La Usc di Ladins

Multisport y Sportweek 2023: tosc vëgnel daurí les iscriziuns
Ince por chësc isté pita les sozietés sportives dl’Alta Badia edemes de sport y devertimënt por i mituns y les mitans dla elementara y dla mesana. Novité da iniann: Multisport döt le de
Por i mituns y les mitans dala 1. ala 5. elementara vëgnel organisé en chësc ann Multisport All Day, cater edemes de sport y devertimënt cun i referënc Davide Moling, Emanuel Gravino y Andreas Forer en colaboraziun cun alenadus de d’atres sozietés sportives. An pó ma se scrí ite a dötes cater les edemes, che é 10.07-14.07, 24.07-28.07, 07.08-11.08 y 21.08-26.08, dales 9:00 cina les 15.00 cun marëna. Les iscriziuns pëia ia ai 06.03 dales 8:00 y vá inant cina ai 12.03 online a chësc link https://forms.gle/UeBy9rg88 c914sxk8.
Sportweek por la mesana
Por i jogn y les jones dala 1. cina la 3. mesana vëgnel organisé trëi edemes fora por l’isté cun deplü ativités spor­tives. I referënc é Andreas Forer, Gabriel Crazzolara, Emanuel Gravino y Davide Moling. An pó chirí fora öna danter chëstes trëi edemes: 03.07-08.07, 17.07-22.07 y 31.07-05.08, lönesc, mercui y vëndres dales 8:30 ales 12.30 y mertesc, jöbia y sabeda dales 8:30 ales 16:00. Les iscriziuns pëia ia ai 06.03 dales 8:00 y vá inant cina ai 12.03 online a chësc link https://forms.gle/8ebKFBev LXAMH6nX7.

Generela y straurdinera dla Lia per Natura y Usanzes
N lunesc ai 27.02. dala 20:00 tla Cësa di Cungresc a Urtijëi. Ciun ie pa l daunì dla lia?
La Lia per Natura y Usanzes nvieia cumëmbri y cumëmbres, nteressei y nteressedes al’aduneda generela y straurdinera, n lunesc ai 27 de fauré dala 20:00 tla sala dla lies autite. tla Cësa di Cungresc a Urtijëi.
L unirà prejentà n curt l’atività dl ann passà. Gran mpurtanza ti uniràl dat a coche la jirà inant cun la lia. Dutes y duc ie de cuer nviei:des a chësta sëira.

»In between live!«
La Lia Mostra d’Ert-Circolo nvieia al cunzert dla grupa »In between«

• 
•  

View the embedded image gallery online at:
https://www.lausc.it/manifestazions-y-evenc/22648-manifestazions-atuales-speziales#sigProIdcb25826490

n duman sada ai 18 de fauré dala 20:30 te si sala dla mostres a Urtijëi
La grupa »In between«, metuda adum da Linda Rungger (cian­ta­rina), Alejandro Degasperi (chitara eletrica), Julian Delago (bas), Martin Holz­knecht (bateria) y Kevin Mauroner (tla­vier), nvieia a n cun­zert de mujiga rock y pop. Dan y do che la band à sunà meterà DJ Maxi su mujiga.
Per la ntreda vëniel damandà na dunfierta liedia.

»Da stlupé dal rì«
La Lia Mostra d’Ert-Circolo nvieia de cuer ala prejentazion dl catalogh culturel »Da stlupé dal rì« n merdi ai 21 de fauré dala 18:00 te si sala a Urtijëi
L se trata dla prejentazion de na documentazion dl proiet »Da stlupé dal rì«, metù a jì da Lidia Ber­nardi y Gregor Prugger n cunlaurazion cun l Circolo, che fova unida a s’l dé ai 23 de lugio dl ann passà sa Pilat.
Chi che ova fat pea pea à abù l mesun de liejer dant pec o poejies, de cianté, suné o balé, de fé teater, cabaret o n skech curt, depënjer o fajan pea cun vel’ fotografia, dessëni, caricatura, pec ziplei – dut jiva bën, basta che l fossa da rì. Ntan la festa sa Pilat ova uniun pona cin’ menuc per prejenté si lëur.
La valutazion per premië l miëur lëur fova unida fata per l 50% dal publich y per i autri 50% da na giuria, metuda adum da David Lardschneider, Ruth Videsott y Ingrid Runggaldier.
Per documenté la mani­fe­stazion vëniel dat ora n catalogh cun scric y fotografies dl cuncors, che vën prejentà ai 21 de fauré tl Circolo a Urtijëi.

Dolomites Dirndl Ski Day
La manifestazion nueva per l’ëiles vën a s’l dé chëst ann per l prim iede, ai 08.03., n ucajion dl di mundiel dl’ëila
Gherdëina festejea l di mundiel dl’ëila ai 08.03. cun na manifestazion sportiva scialdi da rì: l prim slalom paralel dl’ëiles, ulache duta la partezipantes arà sëura l diendl. L possa fé pea ëiles te grupes da doi (surans, cumpanies, oma y muta) tl età danter 18 y 99 ani.
La garejeda vën fata sun Secëda, ju per l purtoi de Fermeda. N se anconta dala 09:30 dala utia Daniel, ulache n giaperà n aperitif. La garejeda, n slalom paralel saurì cun n juech al dado tl travert, scumencia dala 11:00. Sambën ne manceràl nia de bela mujiga cun DJ Simon. Dala 16:00 inant sunerà la grupa Volxrock pra la utia Val d’Anna, ulache l sarà nce la premiazion dala 17:00. L’ iscrizions vën tëutes su tla Lia dl Turism de Urtijëi, da paië iel 50€ (priej per doi persones cun na bela scincunda y na buanda dala utia Daniel). L possa se scrì ite al mascimo 40 scuadres. I »Charity Teams« possa fé pea paian n contribut d’iscrizion de 150€. Na pert dl’iscrizions y duta l cuntribut di »Charity Teams« vën duneda ala lia »Frauen helfen Frauen«, che ti juda a l’ëiles che à debujën.

Gnide al Carlascé d’Al Plan
Döta la jënt – cun o zënza maschera – é bel inviada da gní ala festa cun defilada por le de plü matorin dl ann. An s’incunta en mertesc ai 21 de forá a Al Plan de Mareo
Do dui agn de palsa sforzada, vëgnel en mertesc ai 21 de forá indô fat le Carlascé a Al Plan. La Cooperativa Turistica Al Plan/San Martin inviëia döta la jënt da gní alerch y sambëgn ince da fá para pro la gran defilada, che pëia ia dales 14:00 tla plaza dan la Cooperativa Turistica (ex nodadoia curida). Ara se desfirará spo cina sö da paiun de paisc. Les iscriziuns vëgn tutes sö en chël de dales 12:00 ales 13:45, tl ofize dla Cooperativa. Al sará ince intratignimënt cun la Musiga d’Al Plan, la »Streetband Fancasin« y dedô pro la »Lilly Magic Show«. Por stlü jö gran final cun la premiaziun dles mascores.