Manifestazions atuales speziales

Data

24 de merz 2023

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes tla ediziun dl 24 de merz 2023
Fitnesslandia d’aisciöda
Sëgn d’aisciöda pëia indô ia i cursc por pici y gragn metüs a jí dala Uniun Sport La Ila
La seziun »fitness« dla Uniun Sport La Ila mët indô a jí na ligna de cursc por mituns y adulc de dötes les etés:
  • Baby Dance (por mituns nasciüs dl 2016-17-18) cun Sofia Granruaz vigni mertesc dales 17:00 ales 17:45 (scomenciamënt ai 28.03).
  • Dancing for kids (por mituns nasciüs dl 2012-13-14-15) cun la scora da balé Shabba Crew y la insegnanta Jana Pallestrongg dales 16:15 ales 17:15 ai 14.04, 28.04,12.05, 19.05, 09.06 y 16.06.
  • Curs de ginastica 50 + cun Sofia Granruaz vigni jöbia dales 16:30 ales 17:30 (scomen­ciamënt ai 30.03, an pó se anunzié te palestra)
  • Cursc da nodé por la scolina y la elementara: curs de 7 iadi por prinzipianc, livel mesan y progredí, vigni mercui cun scomenciamënt ai 12 de aurí.
Les iscriziuns pó ma gní fates online sön la plata internet www.uslaila.it. Por informa­ziuns: fitness@uslaila.it.

Conzert dl »Vinzentiner Knabenchor«
Le cor de jonins, che complësc iniann 150 agn, tëgn trëi conzerc iubilars. Un é ai 26 de merz a Badia
Le »Vinzentiner Knabenchor« festejëia iniann le iubilé de 150 agn. Por l’ocajiun gnarál tigní trëi conzerc dal titul »Ein Lied von der Größe des Herrn«. Le pröm apun­tamënt é incö vëndres ai 24 de merz dales 18:00 tl Vinzen­tinum da Porsenú; le cor se lasciará spo aldí en domënia ai 26 de merz dales 18:00 te dlijia de Badia y en mertesc ai 28 de merz dales 19:00 tl »Castaneum« a Feldthurns. Sot la direziun de Andrea Tasser gnarál porté dant operes de Bach, Mozart y Mendelssohn, sciöche ince di componisć contemporans Rutter y Maher. Le Cor gnará ince acompagné dal ensemble a archëc »Sound of Strings« dla scora de musiga da Tlüses, sot la direziun de Slyvia Lanz.

Mostra: OFFEN / DAVIERT / APERTO / OPEN / I
L Circolo – Lia Mostra d’Ert nvieia de cuer ala giaurida dla mostra de Jörg Zemmler, ai 31 de merz dala 19:00, tla sala dla mostres dla lia
Cie suzédel pa sce n poet giapa scincà spray de acryl, pustomes, papier, lën y dl’aurela? L fej chedri mpede scrì libri. Y sce l se trata de Jörg Zemmler, che chier y abina la poejia propi tla reduzion, nàscel chisc chedri.
La mostra (te de plu rujenedes) ie n nvit a se lascé ispiré ntan che n liej, a nterpreté chël che vën dit y nce a crì chël che ne vën nia dit. La mostra resterà da udëi nchin ai 16 de auril, da merdi nchin dumënia, 17:00 – 19:00. De sada y dumënia iela davierta nce danmesdì, 10:00 – 12:00. De lunesc iel stlut.

Gara por le »Re dla Falda«
Te na gara dër particolara, cun percurs danter portes y ostacui, gnarál incoroné le »Re dla Falda«. L’apuntamënt cun le telemark é en mercui ai 29 de merz da sëra, sön la pista »Doninz – Gardenacia« a La Ila
Düc i amisc dl telemark, prinzipianc y progredis, simpatisanc y nia, é inviá ala festa dl telemark »La Falda«, en merui ai 29 de merz dales 20:00 ales 22:00, sön la pista »Doninz – Gardenacia« a La Ila.
Te chësta secunda ediziun d’La Falda gnarál incoroné le Re dla Falda – le telemarcher plü asvelt dla serada. An fajará la gara classica a tëmp: dal mëteman messará le concorënt sburlé por fá na gran ota, dedô trá n salt olache al ará da arsí en telemark (na juria valutëia la dërta posiziun, zënza él penalités). Ara vá inant cun la ultima pert dla gara – indô sön n percurs de portes. L’elm é obligator. Do la gara vára inant cun n pice party tl restorant pizzeria »La Bercia« a La Ila.
Informaziuns sot a info@uslaila.it o por WhatsApp al nr. 329 8627658.