Manifestazions atuales

Data

17 de fauré 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 17 de fauré 2023
Dotours
Dutor Gherdëina
L dutor de servisc da n sada ai 18.02. dala 08:00 daduman nchin la 08:00 daduman de n lunesc ai 20.02. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc tla fin dl’edema di 18 y 19 de forá, ti comuns de Badia, Corvara y La Val, é la doturia Lodovica Mattioni, La Ila, tel. 328 859 0842. Ti comuns de Mareo y San Martin él en sor­visc la doturia Stefania Febbraro, Al Plan, tel. 377 3288595.

Apoteches

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 17.02. nchin n vënderdi ai 24.02. ie chëla de S. Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 10 de forá dales 19:00 al vëndres ai 17 de forá ales 19:00, é chëra da San Martin/Picolin, tel. 0474 523020.

Sozial

Atualmënter
Solidarieté por medefüch
Al 31.01. él vardü jö a Mühl­wald la majun dl Lärcheg­gerhof de Ferdinand Holzer, che á ince lauré tröc agn a Corvara, sciöche paur dl lüch de Alfred Pescosta dl Pifania. Tl medefüch ál pordü so avëi y süa esistënza vëgn metüda dassënn ala proa. Al vëgn coiü adöm spënores por le daidé mëte man danü. Chëstes pón fá söl cunt dla Cassa Raiffeisen da Türesc, IBAN IT12C082855827 0000304224001
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da da­mané do contribuc finan­ziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá doman­da ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Che­mun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
21.02.
»Deberieda«: Carnescià cun »Spaziosissimo« a Bulsan
N se anconta dan la Cësa de Paussa dala 13:45 per pië ju a Bulsan a na bela festa de Carnescià cun la grupa »Spa­ziosissimo«. N sarà de reviers ntëur la 18:30. »Deberieda« ie na grupa cun ulenteres, per se ancunté danter persones che à problems psichics o de sozialisazion.

Mostres y Ert

Atualmënter
Wilhelm Senoner te Tublà da Nives
La mostra de Wilhelm Seno­ner sarà da udëi nchin ai 26 de fauré, uni di ora che l lunesc, dala 15:00 nchin la 19:00; de sada y de dumënia sarà l artist nstës prejënt.
Atualmënter
Scultures de dlacia tl zënter de Urtijëi
Artisć y i scultëures de Gher­dëina à laurà ora opres de dlacia y nëif, che ie da udëi tl raion da jì a pe de Urtijëi.
Atualmënter
Mostra: »Estasa dl udëi«
La mostra culetiva »Estasi dl udëi« tla galaria Vijion a Pun­tives resterà davierta nchin ai 25 de merz, dal lunesc nchin la sada danter la 16:00 y la 19:00. L sarà da udëi opres di artisć y dla artistes Rabeah Mashinchi, Johannes Bauer, Hermann Nitsch, Cornelia Lochmann, Andrea M. Varesco, Thaddäus Salcher, Michael Grebner y Rinaudo Nahuel.
Atualmënter
Corvara: Mostra »Dolomites y la nëi«
L’artista Silvia Nava mët fora sü chedri dles Dolomites depënc cun corusc a ega, sot al titul »Dolomiti e la neve«, tl salf dles manifestaziuns a Corvara. La mostra é daverta fina ai 26 de forá, dal lönesc al mercui dales 10:00 ales 12:00 y dales 16:00 ales 19:00; dala jöbia ala domënia dales 16:00 ales 19:00.

Televijion

Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
21.02.
Pizes dla Ladinia – Piz da Peres cun la ciantarina Sandra Troi
Dales 20:50 ca. Program de Manfred Stuffer y Hanspeter Karbon, a cura de Alessandro Dapunt.
22.02.
La legrëza à sëura i schi
Dales 20:50 ca. Maestri de schi te Südtirol zacan y aldi­dancuei. Program de E.Kostner y T.Hainz, a cura de Leo Senoner.
23.02.
Euro trasmisciun d’economia
Dales 20:50 ca. Program de Diego Clara y Hartmann Mair­­hofer, a cura de Leo Senoner.

Radio

Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
22.02.
Le cënder y le scumencé de Carsëma
Dales 13:45 – 14:00. Modera­ziun: Alessandro Dapunt.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
17.02.
Leo Holzknecht – N secunt à mudà si vita
Dales 19:05. L ie stat trëi ie­desc campion talian de hockey cun l HC Gherdëina, tla categuria Under 14, Under 16 y Under 18. Ma n bel di da surëdl sun la costa Adria­tica à mudà la vita dl jëunn de Urtijëi. Sautan ju da na berca tl’ega dl mer se à Leo fat mel che l à sfurzà daldò a resté tl stuel a rodes. Si destin ie deventà la partita plu ria dla vita, ma che Leo ti va ncontra cun truep otimism y sarëinità. Trasmiscion de Stefano Zanotti.
18.02.
Momënc de vita – intervista a Annamaria Fiung
Dales 19:05. Annamaria Fiung é nasciüda y chersciüda sö a Longega, olache ara á ince fat la scora elementara, dedô ára fat la scora mesana a Bor­nech y spo éra jüda a Maran a fá la scora alta, deache ara orô gní maestra. Anna­maria á insigné dantadöt tla scora elementara a La Val y ara á tres ince dediché tröp de so tëmp lëde al volonariat. Anna­maria nes cunta de sciöche ara á metü man da daidé i atri y de sü iadi fora­decá, dantadöt tl’Africa. N program de Erika Castlunger.
22.02.
Noscia storia tres èrc e massarìes: l Stont
Dales 19:05. Erc’ e massarìes da zacan deida a entenèr la storia e la vita de nes aves. L Stont da Ciampedel fat su tel 1905 ne conta di scizeres che jà dant de la Gran Vera alò i emparèa a sbarer. Chel Stont l é l soul restà te Fascia e dal 2018 l fesc pèrt de la sezions del Museo Ladin de Fascia. L é vegnù dedicà a Antonio Rizzi comandant di scizeres de Fascia, tel 1809 a cef de 10 compagnies. En rejonon con Anelise Vian, program de Anna Mazzel.
23.02.
Este pa tö contënt de tüa vita?
Dales 19:05. Nosta sozieté se met düc sot a tröpa presciun. Bele da pici insö gnunse tres indo mosorá y valutá y gion o ingert rovunse en tröc tla tenora dl stress. Le business coach Paul Felix Rigo, acom­pagnëia porsones che röia pro so lim, de vers dla descorida de deplü contentëza sön le laur y ta vita personala. N program de Sara Frenner.

Chino

Atualmenter
Al chino de Cianacei
Anché, vender ai 17 de firé da les 17:00 se pel veder »Gli spiriti dell’isola« e da les 21:15 »Ant-Man and the Wasp: Quantumania«; en sabeda ai 18 da les 17:00 »Asterix e Obelix-Il regno di mezzo«.

Sport

23.02.
HC Gherdëina vs. Fassa Falcons
L HC Gherdëina nvieia duc a unì a ti cialé ala partida de Alps Hockey League contra i Fassa Falcons, n juebia ai 23.02. dala 20:30 tl stadio Pranives te Sëlva.

Temp Lede

Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Informaziuns y materiai da pié ia ciafon tl ofize turistich da La Val.
Atualmenter
Carnascèr sui festii a Vich
Fin ai 21 de firé fora per l paisc de Vich e sia frazions se pel veder sui festii la unesc ciasetes fornides su da Carna­scèr dai privac, scoles e socia­zions de volontariat. Ogne vender da les 17:00 se pel fèr na raida col compa­gnador de teritorie Andrea Vian. Per tor pèrt iscrizions al 335 7479965.
19.02.
»Carnival Cup« a Badia
En domënia ai 19 de forá dales 14:00 vëgnel tigní a Badia la »Carnival Cup«: la gara en mascora jödapé dla pista da La Crusc. Düc é inviá da tó pert cun val’ meso de trasport particolar.
19.02.
Carnascèr a Ciampedel
Ai 19 de firé a Ciampedel con scomenz da les 14.30 vegn endrezà la defilèda con la mèscres. Festa te Piaz Veie con la musega de la Spritz Band e da magnèr fin da scur.
20.02.
Face painting per mutons:ans
La Lia dl Turism de Santa Cristina mët a jì n domesdì per mutons y mutans, ntan chël che l unirà depënt i musc cun de biei mutifs da Carne­scià. N se anconta dan l ufize dla Lia dl Turism ai 20.02. dala 14:00 nchin la 16:00.
20.02.
Skishow da Carnescià dla Scola de Schi y Snowboard 2000
Sun l purtoi Frëina (Ciampi­nëi) uniràl fat na bela desmu­strazion sun i schi y sun l snowboard, ai 20.02. dala 21:30 inant.
20.02.
Mujiga, vin y Carnescià!
»Wein ist mein ganzes Herz« ie l titul la sëira de mujiga y dl ciarcë vins, che vën metuda a jì tl Tublà da Nives te Sëlva, n lunesc de Carnescià, dala 20:00 inant. Christina Lasta y Toni Taschler nes lijerà dant de teles da rì n inuem dla pascion per l vin ntan che i:la musizisć:tes Helga Planken­steiner (saxofonn) y Michael Lösch (tlavier) depënj la sëira cun ciantes nueves y vedles dla bona ueia. Per se lascé nuté su: 3337166471 (nce WhatsApp) o scrijan a info@tubladanives.it . La ntreda costa 30 euro. Unide duc n mascra.
20.02.
Carnascèr sun Aloch
L Comitat manifestazions de Poza endreza na festa de Carnascèr en lunesc ai 20 de firé con scomenz da les 21:00 sun Aloch. I maestres de la scola de schi fèsc na fiacolata e i joegn del Ski College l freestyle show con musega e devertiment con dj Fufu.
21.02.
Carnascèr a Soraga
En mèrtesc ai 21 de firé l Grop de Folclor de Soraga endreza Carnascèr te Pra del Preve. Da les 20:30 vegn fat na picola mascherèda e da les 21:00 vegn brujà Carnascèr. Vegn dat fora liènes e vin cot.
21.02.
Defilèda de Carnascèr a Vich
En mèrtesc ai 21 de firé a Vich con scomenz da les 14.30 vegn endrezà la defilèda de Carnascèr con festa te Piaz Jan Batista Massar e te Piaz de Vich.
21.02.
Olimpiades da Carnescià per mutons:ans
La Lia dl Turism de Sëlva mët a jì, deberieda al VKE, n domesdì de juesc per mutons:ans ai 21.02. dala 14:00 inant sun Pra da Nives te Sëlva. Unide n mascra. Uni mut:a che fej pea giaperà na bela scincunda. N ne muessa nia se nuté su.
21.02.
Carnescià cun i schi
Sun l purtoi da Palmer a Urti­jëi vëniel metù a jì n domesdì da jì cun i schi n mascra, n merdi de Carnescià, ai 21.02. dala 14:00 nchin la 16:00. La plu bela mascres unirà premie­des. Dutes y duc ie nviei de cuer.
21.02.
Skishow da Carnescià dla Scola de Schi y Snowboard Saslong
Sun l purtoi da Palmer a Urti­jëi uniràl fat na bela desmu­strazion sun i schi y sun l snow­board, ai 21.02. dala 21:00 inant. Duc:tes sarà n mascra y l sarà n priesc dl publich per la plu bela.
21.02.
Carnescià: depënjer l mus
Tla biblioteca San Durich a Urtijëi vëniel depënt l mus ai mutons y ala mutans, n merdi ai 21.02. dala 09:30 nchin la 11:00.
21.02
Ultima Mascherèda ta Penìa
L Grop de la Mèscres de Dèlba e Penìa met dant l’ultima mascherèda de chest an per l temp da carnascèr: en mèrtesc de Carnascèr ai 21 de firé te la veia scoles de Penìa da les 20:30 se podarà veder »La batola de bèrba Simon« de Stefen Dell’Antonio Monech.
21.02.
Nöt dla liösa – ediziun da Carnescé
La pista dla liösa »Foram« a San Ciascian vëgn ilominada ai 21 de forá da sëra, por jí cun la liösa. Al sará na ediziun speziala olache düc é inviá da tó pert en mascora. L’implant »Piz Sorega« sará davert dales 19:30 ales 22:30 y an pó s’impresté les liöses sides te paisc che sön Piz Sorega. Che che incunta la olp sön liösa, pó davagné na picera scincun­da.
21.02.
San Ciascian: domisdé te paisc
Tl zënter da San Ciascian él valgügn eserzizi dl post che dá fora vigni mertesc domisdé val’ da bëre y da mangé. Al ne mancia nia musiga dal ví, dales 16:00 ales 19:00.
21.02.
Defilada da Carnescé a Corvara
En mertesc ai 21 de forá dales 14:30 él na festa cun defilada de mascores, jödapé dla pista »Col Alt« a Corvara. Al ne mancia nia n spetacul acroba­tich cun le »Pirates Freestyle Team«. Na juria premiará la mascora plü bela y originala. I mituns pó ince se lascé depënje sö le müs. Al gnará dé fora val’ da mangé y da bëre.
21.02.
Festa da Carnescé a La Ila
En mertesc ai 21 de forá dales 14:30 inant, tl zënter da La Ila dlungia la scora de schi. Al sará animaziun cun jüc y musiga. I mituns pó se lascé depënje sö le müs y se gode n bun crafun da carlascé y val’ da bëre, che vëgn dé fora dai jogn dl paisc.
22.02.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
22. y 23.02.
Nos Ladins cun Julia y René
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. Ai 22 de forá dales 17:00 pón imparé co che al vëgn arjigné ca les pistes dai schi, cun Julia a Calfosch. Ai 23 de forá pón se fá na roda cui schi adöm cun René, pian ia da San Ciascian. Infos y prenotaziuns ti ofizi turistics dl’Alta Badia o sön www.altabadia.org
23.02.
Spetacul dla scora de schi
La scora de schi da San Ciascian mët a jí n spetacul sön la nëi, sön la pista »Piz Sorega A« a San Ciascian, en jöbia ai 23.02. dales 21:00. Al sará i maestri de schi, sciöche ince le grup »Pirates Freestyle Team« che porta dant de vigni sort de esibi­ziuns.
23.02.
Descurí le monn dl biatlon
En jöbia ai 23 de forá án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
23.02.
Bun de Gran Risa
En jöbia ai 23 de forá vëgnel tigní a La Ila le pröm apunta­mënt de »Bun de Gran Risa«. Te chësta ocajiun pón jí cui schi sön la Gran Risa bele dales 6:55 da doman, adöm cun i maestri de schi, y porvé da gní jö por n percurs de gigant, sciöche pro na gara de Copa dl monn. Dedô pón se gode n bun gosté tla ütia »Club Moritzino«. Prenota­ziuns sön www.altabadia.org o ti ofizi turistics.

Religion

18.02.
Jesus Kids & Teens
N sada ai 18.02. ie duc i mutons y la mutans dla scola mesana y chëi dal terzo ann de elementera inant nviei a n domesdì de workshops, adurazions y aurela curta cun devertimënt y muvimënt, per viver deberieda l crëidum. N se anconta dala 16:00 te calonia de Sëlva.

Referac

22.02.
Canche n à l tisl: co acumpanië y varì
L referat cun la dut.ssa Elisa­beth Delago, Karin Planker, Heidi Insam y Linda Faconti, ulache l unirà rujenà de omeo­patia, mesuns per varì naturei y prim aiut emuziunel ai mutons y ala mutans, sarà n mierculdi ai 22 de fauré dala 20:00 tla sala dla Nëus Jëuni Gherdëina Saut a Urtijëi.

Iadi y Jites
19.02.
Jita per families: cun la luesa sun la Prantner Alm
La grupa »Nëus Granc y Pitli« mët a jì na jita cun la luesa tl raion de Sterzing, n dumënia ai 19 de fauré. N se anconta dala 09:30 sun la plaza dai auti japé dl purtoi, per pië su deberieda y ruvé do 1-2 ëura sa la Prantner Alm. Per la marënda possa uniun:a fé coche l ti sà saurì, maië zeche ora de flucion o tla utia. Per se nuté su y per nfurmazions: Marion al  333 6048572 (domesdì).

Avisc

Atualmenter
Selezion per assistenc aministratives te Fascia
L Comun General de Fascia met a jir na selezion publica per fèr na graduatoria de assistenc aministratives da poder tor su. I enteressé cogn fèr domana de amiscion a la selezion dant da les 12 de en lunesc ai 6 de mèrz del 2023. Duta la informazions é sul sit: www.comungeneralde fascia.tn.it.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
La dreta regoeta desfe­renzièda ence per i ghesć
Per didèr i ghesć ti cartieres a fèr la regoeta del refudam coche carenea l é a la leta info e kit sorii te desvalives lengac che se pel desćiarièr dal sit https://fassambiente.it/kit/. Se pel ence domanèr te Ofize Ambient del Comun General de Fascia (ambiente@cgf.tn.it–0462 764500) e ti Ofizies tribuc de duc i Comuns de Fascia.
Atualmenter
Sescions forestales te Fascia
L é temp de Sescions foresta­les: do la scontrèda ai 14 de firé da les 9:00 te Comun de Cianacei, en mèrtesc ai 21 de firé da les 10:00 la sarà a Moena te Comun e ai 23 de firé con 3 apuntamenc: da les 8:30 a Soraga, da les 11:00 a Mazin e da les 14:30 a Sèn Jan per l Comun e la 3 Frazions.
Atualmënter
Iscrizions Spring Race
N sada ai 25.03. saràl inò la garejeda cun juesc da Secëda ju nchin a Urtijëi. La iscrizions ie daviertes nchin ai 19 de fauré, sot a https://docs.google.com/forms/. L puderà fé pea 50 grupes, for da 6 persones, che giaperà pona uniuna n:a maester:ra de schi. Nchin ai 1. de merz uniràl trat ora la grupes che possa fé pea y chëstes unirà pona cuntatedes.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Marcià de roba durèda
Va inant enscin en mèrtesc ai 28 de firé te Oratorie de Poza l marcià de roba durèda. Se pel portèr roba durèda neta e amò bona o jir a se chierir fora zeche te chisc oraries: de mèrtesc e mercol da les 14:30 a les 17:30 e de jebia e vender da les 20:00 a les 22:00. Chel che vegn ite va per scomenzadives de solidarietà de la parochia.
Atualmenter
Selezion per assistenc sozièi te Fascia
L Comun General de Fascia met a jir na selezion publica per fèr na graduatoria de assistenc sozièi da poder tor su. I enteressé cogn esser scric ite tel albo profescionèl di assistenc sozièi e fèr domana de amiscion a la selezion dant da les 12 de en lunesc ai 20 de firé 2023. Duta la informa­zions é sul sit del CGF: www.comungeneral defascia.tn.it.
Atualmenter
Regoeta bonaman per teremot Siria
L Grop Miscionarie Freina­demetz tol su bonamans per la popolazion de la Siria vitima del teremot. Chel che vegn su sarà destinà ai maores besegnes travers la Custodia di Terra Santa reta dal fran­cescan trentin P. Francesco Patton. Se pel manèr bona­mans sul cont del Grop con causala Vittime terremoto Siria. IBAN: IT85 V08140 35270 000004036649
26.02
Radunanza Coprativa Ciampedel
Do la radunanzes de l’autra Copratives de Fascia, ence la Coprativa de Ciampedel chiama ite si sozi per l’aproa­zion del bilanz e i etres adem­pi­menc, en domenia ai 26 de firé da les 15:00 te PalaDolo­mites a Ciampestrin.
27.02.
I dis de educazion politica ie dan porta
Ntan chisc dis ie urganisa­zions, lies y istituc de furma­zion, nviei a mëter a jì na manifestazion per la furma­zion politica. L argu­mënt de chëst ann ie »Te ti ciauzei«. Duc ie de cuer nviei a mandé ite si prupostes y ideies per e-mail a furmazion.gh@micura.it, nchin ai 27 de fauré.

Teater y Mujiga

17.02.
»Fanes«: incö cun coriera
Por la rapresentaziun dl teater musical nü de Anna Gschni­tzer y Music­banda Franui incö vëndres ai 17.02 a Balsan vá y vëgn n bus, da Bor­nech (tres Porse­nú y Tlüses). Start a Bor­nech: dales 18:00. Infos: andrea.malfertheiner@theater-bozen.it – tel. 0471 065330.

Galaria retrac