Manifestazions atuales

Data

03 de merz 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla edizion dl 3 de merz 2023
Mostres y ert
Atualmënter
Mostra: »Estasa dl udëi«
La mostra culetiva “Estasi dl udëi” tla galaria Vijion a Puntives resterà davierta nchin ai 25 de merz, dal lunesc nchin la sada, 16:00- 19:00. L sarà da udëi opres di artisć y dla artistes Rabeah Mashinchi, Johannes Bauer, Hermann Nitsch, Cornelia Lochmann, Andrea M. Varesco, Thaddäus Salcher, Michael Grebner y Rinaudo Nahuel.
09.03.
Edmund Moroder tl Café Surëdl
La giaurida dla mostra »In memoriam« de Edmund Moroder tl Café Surëdl a Uritjëi sarà n juebia ai 9 de fauré dala 11:00. La mostra sarà da udëi nchin ai 16.04. de lunesc nchin juebia dala 09:00 nchin la 19:00.
11.03.
Mostra de fotografies de Gustav Willeit
L artist da Corvara prejënta si lëures te na mostra fotografica tl Tublà da Nives te Sëlva. La giaurida sarà ai 11.03. dala 19:30. La mostra resterà da udëi nchin ai 08.04., uni di ora che l lunesc, dala 15:00 nchin la 18:00.

Avisc

Atualmënter
Iscriziuns ala scora de musiga por l’ann ann de scora 2023/2024–online
Les scores de musiga todësces y ladines deura les iscriziuns por le proscim ann de scora dal 01.03. ai 31.03.2023. Les iscriziuns vëgn fates ince chësc ann online, tres le sorvisc dl’aministraziun provinziala »myCivis« https://civis.bz.it/einschreibung-musikschule. L’azes al sorvisc vá tres SPID, CIE (cherta d’identité eletronica) o cun la Cherta di sorvisc ativada. Infos sön www.musikschule.it .
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauenhelfenfrauenbruneck.it
Atualmënter
Iniziativa di ëi de Puster–MIP
L’ofize dla MIP– dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Selezion per assistenc aministratives te Fascia
L Comun General de Fascia met a jir na selezion publica per fèr na graduatoria de assistenc aministratives da poder tor su. I enteressé cogn fèr domana de amiscion a la selezion dant da les 12 de en lunesc ai 6 de mèrz del 2023. Duta la informazions é sul sit: comungeneraldefascia.tn.it.
Atualmenter
Ejames de ladin
L Comun General de Fascia met a jir na sescion de ejames de ladin per duc i livie dal A2 al C1. L termin per la iscrizions va fora ai 24 de mèrz, la domana cogn esser consegnèda tel Ofize Servijes Linguistics del CGF o manèda per posta racomanèda col rezepis de paament. Duta la informazions sul sit: www.comungeneraldefascia.tn.it.
Atualmenter
Jeghes da n’outa te Museo de Fascia
La Majon di Fascegn endreza n projet sui jeghes da zacan. Duc chi che à jeghes da n’outa de ogn e sort, o ence retrac o recorc che pel didèr a meter ensema i toc de chesta storia maraveousa, i é envié a chiamèr ite l Museo Ladin al numer 0462 760182.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
06.-09.03.
Sakl: iscrizions
L proiet per l instà Sakl, per mutons y mutans dl 2008-2011, vën metù a jÌ dala Nëus Jëuni Gherdëina, dai 03.07. nchin ai 31.08. L orar depënd da ena a ena. La iscrizions possa unì fates tres mail, a Urtijëi ai 08.03., a Runcadic ai 09.03., a S. Cristina ai 07.03. y te Sëlva ai 06.03., for dala 07:00 inant. Nfurmazions plu avisa sun www.njg.it.
07.03.
Instà tl Bosch: iscrizions
L proiet per l instà Instà tl Bosch, per mutons y mutans dl 2016-2020, vën metù a jì dala Scolina tl Bosch, dai 10.07. nchin ai 06.08. dala 07:45-12:30. 
La iscrizions possa unì fates tres mail ai 07.03. Nfurmazions plu avisa sun www.canalescuola.it
08.03.
Festa de la femena te Museo
En mercol ai 8 de mèrz da les 17:30 te Museo Ladin de Fascia vegn prejentà la neva linea Redo upcycling de tasces, prossaches, sciatui e portalapijes coi banner del concors »L segnaliber che volesse« metuda fora coi prodoc locai del projet »Alimentare Cultura«.
19.04.
Instà Vif–iscrizions
L proiet per l instà Instà Vif, per mutons y mutans dl 2009–2016, vën metù a ji dai Chemuns de Gherdëina cun cin’ lies (c. articul a pl. 20), dai 26.06. nchin ai 25.08. dala 08:30-12:30 o dala 13:30-17:30. La iscrizions possa unì fates pra uni lia ai 19.04. dala 07:30 inant. Nfurmazions plu avisa sun www.chemun.urtijei.bz.it
27.-29.03.
Pavël: iscrizions
L proiet per l instà Pavël, per mutons y mutans dl 2012–2019, vën metù a ji dal VKE deberieda ai Chemuns, dai 03.07. nchin ai 18.08. dala 07:30–14:30 y un n di nchin la 15:30. La iscrizions possa unì fates tres l portal VKE dai 27.03 nchin ai 29.03. dala 07:00 inant. Nfurmazions plu avisa scrijan a matada@vke.it.

Apoteches

Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 03.03. nchin n vënderdi ai 10.03. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L’apoteca en sorvisc fora dl orar ordinar, dal vëndres ai 3 de merz dales 19:00 al vëndres ai 10 de merz ales 19:00, é chëra da Corvara, tel. 0471 830237.

Dotor

Dutor Gherdëina
L dutor de servisc da n sada ai 04.03. dala 08:00 daduman nchin la 08:00 daduman de n lunesc ai 06.03. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Le dotur en sorvisc tla fin dl’edema di 4 y 5 de merz, ti comuns de Badia, Corvara y La Val, é le dotur Alberto Caretta, Badia, tel. 0471 839706 o 380 3161999. Ti comuns de Mareo y San Martin él en sorvisc la doturia Margarete Mahlknecht, La Val, tel. 349 0667034 o 0474 523018.

Chino

08.03.
Chino–Special tla biblioteca San Durich
N ucajion dl di nternaziunel dl’ëila nvieia la biblioteca San Durich a Urtijëi a na sëira de chino, ai 08.03. dala 20:00. L unirà mustrà n film per tudësch.
Atualmenter
Al chino de Cianacei
Anché, vender ai 3 de mèrz, sabeda ai 4, domenia ai 5 e jebia ai 9 da les 21:15 l é »The quiet girl«; domenia ai 5 da les 17:00 l é »Argonuts-Missione Olimpo«, mèrtesc ai 7 da les 21:15 l é »Non così vicino« e vender ai 10 da les 17:00 l é »Mummie-A spasso nel tempo« e da les 21:15 l é »Le otto montagne«.
Atualmenter
Al chino de Tieser
Anché, vender ai 3 de mèrz da les 21:15 l é »Tar« che vegn dat ence en mercol ai 8 de mèrz semper da les 21:15; sabeda ai 4 da les 21:15, domenia ai 5 da les 20:30 e vender ai 10 da les 21:15 l é »Non così vicino«, en jebia ai 9 da les 21:15 per »Il piacere del cinema« vegn dat l film »Il primo giorno della mia vita«.

Sport

10-12.03.
Scufoneda
Dai 10 ai 12 de mèrz i Scufon del Cogo endreza la 26^ edizion de la Scufoneda con raides, escurscions, momenc de festa e la neva de chest an che sarà la schièda sul portoi Zirmes e la fradaa coi cheghes de la Valtellina.

Cursc

13.03.
Curs de ginastica dai 60 ani insù
L KVW Urtijëi mët a ji n curs de pilates per chëi:les sëura i 60 ani. L se trata de ginastica lesiera per renfurzé corp y musculatura. L curs mët man ai 13.03. y va inant per 8 sëires, for de lunesc dala 19:30 nchin la 20:30. La iscrizions vën tëutes su tla Butëiga dl Mond a Urtijëi dai 6 de merz inant. L priesc ie de 60,00 euro.

Musiga

Atualmenter
Stories, mic e lejendes en musega
La Musega de Poza aur ofizialmenter i festejamenc per si 90 egn de vita con n conzert en domenia ai 5 de mèrz da les 4 domesdì te tendon de Poza. Ghesta de onor sarà la Banda Sinfonica Giovanile del Trentin, che tol ite joegn musizisć de duta la Bandes de la Federazion Trentina.
Atualmenter
Dolomiti Ski Jazz
Fin ai 12 de mèrz vegn endrezà l 25° Dolomiti Ski Jazz con desvalives conzerc sa mont e ti paijes de musega jazz, funk e black music. En domenia ai 5 de mèrz te Museo Ladin de Fascia da les 21:00 l é l conzert de Jeanruaz Group con Jean Daniel Granruaz, Francesco Dallago e Loris Dallago.
08.03
Conzert per la eles
En mercol ai 8 de mèrz te Chino de Cianacei da les 20:30 vegn endrezà n conzert de e per la eles, con la artistes Silvia Leonetti, Elena Favè, Damiana Dellantonio, Samantha Pederiva e la ciantarines Mery e Melany Locatin e Sabrina Calligari.
Religion
11.03.
Badia: preparaziun dl Bato
I geniturs che á n viadú da batié, pers che aspeta, toc y totes dl Decanat Val Badia, é bel inviá ala preparaziun dl Bato, en sabeda ai 11 de merz dales 15:00 ales 17:00, tla Ciasa J.B. Runcher a Badia. Dedô pice renfrësch arjigné ca dala Uniun dles Ëres de Badia. Prenotaziuns al 334 3200396.
03. – 05.03.
De mondial de oraziun por les ëres
Ince les uniuns dles ëres dl Decanat Val Badia recorda te de plü funziuns le de mondial de oraziun por les ëres, che mët iniann l’azënt sön les ëres dl Taiwan. Les funziuns é dagnora te dlijia. Do che ares é stades inier a La Val y Lungiarü, éseres incö ai 03.03. dales 7:30 a San Ciascian, dales 14:00 a La Pli, dales 16:00 a Corvara, dales 18:00 a Badia y La Ila; ai 04.03. dales 18:00 a Al Plan y dales 19:30 a San Martin; ai 05.03. dales 8:15 a Antermëia y Rina.

Sozieles
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Atualmënter
Contribuc »Cörs dla Val Badia«
Porsones/Families dla Val Badia á la poscibilité da damané do contribuc finanziars por cunc/fatures de bojëgns primars (scialdé, forza eletrica, afit, spëises sanitares, etc.) Le formular por fá domanda ciafon sön www.solidariete.it, an pó ince fá domanda ti ofizi KVW de Badia y Al Plan. Infos: info@solidariete.it
10.03.
Deberieda: raida a Persenon
N se anconta dan la Cësa de Paussa dala 14:00 per pië su a Persenon a se fé na pitla raida. N sarà de reviers ntëur la 17:30. La grupa Deberieda ie na grupa cun ulenteres, per se ancunté danter persones che à problems psichics o de sozialisazion.
Atualmënter
Solidarieté por medefüch
Al 31.01. él vardü jö a Mühlwald la majun dl Lärcheggerhof de Holzer Ferdinand, che á ince lauré tröc agn a Corvara, sciöche paur dl lüch de Alfred Pescosta dl Pifania. Tl medefüch ál pordü so avëi y süa esistënza vëgn metüda dassënn ala proa. Al vëgn coiü adöm spënores por le daidé mëte man danü. Chëstes pón fá söl cunt dla Cassa Raiffeisen da Türesc, IBAN IT 12C08 2855 8270000 30422 4001.

Teater

Atualmënter
Lysistrata–n teater da ri a Persenon
La lia »Theater am Vinzentinum« nvieia a n teater dla tlasses de maduranza dl 2023, tl Vinzentinum a Persenon. La reprejentazions sarà ai 04.03. dala 20:00, ai 05.03. dala 18:00, ai 09.03. dala 20:00, ai 11.03. dala 20:00, ai 12.03. dala 18:00, ai 17.03. dala 20:00, ai 18.03. dala 20:00 y ai 19.03 dala 14:00. Chertes danora: theater@vinzentinum.it o cherdan su l 376 0294616.

Televijion y radio

Mertesc, ai 7 de merz dales 20:50 ca
Pizes dla Ladinia vita y storia: Costauta, Cianazei y Calcuch
Program de Erika Castlunger y Hanspeter Karbon, a cura de Alessandro Dapunt
Mercui, ai 8 de  merz dales 20:50 ca
DF: la eles zipièa e les zipia amò
Duc cognoscion la grana tradizion del zipièr te Gherdëina, chel che aboncont no se é vegnui a saer tel temp l é che l é stat na gran lingia de eles che à emparà enscin da picoles a zipièr per didèr fora la familia. 
Te chesta puntata duta al femminin jon a descorir zeche de più su n auter toch de storia da pech descorì. Program de Cinzia Pistoia, a cura de Anna Mazzel.
Juebia, ai 9 de merz dales 20:50 ca
Nosta scola
Program de lena Mulser y Hanspeter Karbon, a cura de Alessandro Dapunt
LADINIA LIVE:
microfons davierc sun atualità y cultura. Da aldí vigni mertesc y mercui da les 13:45 ales 14:00
Mertesc, ai 7 de merz dales 13:45 – 14:00
Alimentazion te scola
L moment de la marena te scola l é n moment educatif che à l’oboietif de fèr educaizon alimentèra e, avisa per ensegnèr ai scolees la valuta de na alimentazion sèna, l Comun General de Fascia l’à portà dant na lingia de scontrèdes coi bec de pruma e seconda populèra su chest tem. N rejonon col referent del C.G.F. per l servije de la menses Devi Brunel. Conduzion Cinzia Pistoia
La trasmiscion “DAI CRËPS DL SELA”
ie da audì uni di dala 19:05 ala 19:30 sun la frecuënzes de RAI LADINIA
Sabeda, ai 3 de merz dales 19:05
Momënc de vita – intervista a Chiara Sommavilla
Chiara Sommavilla é nasciüda y chersciüda sö a Col de Santa Lizia, ara á fat la scora mesana y la scora alta a Trënt. Chiara á lauré tröc agn te scora y ara á ince albü por n valgügn agn na botëga de libri a Cence­nighe. Chiara nes cunta de so interes por capí damí l’umanité, por trá fora le miú dales porsones, por aprijé le monn  che i un incëria y vire damí.  N program de Erika Castlunger
Mercui, ai 8 de merz dales 19:05
Noscia storia tres èrc e massarìes: l Ola benedida
Tel 2007 na delegazion de fascegn con a cef Luigi Chiocchetti enlouta assessor regionèl a la mendranzes é jita te la cortina de vera de Hijcze te l Ucraina (enlouta Galizia), a tor su n pugn de tera de chel sagrà benedì e i la portèda a Vich te na picola Ola per recorder e onorer i tropes fascegn morc alò endena la Gran Vera. En rejonon con Anelise Vian, program de Anna Mazzel
Juebia, ai 9 de merz dales 19:05
I corusc neutrai o particolars
I corusc baia, ai comunichëia tl’ert, insciö sciöche ince tla liturgia y tla psicologia. Te chësc program ti ciarunse tl menü a corusc sicöche le blanch, le fosch, l’arjënt y l’or. La usc de esperc ti ciamps dla psicologia, dl’ert y dla dlijia nes cunta di significac y di simboi che se ascogn te chisc corusc. Program de Sara Frenner.

Temp lede

Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëmber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
06.03.
Skishow dla Scola de Schi & Snowboard de Sëlva
La Scola de Schi & Snowboard de Sëlva nvieia a na prejentazion sun i schi n lunesc ai 6 de merz sun l purtoi de Ciampinëi, sun ëur da Frëina. La show scumëncia dala 21:30. Duc ie de cuer nviei.
06.03.
Spetacul söi schi a Calfosch
En lönesc ai 6 de merz dales 21:00 él la scora dai schi da Calfosch che mët a jí n spetacul sön la nëi, sön la pista »Colfosco«. I maestri de schi y brëia portará dant esibiziuns, ince cun la roda y le parapënn. Al ne manciará nia le »Pirates Freestyle Team«.
07.03.
San Ciascian: domisdé te paisc
Tl zënter da San Ciascian él valgügn eserzizi dl post che dá fora vigni mertesc domisdé val’ da bëre y da mangé. Al ne mancia nia musiga dal ví, dales 16:00 ales 19:00.
08.03.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
08.03.
Dolomites Dirndl Ski Day
Gherdëina festejea l di mundiel dl’ëila ai 08.03. cun na manifestazion sportiva sun Secëda: l Dolomites Dirndl Ski Day. L’iscrizions vën tëutes su tla Lia dl Turism de Urtijëi, da paië iel 50€.
08. y 09.03.
Nos Ladins cun Norbert y Hubert
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. ai 8 de merz dales 18:30 pón imparé cun Norbert a La Ila sciöche al vëgn arjigné ca n per de schi; ai 9 de merz dales 9:00 pón jí a Calfosch a fá na escurjiun cun le verdaciacia Hubert, por descurí i tiers salvari.
09.08.
Fire, ice and sparking wine
La Scola de Schi & Snowboard de Urtijëi nvieia a chësta manifestazion sun l purtoi da Palmer via n Sureghes, ai 09.03. dala 19:00 inant.
09.03.
Descurí le monn dl biatlon
En jöbia ai 9 de merz án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
09.03.
Bun de Gran Risa
En jöbia ai 9 de merz vëgnel tigní a La Ila le proscim apuntamënt cun »Bun de Gran Risa«. Te chësta ocajiun pón jí cui schi sön la Gran Risa bele dales 6:55 da doman, adöm cun i maestri de schi, y porvé da gní jö por n percurs de gigant, sciöche pro na gara de Copa dl monn. Dedô pón se gode n bun gosté tla ütia »Club Moritzino«. Prenotaziuns sön www.altabadia.org o ti ofizi turistics.

Galaria retrac