La Usc di Ladins

Dotours
Dutor Gherdëina
L dutor de servisc da n sada ai 18.03. dala 08:00 daduman nchin la 08:00 daduman de n lunesc ai 20.03. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Le dotur en sorvisc tla fin dl’edema di 18 y 19 de merz, ti comuns de Badia, Corvara y La Val, é la doturia Lodovica Mattioni, La Ila, tel. 328 8590842. Ti comuns de Mareo y San Martin él en sorvisc la doturia Stefania Febbraro, Al Plan de Mareo, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 17.03. nchin n vënderdi ai 24.03. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 17 de merz dales 19:00 al vëndres ai 24 de merz ales 19:00, é chëra da San Martin/Picolin, tel. 0474 523020.

Leteratura
18.-19.03.
Neolatin. LitteraturA Nairs
Pra l festival de leteratura a Naris ti Grijuns lijerà Nadia Rungger de Puntives pra na ancunteda lirica deberieda a Dumenic Andry dala 17:00 y la tulerà pert ala descuscion sun palch ai 19.03. dala 11:00. Naris ne n’ie nia dalonc dal Südtirol – duc ie de cuer nviei.
21.03.
Liejer poejies
Ai 21.03. dala 20:30 saràl na letura te de plu rujenedes tla Dekadenz a Persenon, tl cheder dla mostra de Gerhard Kofler tla biblioteca de Per­senon. Danter i:la autëures iel nce Nadia Rungger de Puntives. Duc ie nviei de cuer.

Mujiga
18.03.
Conzert de la Musega de Moena
En sabeda ai 18 de mèrz da les 21:00 te teater de Navalge la Musega de Moena, sot la bacheta del maester Roberto Silvagni, endreza n conzert con la partezipazion de la ba­la­rines de Moena Ginna­stica de Fascia e Fiem e la co­reo­grafies de Angelica Iellici.
26.03.
Conzert dl »Vinzentiner Knabenchor«
En gaujiun di 150 agn dl Vin­zentinum y ince dl »Vinzen­tiner Knabenchor«, tëgn le cor sot la direziun de Andrea Tasser n conzert a Badia, en domënia ai 26 de merz dales 18:00, te dlijia de Badia. Entrada: spënora lëdia.

Referac
17.03.
Caji de emergënza tla vita da uni di
L KVW de Urtijëi/Runcadic nvieia a n referat cun l dutor Simon Kostner, ai 17 de merz dala 20:00 te calonia a Urtijëi. N jirà tres plu avisa la diesc emergënzes saniteres plu genereles tla vita da uni di y co ti vester.

Chino
Atualmenter
Al chino de Cianacei
Anché, vender ai 17 de mèrz da les 21:15 l é »Benedetta«, en program ence en sabeda ai 18 e en domenia ai 19 da la medema ora. Enveze anché da les 17:00 se pel veder »The quiet girl«. En mèrtesc ai 21 da les 17:00 l é en program »Mummie – A spasso nel tempo« e da les 21:15 »Le otto montagne«. En mercol ai 22 da les 21:15 sarà »L’ultima notte di amore« e en jebia ai 23 da les 21:15 »John Wick 4«.
17.03.
»Vampires te Gherdëina«
N ucajion dla Nuet longia dla biblioteches nvieia la biblioteca ladina Anda Malia da Cudan tla Cësa di Ladins a Urtijëi a na sëira de film, ncuei vën­derdi ai 17 de merz dala 20:30. Sun la piedies de Roman Polanski y si film »The Fearless Vampire Killers« sun Mont de Sëuc, uniràl mustrà n documenter de Matthias Höglinger.

Mostres y Ert
Atualmënter
Mostra: »Estasa dl udëi«
La mostra culetiva »Estasi dl udëi« tla galaria Vijion a Puntives resterà davierta nchin ai 25 de merz, dal lunesc nchin la sada danter la 16:00 y la 19:00. L sarà da udëi opres di artisć y dla artistes Rabeah Mashinchi, Johannes Bauer, Hermann Nitsch, Cornelia Lochmann, Andrea M. Varesco, Thaddäus Salcher, Michael Grebner y Rinaudo Nahuel.
Atualmënter
Cunflit: orden – caos. Na mostra culetiva
La mostra tl Circolo-Lia mostra d’Ert resterà davierta nchin ai 19 de merz, da merdi nchin dumënia, 17:00-19:00 y de vënderdi y sada, 10:00-12:00 y 17:00-19:00.
Atualmënter
Mostra de fotografies de Gustav Willeit
L artist da Corvara prejënta si lëures te na mostra foto­grafica tl Tublà da Nives te Sëlva. La mostra resterà da udëi nchin ai 08.04., uni di ora che l lunesc, dala 15:00 nchin la 18:00.

Temp Lede
Atualmënter
La Val: ala descurida dl paisc
Na ciacia al tesur particolara condüj chësc invern fora por le paisc da La Val. Da dezëm­ber cina ai 9 d’aurí pón tó pert ala spazirada interativa, olache le travert é da ciafé la parora de soluziun, chirin les lëtres tles staziuns desvalies fora por paisc. Infos y materiai da pié ia ciafon tl ofize turistich da La Val.
18.03.–26.03.
Rock the Dolomites
Set cunzerc tla uties ntëur Sëlva. N scumencerà n sada ai 18.03. dala 13:00 cun The Killbilly’s pra la utia Saslonch, n dumënia ai 19.03. dala 14:30 sunerà i The Jam’son pra la utia Ciampac. I cunzerc jirà pona inant nce via per l’ena nchin ai 26 de merz: Lucky17 ai 21.03. dala 16:00 pra la utia Pra Valentini, The Giggers ai 22.03. dala 15:00 pra la utia Panorama, Riccardo Inge ai 23.03. dala 14:30 pra la Dantercëpies Mountain Lounge, The Legendary Kid Combo ai 24.03. dala 16:30 pra l Après Ski Bar La Stua y i Temporaneamente ai 26.03. dala 13:00 pra l Salei.
17.03.
Sëira de juesc da mëisa
N ucajion dla Nuet longia dla biblioteches vëniel metù a ji na sëira de juesc da mëisa per pitli:es y granc:des, ncuei vënderdi ai 17 de merz dala 18:00 tla biblioteca Tresl Gruber a Santa Cristina.
17.-23.03.
Pitl Marcià da d’ansciuda a Urtijëi
L marcià vën a s’l dé da ncuei vënderdi inant nchin n juebia ai 23.03., for dala 15:00 nchin la 19:00, sun Pitla Plaza de Sant Antone. N giaperà d’uni sort de prudoc tipics y nce de bela decurazions da d‘ansciuda y ciofs.
19.03.
Roda dles saus
Cina en domënia ai 19 de merz pón ciamó ciarcé spezialités ladines te cin’ üties dl raiun dai schi da La Crusc a Badia. Pro les üties röion cun i schi o ince a pe. Infos sön www.altabadia.org
20.03.
Skishow dla trëi scoles de schi tradiziuneles de Gherdëina
La scoles de schi tradiziuneles de Urtijëi, Santa Cristina y Sëlva se mët adum per na pre­jentazion sun i schi y snow­board, sauc che tol l fla y na show de lumes spetaculera: ai 20.03. dala 21:30 inant sun l purtoi da Frëina – Ciampinëi te Sëlva.
21.03.
San Ciascian: domisdé te paisc
Tl zënter da San Ciascian él valgügn eserzizi dl post che dá fora vigni mertesc domisdé val’ da bëre y da mangé. Al ne mancia nia musiga dal ví, dales 16:00 ales 19:00.
21.03.
Sommelier sön pista
En mertesc ai 21 de merz vëgnel metü a jí na ediziun speziala de »Sommelier sön pista«. Te chësta ocajiun án la poscibilité da ciarcé 4 vins de Südtirol adöm cun n menü, te döes üties dl’Alta Badia. An pëia ia dales 12:00 y le grup de partezipanc vëgn acompagné da n maester de schi y n sommelier. Prenota­ziuns online o ti ofizi turistics dl’Alta Badia.
22.03.
La Ila: cun i schi da sëra
La pista »Doninz« a La Ila é daverta vigni mercui ince da sëra, dales 20:00 ales 22:00. An adora le schipas de plü dis.
22.03.
Nos Ladins cun Nikolas
Pro la iniziativa »Nos Ladins« pón descurí deplü sön le monn ladin y ince sön i mistiers de nosta jënt. En mercui ai 22 de merz dales 16:00 pón descurí co che al vëgn fat pan y d’atres duciaries, deboriada cun Nikolas a Corvara. Infos y prenotaziuns ti ofizi turistics dl’Alta Badia o sön www.altabadia.org.
23.03.
Descurí le monn dl biatlon
En jöbia ai 23 de merz án la poscibilité da imparé les regoles dl biatlon adöm cun n maester. An s’incunta dales 9:00 pro le zënter de paslunch a San Ciascian. Prenotaziuns y informaziuns ti ofizi turistics dl’Alta Badia o sön www.altabadia.org
25.03.
Spring Race Party
a Urtijëi
Do bën trëi ani de paussa pervia dla pandemia, vëniel inò a s’l dé l Spring Race y da dedò – domesdi via – sambën la Spring Race Party tl zënter de Urtijëi: DJ Ondy y DJ Simon meterà su de bela mujiga, bars, butëighes y restauranc festidierà per zeche de bon da maië y da bever. L devertimënt ie assegurà!
30.-31.03.
Lessicografia tradiziunela y digitela tl viver da uni di cun de plu rujenedes
Chësc l titul dl cunvëni n lecort de Luca Serianni, che unirà a s’l dé n juebia ai 30 y n vënderdi ai 31 de merz a Bulsan. Ntan l cunvëni, pensà nce per i jëuni y la jëunes, i studënc y la studëntes dla scoles autes, se dajeran ju cun atlanc linguistics, cun la ntegrazion danter la lessico­grafia y la gramatica, la digita­lisazion di dizioneres storics.

Sport
18.03.
Semifineles Hockey Seria C: HC Gherdëina II-HC Feltreghiaccio
L HC Gherdëina II nvieia de cuer ala partida de seria C contra l HC Feltreghiaccio, n sada ai 18.03. dala 20:30 tl stadio Pranives te Sëlva.
24.03.
Trofeo Tita e Marco
En vender ai 24 de mèrz Bela Ladinia endreza la 26^ edizion del »Trofeo Tita e Marco« averta a agonisć (a cobies) e a escurscionić (ence singoi) dal zenter de Vich fin sun Ciampedie. I escurscionisć pea via da les 18:00, i agonisć da les 20:00. Iscrizions su https://keepsporting.com.

Iadi y Jites
30.10.
Cures y palses a Abano Terme
Dai 16 ai 22 d’aurí vëgnel orga­nisé n iade cun le bus a Abano Terme. Al é da s’anun­zié anter le 1. d’aurí pro Monica Costa al 0474 590069 o le 348 9604485.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
21.03.
Natura e ambient: I comuns clima laora por n dagní sostenibl
Dales 20:50 ca. Bele tl 2011 á la provinzia de Balsan metü man da se dé jö cun aziuns de sostenibilité. Tres plü co­muns tol pert al proiet Comun Clima, n proiet a livel euro­peich, y se impegnëia por na maiú sostenibilité tl ciamp ambiental, mo ince te chël sozial y chël economich. Le bel de n proiet de chësta sort, respet a na lege che an é obliá da tigní ite, é che la jënt mostra entusiasm y colaborëia ion. Tröpa jënt á bele metü man da fá de pici y de gragn vari por ti jí adincuntra ala crisa climatica. La sensibilité por les chestiuns ambientales crësc, y chësc dá speranza y positivité. Mo al é da mëte man atira, deache l’ora podess bele ester do les 12. Program de Karin Pizzinini, a cura de Anna Mazzel.
22.03.
Nicoló Cusano al Ciastel d’Andrac
Dales 20:50 ca. Program de Giulia Tasser y Hanspeter Kar­bon, a cura de Leo Senoner.
23.03.
Slink – n saut tel mond digitèl
Dales 20:50 ca. Program de Cinzia Pistoia, a cura de Anna Mazzel.

Radio
Atualmënter
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
Atualmënter
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
22.03.
Alimentazion te scola
Dales 13:45. L moment de la marena te scola l é n moment educatif che à l’oboietif de fèr educaizon alimentèra e, avisa per ensegnèr ai scolees la valuta de na alimentazion sèna, l Comun General de Fascia l’à portà dant na lingia de scontrèdes coi bec de pruma e seconda populèra su chest tem. N rejonon col referent del C.G.F. per l servije de la menses Devi Brunel. Conduzion Cinzia Pistoia.
17.03.
Per suné y cianté ne tleca nia mé l talënt
Dales 19:05. Nchin ala fin de merz possen mo se scri ite ai cursc dla Scola de Mujiga de Gherdëina. Deberieda cun l diretëur Vinzenz Senoner rujenons sun la propostes de mparé a cianté y suné y sun la nuviteies che vën pitedes dala Scola de Mujiga. Ora­dechël analisons nce coche la stà cun l nteres a mparé a suné n strumënt do l tëmp dla pan­demia y sce l model dla scola de mujiga ie mo atuel. Tra­smiscion de Georg Mussner.
18.03.
Momënc de vita – intervista a Bruno Ghetta de Martin
Dales 19:05. Bruno Ghetta de Martin é nasciü a Vich de Fascia, olache al é chersciü sö y olache al vir ciamó al dedancö. Al é chersciü sö te na gran familia da paur y al instëss á fat le paur cina les 2006. Bruno Ghetta nes cunta dla vita da inlaota, de süa familia y dl laur da paur. N program de Erika Castlunger.
19.03.
Agorà – Karl Moser, i ani dla segonda gran viera tres i uedli de n pitl mut
Dales 19:05. Dla Segonda Gran Viera iel unì dit y scrit truep. Nce Gherdëina àla tucà, dantaldut tres la gran rëssa che la Opzion à purtà adalerch. Ma co à pa chëi che fova ntlëuta mo dalonc dala realtà di cunflic mundiei, i mëndri, giapà pea la viera Pra na ciaculeda cun Karl Moser dla Vila purvons a nrescì velch deplù sun la ntraunides dl cunflit, ma dal pont de ududa de n pitl mut, che dla viera giapova mé pea n valgun aspec y che purempò, do belau 80 ani, se lecorda mo de n valguna stories (prima pert). Trasmiscion de Ivan Senoner.
20.03.
Alex Trebo y la mujiga
Dales 19:05. Chël che da pitl fova n sëmi se à trasfurmà tla realtà de na prufescion y ie deventà si rejon de vita. L musizist de San Martin de Tor à pià l jòl tl mond dla mujiga, dalonc da cësa y sëura i cunfins dla Ladinia ora. Program de Leo Senoner.
22.03.
Noscia storia tres èrc e massarìes: pitores, scrigns e chieves
Dales 19:05. Depenjer ujes, armeres e scrigns l é semper stat n cust di pitores fascegn che se aea fat n inom ence foradecà recordon insnet i simboi, i colores e i viajes de chisc pitores. Apede a chest uzaron fora l segnificat di simboi e ence chel de la chieves. Program de Anna Mazzel e Anelise Vian.
23.03.
La efon Maria de Biei
Dales 19:05. Maria Irsara ê la efon a La Val y por contanc êl ince tröp deplü. Chësc program pita na storia de vita de na ëra de d’atri tëmps, na personalité amada y respetada. Program de Sara Frenner.

Avisc
Atualmenter
Ejames de ladin
L Comun General de Fascia met a jir na sescion de ejames de ladin per duc i livie dal A2 al C1. L termin per la iscri­zions va fora ai 24 de mèrz, la domana cogn esser conse­gnè­da tel Ofize Servijes Lin­guistics del CGF o manèda per posta racomanèda col rezepis de paament. Duta la informazions sul sit: www.comungeneraldefascia.tn.it.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 e de domenia da les 13:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmenter
Pigui Experience te Museo Ladin
Te Museo de Fascia a Sèn Jan se pel proèr l nef jech de realtà virtuèla per descorir n melaur ladin da salvèr. L é n »percors da eroes« per persones dai 9 ai 99 egn, se pel l fèr dal lunesc a la sabeda, da les 15:00 a les 19:00. L é da se prenotèr dal sit www.istladin.net o te Museo Ladin al 0462 760182.
Atualmënter
Iscriziuns ala scora de musiga por l’ann ann de scora 2023/2024 – online
Les scores de musiga todësces y ladines deura les iscriziuns por le proscim ann de scora dal 01.03. ai 31.03.2023. Les iscriziuns vëgn fates ince chësc ann online, tres le sorvisc dl’aministraziun provinziala »myCivis« https://civis.bz.it/einschreibung-musikschule. L’azes al sorvisc vá tres SPID, CIE (cherta d’identité eletro­nica) o cun la Cherta di sorvisc ativada. Infos sön www.musik schule.it .
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP – Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Jeghes da n’outa te Museo de Fascia
La Majon di Fascegn endreza n projet sui jeghes da zacan. Duc chi che à jeghes da n’outa de ogn e sort, o ence retrac o recorc che pel didèr a meter ensema i toc de chesta storia maraveousa, i é envié a chia­mèr ite l Museo Ladin al numer 0462 760182.
Atualmenter
Scontrèdes de la careisema
Ai 23, 24 e 25 de mèrz triduo de orazion per i 65 egn da preve de don Erminio e ai 30 da les 20:30 te gejia de Sèn Lorenz a Pera don Mattia Vanzo rejonarà de »Sacro­sanctum Concilium. La Cost­ituzione sulla sacra liturgia.«
19.03.
Radunanza de Artcipelago
En domenia ai 19 de mèrz da les 18:00 lo da la Speck Keller Ponte vecio de Pancià vegn chiamà ite la radunanza generèla de Artcipelago per prejentèr i projec del 2022, la scomenzadives en program per l 2023 e la nomina del nef diretif.
27.-29.03.
Pavël: iscrizions
L proiet per l instà Pavël, per mutons y mutans dl 2012–2019, vën metù a ji dal VKE deberieda ai Chemuns, dai 03.07. nchin ai 18.08. dala 07:30–14:30 y un n di nchin la 15:30. La iscrizions possa unì fates tres l portal VKE dai 27.03 nchin ai 29.03. dala 07:00 inant. Nfurmazions plu avisa scrijan a matada@vke.it.
19.04.
Instà Vif–iscrizions
L proiet per l instà Instà Vif, per mutons y mutans dl 2009–2016, vën metù a ji dai Chemuns de Gherdëina cun cin’ lies (c. articul a pl. 20), dai 26.06. nchin ai 25.08. dala 08:30-12:30 o dala 13:30-17:30. La iscrizions possa unì fates pra uni lia ai 19.04. dala 07:30 inant. Nfurmazions plu avisa sun www.chemun.urtijei.bz.it

Teater
Atualmënter
Lysistrata - n teater da ri a Persenon
La lia »Theater am Vinzen­tinum« nvieia a n teater dla tlasses de maduranza dl 2023, tl Vinzentinum a Persenon. La reprejentazions sarà ai ncuei, 17.03. dala 20:00, du­man ai 18.03. dala 20:00 y n dumënia ai 19.03 dala 14:00. Chertes danora: theater@vinzentinum.it o cherdan su l 376 0294616.

Religion
25.03.
Prozesciun di minis y dla schira jonila a Oies
I grups di ministranc y dles schires joniles dla Val Badia, adöm cun le grup dles families dla Unité Pastorala y le Sorvisc ai Jogn, organisëia en sabeda ai 25 de merz na prozesciun da San Linert a Oies, olache al gnará perié Les Staziuns, portades dant da mituns y mitans dla valada. An pëia ia dales 14:45 dan calonia da San Linert. Dales 16:00 él mëssa a Oies. Dedô aurela cörta y pice büfé.
27.03.-02.04.
Ena dla pistes
La Pluania de Urtijëi mët a jì n’ena dla pistes, dai 27 de merz nchin ai 2 de auril. Ntan chësta ena pòssen tò pert uni di ala santa mëssa dala 08:30, fé adurazion eucaristica, rujené cun i patri y se pisté. Da sëira saràl ancuntedes cun i patri te dlieja y tla families.

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).
24.03.
Deberieda: Jita ala mostra de »mejes y mestieres«
N se anconta n vënderdi ai 24.03. dala 14:00 dan la Cësa de Paussa. La grupa Deberieda ie na grupa cun ulenteres, per se ancunté danter persones che à problems psichics o de sozialisazion.