
04.02.
»Resist! Music contest a la Grenz«
Doman, 4.02. da les 21:00 a La Grenz a Mo­­­­­ena, sera spezièla de »Re­sist!« selezion de gropes e artisć per l conzert di 25.04. a Trent. Endreza Arci Tren­tin, La Grenz e l zircol Apeiron de Vezan, col contri­but de la Fondazion Caritro. Se pel ite debant con tessera ARCI.
08.02.
Cuartet Fantastique
I Jëuni de Mujiga Gherdëina nvieia al cunzert dl Cuartet Fantastique, ai 8 de fauré dala 20:00 tla dlieja de S. Cristina. Martina Rifesser – chersciuda su te Gherdëina – y Werner Karlinger sona l’erpa, Catrin Stepanek y Ildiko Deak l flaut.