La Usc di Ladins

Dotours
Dutor Gherdëina
L dutor de servisc da n sada ai 11.02. dala 08:00 daduman nchin la 08:00 daduman de n lunesc ai 13.02. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc tla fin dl’edema di 11 y 12 de forá, ti comuns de Badia, Corvara y La Val, é le dotur Guido Caretta, Calfosch/Corvara, tel. 0471 836870 o 337 616080. Ti comuns de Mareo y San Martin él en sorvisc le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 10.02. nchin n vënderdi ai 17.02. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 10 de forá dales 19:00 al vëndres ai 17 de forá ales 19:00,  chëra da La Ila, tel. 0471 847152.

Sport
10.02.
Ski Alp 4 valèdes
Seconda proa del 24° Trofeo Montura Ski Alp 4 Valli de schi alpinism. Anché, vender ai 10 de firé l é l Moena Ski Alp per endrez de Bela Ladinia dai Ronc fin sun Valbona. Da les 18:00 pea via i escurscionisć e da les 20:00 i agonisć. Iscri­zions al ofize gare a la stazion de la forenadoa ta i Ronc.
16.02.
HC Gherdëina vs. EK Die Zeller Eisbären
L HC Gherdëina nvieia ala par­tida de Alps Hockey Lea­gue contra l EK Die Zeller Eisbären, ai 16.02. dala 20:30 tl stadio Pranives te Sëlva.

Prejentazions
14.02.
Prejentazion documenter
La Ntendënza y Cultura ladina nvieia ala pre­jen­tazion dl film documenter Ladinia sun la scolina y scola ladina, ai 14 de fauré dala 17:00 tla scola mesana de Sëlva. La partezipazion vën recune-sciuda coche furmazion sce n ie scric ite ai cursc 5614 o 5615 tl portal dla formaziun.

Chino
Atualmenter
Al chino de Cianacei
Anché, vender ai 10 da les 21:15 l é »Magic Mike- The last dance« che vegn moscià ence sabeda ai 11 da les 21:15 e domenia ai 12 da les 17:00, sabeda ai 11 da les 17:00 l é »Gli spiriti dell’isola« che vegn mosciaà ence domenia ai 12 da les 21:15. Mèrtesc ai 14 da les 21.15 l é »Il primo giorno della mia vita«, mercol ai 15 da les 17:00 l é »Asterix e Obelix-Il regno di mezzo« e da les 21:15 »Gli spiriti dell’iso­la« che vegn moscià ence en vender ai 17 da les 17:00, jebia ai 16 da les 21:15 l é »Magic Mike-The last dance«.
Atualmenter
Al chino de Tieser
Anché, vender ai 10 e sabeda ai 11 de firé da les 21:15 l é »Magic Mike-The last dance« che vegn moscià ence en mercol ai 15 da les 20:30, en jebia ai 16 da les 21:15 l é »Close«

Referac
22.02.
Canche n à l tisl: co acumpanië y varì
L referat cun la dut.ssa Elisa­beth Delago, Karin Planker, Heidi Insam y Linda Faconti, ulache l unirà rujenà de omeo­patia, mesuns per varì naturei y prim aiut emuziunel ai mutons y ala mutans, sarà n mierculdi ai 22 de fauré dala 20:00 tla sala dla Nëus Jëuni Gherdëina Saut a Urtijëi.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
14.02.
Sport ladin
Dales 20:50 ca. Program de Diego Clara y Hanspeter Karbon, a cura de Alessandro Dapunt.
15.02.
Gastronomia da stëres
Dales 20:50 ca. Te nostes valades turistiches é le livel dla gastronomía gnü róé a livel bun, an á ince na bela cumpëda de stëres Michelin: ares é le früt de trepes bries, de na gran profescionalité y de n conzet de ospitalité parti­cu­lar. Le prestisc dai restoranc premies dëida l’imaja ince dai raiuns turistics. A cura de Mateo Taibon, Margherita Detomas y Martina Rier.
16.02.
La filigrana de Anpezo
Dales 20:50 ca. Program de Giulia Tasser y Hanspeter Karbon, a cura de Alessandro Dapunt.

Radio
10.02.
Herbert Senoner mesura uni di l tëmp!
 Tl dezëmber dl 1976 che l ova 13 ani ovel scumencià a scrì su di per di la temperatura, la ciadeda y sce l tëmp fova bel o burt a Urtijëi. Ntant iel passà 46 ani y ntant al abinà su truepiscimi dac scialdi nteressanc che desmostra nce coche l tlima se à mudà ti ultimi dejeneies tlo da nëus y sëura dut l mond. Trasmi­scion de Alex Runggaldier
11.02.
Gran infrastrotöres y migraziun sforzada
Dales 19:05. La costruziun de de gran infrastrotöres, sciö­che por ejëmpl dighes, porta a la desdruziun dl ambiënt y so ecosistem, mo ince al trasfe­rimënt sforzé de milesc y milesc de porsones. Tratan la trasmisciun gnarál cunté sön la diga »Les trëi garsares« tla Cina y sura la diga »Gibe 3« tl’Etiopia. Program de Iris Del Valle.
14.02.
»Fanes«
Dales 13:45 – 14:00. Le toch teatral »FANES« scrit da Anna Gschnitzer y acompagné dales musighes de Musikbanda Franui, nes vëgn presenté te chësc program, dal joblere conesciü y aprijé a livel inter­nazional, Lukas Spisser. Program de Sara Frenner.
15.02.
»No taliagn no tudësc«
Dales 19:05. Chest l é l titol del liber de Alessandro Mar­goni, ejit de na longia enre­scida che studia fora la reijes storich-politiches del popul ladin dolomitich anter Ot e Nefcent. N liber che ne desc na narazion neva di movimenc ladins e so besegn de definir, fèr a saèr e codificher si iden­tità per domaner l recogno­sciment ufizial. Program de Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
16.02.
Bröm, vërt, violet
Dales 19:05. I corusc baia, ai comunichëia tl’ert, insciö sciöche ince tla liturgia y tla psicologia. Te chësc program ti ciarunse tl monü ai coursc frëic tres la usc de n prou, de na psicologa y de n artist. Program de Sara Frenner.
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it–0462 764500) e ti Ofizies tribuc de duc i Comuns de Fascia.
Atualmenter
Sescions forestales te Fascia
L é temp de Sescions forestales che te Fascia les vegn chia­mèdes ite con chesta calandèr: ai 14 de firé da les 9:00 te Comun de Cianacei ence per per la 4 Frazions e per l Comun de Ciampedel; ai 21 de firé da les 10:00 a Moena te Comun e ai 23 de firé con 3 apuntamenc: da les 8:30 a Soraga, da les 11:00 a Mazin e da les 14:30 a Sèn Jan per l Comun e la 3 Frazions.
Atualmënter
Iscrizions Spring Race
N sada ai 25.03. saràl inò la garejeda cun juesc da Secëda ju nchin a Urtijëi. La iscrizions ie daviertes nchin ai 19 de fauré, sot a https://docs.google.com/forms/. L puderà fé pea 50 grupes, for da 6 persones, che giaperà pona uniuna n:a maester:ra de schi. Nchin ai 1. de merz uniràl trat ora la grupes che possa fé pea y chëstes unirà pona cuntatedes.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Laboatorie de teater
Michela Marangoni de la sociazion Antermoia met endò a jir n laboratorie de teater per bec de la scoles populères, mesènes e autes. Pruma scon­trèda anché, vender ai 10 de firé da les 14:30 per la scola auta e doman, sabeda a1 11 da les 16:30 per popu­lères e mesènes al Pala­Dolomites de Ciampestrin. Info e enscinua­zions al 348 0043352.
Atualmenter
Marcià de roba durèda
Va inant enscin en mèrtesc ai 28 de firé te Oratiroe de Poza l marcià de roba durèda. Se pel portèr roba durèda neta e amò bona o jir a se chierir fora zeche te chisc oraries: ne mèrtesc e mercol da les 14:30 a les 17:30 e de jebia e vender da les 20:00 a les 22:00. Chel che vegn ite va per scomenzadives de solidarietà de la parochia.
Atualmenter
Radunanzes Copratives de Fascia
La Copratives de duta la val chiama ite la radunanza: do cheles de Sèn Jan e Cianacei, en sabeda ai 11 da les 15:30 te Oratorie l é chela de Moena e en domenia ai 26 da les 15:00 te PalaDolomites a Ciam­pestrin l é chela de Ciampedel.
10.02.
Stories de Fascia te Studi Trentini
Anché, vender ai 10 de firé da les 17:30 te sala del Consei de Comun de Sèn Jan l diretor de »Studi Tentini« Emanuele Curzel e l storich fascian Cesare Bernard prejenta l ultim numer de la revista, col contribut su »Giovanni Fran­cesco Bernard (1627-1696), un fassano a Vienna« scrit da Cesare Bernard.
11.02.
Assemblea sinodala de Fascia e Fiem
Doman, sabeda ai 11 de firé da les 9:30 a les 12:30 te ora­torie de Moena l’Arzidiozesa de Trent endreza la radunanza de la zona pastorala de la valèdes de Fascia e Fiem per l percors sinodal, con l piscop Lauro Tisi. La scontrèda é averta a duc e l é envià en particolèr i Consees pastorai e i componenc di gropes sinodai.
11.02.
Sègra de Ciampestrin
L Comitat Manifestazions e l Comitat parochial endreza doman, sabeda ai 11 de firé, la sègra de Ciampestrin: messa da les 10:00 con don Mario Bravin te gejiola e do mez­mesdì tel PalaDolomites.
12.02.
60 egn de Nosha Jent a la leta
En domenia ai 12 de firé da les 16:00 te sala Rovisi del Comun de Moena l Grop Ladin e l’Union di Ladins de Fascia endreza na scontrèda per recordèr i 60 egn de fonda­zion de Nosha Jent. Vegn prejentà l archivie digital del boletin, memoria storica de la comunanza de Moena che vegn metù a la leta de duc debant tras l web.
16.02
Sènt’Ugèna patrona de Fascia
En jebia ai 16 de firé l é la festa de la patrona de duta la Val de Fascia. Vegn fat la proscescion da mesa les 10 da Vich per jir fin sun Ciaslir, olache vegn dit messa da les 10 da doman.
27.02.
I dis de educazion politica ie dan porta
Ntan chisc dis ie urganisa­zions, lies y istituc de furma­zion, nviei a mëter a jì na mani­festazion per la furma­zion politica. L argumënt de chëst ann ie »Te ti ciauzei«. Duc ie de cuer nviei a mandé ite si prupostes y ideies per e-mail a furmazion.gh@micura.it, nchin ai 27 de fauré.

Mostres y Ert
Atualmënter
Scultures de dlacia tl zënter de Urtijëi
Artisć y i scultëures de Gher­dëina à laurà ora opres de dlacia y nëif, che ie da udëi tl raion da jì a pe de Urtijëi.
Atualmënter
Alpaca y ert
La grupa Gherdëina per l Perù nvieia a na mostra de sbetri dl Perù a fin de bën. La mostra tla sala dla Lia Mostra d’Ert a Urtijëi ie davierta nchin a n lunesc, 13 de fauré, uni di, 09:30-12:00, 15:00-19:00, vënderdi y sada nce 20:00- 22:00. N puderà nce cumpré vel’ prudot de lana fat a man, sustenian nsci l’ëiles y i jëuni che i fej cun gran dedizion.
Atualmenter
Oraries mostra La Gran Vera
La mostra »1914-1918 La Gran Vera: Galizia-Dolomiti« te Navalge a Moena aur dai 26 de dezember fin ai 8 de jené duc i dis con orarie 10:00-12:30 e 15:30-19:00 e dapò dut invern demò da la jebia a la domenia da les 15:30 a les 19:00.
16.02.
Corvara: Mostra »Dolomites y la nëi«
L’artista Silvia Nava mët fora sü chedri dles Dolomites depënc cun corusc a ega, sot al titul »Dolomiti e la neve«: dai 16 ai 26 de forá, tl salf dles manifestaziuns a Corvara. La mostra é daverta dal lönesc al mercui dales 10:00 ales 12:00 y dales 16:00 ales 19:00; dala jöbia ala domënia dales 16:00 ales 19:00.

Temp Lede
Atualmenter
Carnascèr sui festii a Vich
Fin ai 21 de firé fora per l paisc de Vich e sia frazions se pel veder sui festii la unesc ciasetes fornides su da Carna­scèr dai privac, scoles e socia­zions de volontariat. Ogne vender da les 17:00 se pel fèr na raida col compagnador de teritorie Andrea Vian. Per tor pèrt iscrizions al 335 7479965.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turi­stich da La Val.
Atualmenter
Mascherèdes ta Penìa
L Grop de la Mèscres de Dèlba e Penìa met dant doi mascherèdes te la veia scoles de Penìa da les 20:30: en jebia grassa vegn spilenà »L é vegnù bèrba Jan« de Simon de Giulio e en mèrtesc de Carnascèr ai 21 de firé vegn portà dant »La batola de bèrba Simon«, de Stefen Dell’Antonio Monech.
11.02.
Ludoteca nueva te Gherdëina
La lia Trix - Juesc da mëisa, nvieia de cuer ala prejentazion dla Ludoteca, la bibliotecA di juesc da mëisa per granc:des y pitli:es. Duman sada tl Saut a Urtijëi dala 19:00 unirà prejenteda n curt la lia, si ativiteies y la nuviteies coche la puscibltà de mpresté ora juesc. Chi che ie nteressà, possa gën passé a scuvrì i juesc da pudëi fé te familia o cun cumpanies.
12.02.
Palmer Kids Fun Day
Ai 12.02. dala 09:30 nchin la 11:30 uniràl pità devertimënt per i mëndri y la mëndres y metù a jì de pitla garejedes de schi cun maestri:es de schi sun l purtoi Palmer a Urtijëi. Uni mut:a giaperà n pitl pest. Iscrizions pra la scoles de schi de Urtijëi.
15.02.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
15.02.
Badia: Spetacul söi schi por mituns
La scora de schi de Badia mët a jí en mercui ai 15 de forá n rait a val por mituns, sön la pista »La Crusc«. Por podëi tó pert mësson savëi da jí cun i schi paralel sön pistes cöcenes. Iscriziuns tla scora de schi. Dales 18:00 gnarál spo fat n spetacul söi schi cun i mituns dl Ski Team Alta Badia y le »Pirates Freestyle Team«.
15. y 16.02.
Nos Ladins cun Nikolas y Jan Clemens
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 15 de forá dales 16:00 pón imparé deplü sön le laur da pech, cun Nikolas a Corvara. Ai 16 de forá dales 16:00 pón descurí coriosités sön i vins, deboriada cun Jan Clemens a San Ciascian. Infos y prenotaziuns ti ofizi turistics dl’Alta Badia o sön www.altabadia.org
16.02.
Descurí le monn dl biatlon
En jöbia ai 16 de forá án la poscibilité da imparé les rego­les dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
16.02.
San Ciascian: nöt dla liösa
La pista dla liösa »Foram« a San Ciascian vëgn ilominada ai 16 de forá da sëra, olache an á la poscibilité da jí cun la liösa. L’implant »Piz Sorega« sará davert dales 19:30 ales 22:30 y an pó s’impresté les liöses sides te paisc che sön Piz Sorega.
16.02.
Bun de Gran Risa
En jöbia ai 16 de forá vëgnel tigní a La Ila le pröm apunta­mënt de »Bun de Gran Risa«. Te chësta ocajiun pón jí cui schi sön la Gran Risa bele dales 7 da doman, adöm cun i maestri de schi, y porvé da gní jö por n percurs de gigant, sciöche pro na gara de Copa dl monn. Dedô pón se gode n bun gosté tla ütia »Club Moritzino«. Prenotaziuns sön www.altabadia.org o ti ofizi turistics.
16.02.
Defileda da Carnescià te Sëlva
La Scola de Schi de Sëlva mët a jì la defileda de Carnescià, deberieda ala Lia dl Turism de Sëlva. L unirà pià via dala 17:30 dan la Scola de Schi de Sëlva y jit ju tres la streda Nives nchin sun Plaza de Chemun, ulache l unirà pità aurela curta per mutons:ans. N giaperà nce na bona panicia.
16.02.
Juebia Grassa a S. Cristina
La Lia dl Turism de Santa Cristina nvieia duta la families a festejé deberieda l Carnescià: ai 16.02. dala 10:00 nchin la 12:00, dan l ufize dla Lia dl Turism a S. Cristina. L unirà dat ora na bona panicia y sambën ne possa nce i crafons nia mancë.
16.02.
Festa da Carnescià tl Circolo
N chëst ann uniràl inò a s’l dé la festa tradiziunela tla sala dla Lia Mostra d’Ert a Urtijëi, n Juebia Grassa, ai 16.02. dala 18:30 inant. Dala 18:30 saràl mujiga cun DJ Mat, dala 20:00 inant pona cun la grupa Sun Sëida y dala 21:30 inant sunerà i Pëufla. Duc ie nviei de cuer.
16.02.
Skishow da Carnescià dla Scola de Schi de Urtijëi
La Scola de Schi de Urtijëi nvieia ala skishow da Carne­scià ai 16.02. dala 21:15 sun l purtoi da Palmer, na prejen­tazion ulache duta la jënt unirà n mascra. L ne mancerà sambën nia mujiga, lumes y devertimënt.

Sozial
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Che­mun; Sëlva Stua di Senio­res). L ie da se lascé nuté su nchin al di dant da mesdì, cher­­­dan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debo­jëgn spëisa debann. Ala banca­rela pó s’oje la jënt di comuns de Badia, Corvara y La Val.
10.02.
Chidlé te Sëlva cun la grupa »Deberieda«
La grupa »Deberieda« nvieia a n domesdì de chidlé, ncuei vënderdi ai 10.02. N se ancon­ta dala 14:00 dan la Cësa de Paussa a Urtijëi. »Debe­rieda« ie na grupa cun ulenteres, per se ancunté danter persones che à problems psichics o de sozialisazion.

Teater y Mujiga
17.02.
»Fanes«
Por la rapresentaziun dl teater musical nü de Anna Gschni­tzer y Music­banda Franui en vëndres ai 17.02 a Balsan vá y vëgn n bus, da Bor­nech (tres Porse­nú y Tlüses). Start a Bor­nech: 18:00. Infos: andrea.malfertheiner@theater-bozen.it – tel. 0471 065330.