La Usc di Ladins

Religion
13.05.
Jesus Kids & Teens – Schiera Junila
La grupa dla Schiera Junila de Sëlva nvieia mutons:ans (dala 3. elementera inant) y i:la jëuni:es a na ancunteda tl local dla »Jungscharr« te Sëlva, ai 13 de mei dala 16:00. L unirà dat la puscibltà de viver l crëidum deberieda te na cumenanza, n fajerà de biei workshop, adurazions y l sarà nce aurela curta cun devertimënt y muvimënt, chiet y reflescion, referac nteressanc.
13.05.
Prozesciun di ëi da Porsenú a Neustift
L’Uniun di ëi Val Badia inviëia düc i ëi y i jogn da tó pert ala prozesciun da Porsenú a Neustift cun linternes o cian­dëres (che vignun dess se tó para). Ara vëgn tignida chësta sabeda ai 13 de ma y an pëia ia dales 21:00 pro le Vinzen­tinum da Porsenú. Do la proze­sciun de za. n’ora sarál a Neustift la mëssa cun le Vësco Ivo Muser.
19. y 20.06.
Pelegrinaje a Maria Luggau y Maria Lussari
Le KVW dla Val Badia mët a jí n pelegrinaje a Maria Luggau y Maria Lussari, ai 19 y 20 de jügn. Informaziuns y prenotaziuns anter i 4 de jügn pro Christoph Pezzedi al 333 7219535 o ala mail crix.pezzedi@gmail.com

Sozial
Atualmënter
Bancarela dl mangé a Badia
La Bancarela dl mangé a Badia é daverta vigni jöbia dales 9:30 ales 10:30. Iló ciafa families y porsones che á debojëgn spëisa debann. Ala bancarela pó s’oje la jënt di comuns de Badia, Corvara y La Val.
Uni merdi
Marënda per i sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia S. Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à debujën (che à la residënza a Urtijëi).

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
16.05.
Natura e ambient: La scora sön le lüch da paur
Dales 20:50 ca. La vita s’á mudé dassënn y les genera­ziuns plü vedles vëgn confron­tades cun contrasć che ares n’é gonot nia bones da capí. Sciöche mai denant nen vára aldedaincö da ciafé n punt de incuntada danter i vedli, che mëss imparé da ti avëi crëta a ci che vëgn fat de nü y modern, y i jogn, che dess se daurí a ci che é sté y tigní cunt dles esperiënzes fates da sü antenac te tröpes genera­ziuns. Nia por ultimo nen vára, incö plü che mai, da partí döt chësc savëi cun düc chi che á bele pordü le contat cun la natöra. Do le moto: »Imparé cun les mans, le cör y le ce« ó la scora söl lüch da paur trasmëte na manira da se comporté etica y respetosa cun les porsones y döta la natöra, che an se tol para por la vita. Program de Karin Pizzinini, a cura de Anna Mazzel.
17.05.
Trail spezial
Dales 20:50 ca.
18.05.
Deboriada: »Chësc ei ie fat!«
Dales 20:50 ca. La plata blancia possa descedé pesi­mënzes, ma nce mpië la flama dla criatività. Da pitli sons usei a vester criatives zënza se rënder cont. Crescian jons suvënz a pierder nosta spon­taneità. La scola dla criatività pieta un n iede al´ena cursc per miuré i fortli de chëi che se sënt ispirei per realisé si ideies. Program y cunzet: Ivan Senoner, tai: Georg Penn, a cura de: Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
12.05.
»Rumon su nosc luech«
Dales 19:05. La bela scumen­ciadiva de jì a rumé su l luech vën bele metuda a jì te Gher­dëina da truepiscimi ani incà y l ie for truep ulenteres che fej pea, dantaldut cëlen de sensibilisé i jëuni a n cumpur­tamënt respetëus de viers dla natura. De positif iel nce che n à cunstatà te duc i trëi che­muns de Gherdëina che n abina adum – cun l passé di ani – for manco refudam y chël ie zënzauter n bon sëni. Trasmiscion de Alex Rung­galdier.
13.05.
Momënc de vita – intervista a Berto Daberto
Dales 19:05. Berto Daberto vir a Ciastel, na picera fraziun dl comun de La Pli de Fodom, olache al é nasciü y chersciü sö. A Ciastel virel aldedaincö ma plü 6 porsones döt l’ann. Berto nes cunta de sciöche ara ciarâ fora inlaota, olache chi da Ciastel jô a scora y sciöche ai se tirâ le vire. Al nes cunta ince dl Ciastel d’Andrac, che é aldedaincö n museum, mo che canche Berto ê pice n’â nia na gran impor­tanza por la popolaziun dla fraziun. N program de Erika Castlunger.
14.05.
»Vester stolc sun nosc artejanat artistich«
Dales 19:05. Pra la senteda generela dla lia per l artejanat artistich de Gherdëina iel unì fat n pont sun la situazion y prejentà n proiet nuef cun chël che n cialerà de ti dé n daunì a nosc artejanat arti­stich. Chësta carateristica tan tipica de Gherdëina à debujën de svilup y inovazion y perchël cialeran de mëter adum la forzes y de se muever debe­rieda, dantaldut sun i mesums nueves de comunicazion. La parola ti vën data al presidënt dla lia Filip Piccolruaz, al ambolt de Urtijëi Tobia Moro­der y al vizepresidënt dl LVH/APA Hannes Mussak. Tras­miscion de Simon Moroder.
15.05.
L schioh te Gherdëina
Dales 19:05. Per l 19ejim iede à la lia dal scioh de Gherdëina venciù l campiunat provinziel, desmustran si posizion dumi­nanta a livel de Südtirol ti ultimi ani. Cunsciderazions n cont de chësc sport tla valeda cun Ruben Bernardi y Rainer Demetz, presidënt y cunselier dla lia dal scioh de Gherdëina. Program de Leo Senoner.
17.05.
Identitèdes adum
Dales 19:05. Tel cheder de la scomenzadiva »Identitèdes adum- identità condivise« che é vegnù sport delaite de l’Aiusciuda Ladina al scomenz de mè l Museo Ladin de Fascia se à avert a persones che vegn da autres raions e che vif te Fascia. L’idea è de Sabrina Rasom che à idees cleres sul besegn de se averjer a autra comunitèdes per slarier fora ence l ladin tres n con­front costrutif e inclusif. Ben 15 desvaliva identitèdes à sport si usanzes, tradizions e magandives da l’Albania, Marocco, Paraguay, Santo Domingo, Valencia, Ucraina, Sardegna, e tropa de autres, n domarena partezipatif olache la persones che vegn da foradecà à sport a na vida sorida zeche de so Paisc didan duc a aer n eie più avert a la desvalivanzes e la valorisazion di lengac e cultures desvalives. Program de Anna Mazzel.
18.05.
La forza dles erbes
Dales 19:05. Helga Alton é n’esperta de erbes y de flus da medejina y te chësc pro­gram nes cuntera, danter l’ater, sciöche an pó curé mituns, ëi y ëres cun plantes desvalies. N program de Sara Frenner.

Cursc
02.05. - 20.05.
»Diggy Treff« - ancuntedes per cuestions digiteles
L KVW Urtijëi mët a jì deplù ancuntedes cun l referënt Werner Messner per respuen­der a d’uni sort de dumandes che reverda l computer, l zeluler, l tablet y la nstalazion de prugrams. L servisc ie debant. De ndut iel mo 3 ancuntedes che vën fates tla biblioteca de San Durich a Urtijëi: for de merdi (dala 14:30 - 17:30) y de sada (09:00 - 12:00): 13.05., 16.05., 20.05.

Chino
Atualmenter
Al chino de Cianacei
Insnet, sabeda ai 13 de mé da les 21:15 l é »Guardiani della galassia vol.3« che vegn moscià ence en domenia ai 14 da les 17:00 e da les 21:15.
Atualmenter
Al chino de Tieser
Insnet, vender ai 12 de mé da les 21:15 l é »Il Sol dell’Avve­nire«, en mèrtesc ai 16 da les 17:00 l saggio di arlieves de la Museghes de Fascia e Fiem e en jebia ai 18 da les 21:15 e dapò per dut l fin de setemèna »Fast ‹Furious X«.

Sport
Atualmenter
Atletica per bec e gregn
La US Monti Pallidi en colaborazion col Ski Team Fascia à endrezà n cors per fèr atività fisica, jir a corer e se arcedèr. L vegn metù a jir d’aisciuda e d’uton, de lunesc e de jebia da les 17:30 a les 18:45 a Poza, da oril fin de jugn e de setember e otober; l cost l é 90 € per bec e 100 per gregn. Info e iscrizions al 0462 574101.
13-14.05.
Copa Tèlia de rampinèda
L Val de Fascia Climbing e la Federazion de Ram­pinèda Sportiva Talièna endreza ai 13 e 14 de mé la Copa Tèlia Lead de rampinèda. En sabeda ai 13 lo da la palestra Adel con scomenz da les 14:30 l é la calificazions Lead de ic e eles, en domenia ai 14 da les 10:00 semifinèles e da les 15:30 finèles. L Val de Fascia Climbing festeja ence si 25 egn de atività.
24-25.06.
Te Fascia la UCI Enduro World Cup
Ai 24 e 25 de jugn a Cianacei vegnarà endrezà na tapa de la Copa del Mond de MTB, la UCI Enduro World Cup de Fascia, sui percorsc endrezé dal Fassa Bike District anter Ciampac, Belvedere e Col Rodela.

Mostres y Ert
Atualmënter
»Helau – Jì a tré zedules«
La Union di Ladins de Gher­dëina nvieia de cuer a unì a ti cialé ala mostra »Helau–Jì a tré zedules«, tl foyer y tla biblioteca Anda Malia da Cudan tla Cësa di Ladins a Urtijëi. Metù ora iel fotogra­fies, ciapiei, gurmiei y rames. La mostra ie davierta nchin ai 12 de mei ntan i orars de ufize: lunesc dala 8:00–12:00 y dala 14:00–18:00, merdi dala 14:00–18:00, mierculdi, juebia y vënderdi dala 8:00–12:00.
Atualmënter
Artejanat artistich
La lia Mostra d’Ert Circolo nvieia ala mostra dla scola prufesciunela per l artejanat artistich, tl self dla mostres dla Lia Mostra d’Ert, che jirà inant nchin ai 14 de mei, dal lunesc al vënderdi 17:00 – 19:00 y de sada y dumënia 10:00 – 12:00 y 17:00 – 19:00.
Atualmënter
Mudazion – mostra tla furtëza de Furtëza
L’UNIKA nvieia de cuer a unì a ti cialé ala mostra »Mu­da­­­zion« tla furtëza de Furtëza, che jirà inant nchin ai 4 de juni.
Atualmënter
Mostra de Indra Moroder »I uedli di lëns«
La mostra tl zënter culturel Tublà da Nives te Sëlva resterà da udëi mo ncuei, 12.05. dala 15:00 nchin la 18:00.

Avisc
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Huber (tel. 339 1698343) y Methilde (tel. 335 6977604).
Atualmënter
Ciamena dal guant
La Ciamena dal guant a Picolin sará inant daverta por se chirí fora guant, mo al vëgn perié da ne porté nia plü guant dala fin de ma inant, deache la Ciamena dal guant messará plü inant porvé da se chirí n’atra sënta. Sce zacai ess locai adatá da mëte a desposi­ziun, ési dër bel periá da se lascé adintëne pro la Ciamena dal guant. Plü inant gnarál lascé alsavëi sciöche ara vá inant.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster–MIP
L’ofize dla MIP–Männer­initiative Pustertal dëida i ëi y peri pro caje de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
12.05.
N codejel sul bosch e i cinch sensc
En vender ai 12 de mé te sala mostres del Liceo Artistich de Fascia da les 17:00 per endrez del Comun General de Fascia col compagnador de teritorie Gianluigi Chiocchetti, prejentazion del codejel »L bosch e i cinch sensc« te la colana »Entener e de fèr entener«.
13.05.
Festa sun Tamion con Circensema
En sabeda ai 13 de mé sun Tamion da les 14:30 inant l grop Circensema met a jir na bela festa con jeghes e spas per picoi e gregn, antepruma del Circen Dolomites Festival, l event de gran nonzech che vegnarà endrezà dai 28 de messèl ai 4 de aost. Info su www.circendolomitesfestival.com.
13.05.
Bagn tel bosch
En sabeda ai 13 de mé per endrez del Comun General de Fascia sun Ciaslir de Vich da les 9:45 esperienza senso­rièla de ‘Bagn tel bosch’ (Shinrin Yoku) con Katiuscia Rasom. Atività de zirca 3 ores. Info e prenotazions fin ai 11 de mé al 0462 764500/4 o a cultura@cgf.tn.it
13.05.
Laboratorie sul becherle
En sabeda ai 13 de mé per endrez de Comun General de Fascia e sociazion Artcipe­lago, da les 9:30 ta Capitel a Poza (lo da la Malga Croci­fisso) laboratorie tel bosch per bec dai 5 ai 11 egn e vijita al Segat de Meida. Info e prenotazions fin ai 11 de mé al 0462 764500/4 o a cultura@cgf.tn.it
15.05.
Esperienzes sensorièles con la creida
En lunesc ai 15 de mé da les 20:00 a les 22:30 tel Studiolo Kreides de Fascia secondo apuntament de »Kreides« per fèr cognoscer la tecniches e l valor de lurèr la creida. Info su www.kreides.it, su insta­gram: kreides.studiolo o per telefon al 393 3377940.
17.05.
L becherle
L Comun de Moena e l Cai Sat Grop da mont de Moena endreza en mercol ai 17 de mé da les 20:30 te sala de con­sei na scontrèda sul becherle, na picola bestiola che fèsc gregn dans a nosc bosch.
18.05.
I scolees da Vich vel salvèr la eves
Aldò de n projet te più lengac che é stat portà inant via per i meisc passé, i scolees de la populèra de Vich, ensema con sia maestres, i envia duc al spetacol »Wir retten die Bienen« (Nos salvon la eves) che vegn portà dant te sora­stanza de la Scola de Fascia a Sèn Jan en jebia ai 18 de mé da les 14:30.
21.05.
Inaugurazion de la Scolina de Sèn Jan
En domenia ai 21 de mé a Sèn Jan vegn inaugurà l nef frabicat de la Scolina. Da les 10:00 da doman vegn dit messa te la Pieif e dapò se se tramudarà per la benediscion lo da la scolina, olache se podarà veder i neves spazies e sarà l’estrazion de la loteria

Mujiga
12.05.
Corvara: conzert d’aisciöda
La Müjiga Calfosch/Corvara tëgn so tradizional conzert d’aisciöda, incö vëndres ai 12 de ma dales 20:30, tl salf dles manifestaziuns a Corvara. Lapró sarál ince da aldí la musiga di jogn »The Groovy Wind Band«.
13.05.
Conzert d’Aisciuda
La Musega de Vich porta dant en sabeda ai 13 de mé da les 21:00 te tendon de la manifestazions l Conzert d’Aisciuda.
13.05.
Cunzert per l di dl’oma
La Mujiga de Santa Cristina nvieia de cuer al cunzert per l di dl’oma, n duman sada ai 13 de mei dala 20:30 tla sala de Chemun de S. Cristina.
14.05.
San Ciascian: conzert dl De dla Uma
En domënia ai 14 de ma dales 18:00 inviëia la Müjiga da San Ciascian al »Conzert dl De dla Uma«, dales 18:00 tla Ciasa J. B. Rinna a San Ciascian. Te chësta ocajiun sarál ince da aldí i mituns da San Ciascian che impara da soné n stromënt y la Müjiga portará dant le marsc »San Ciascian«, scrit dal dirighënt Davide Donazzolo d’Ampëz.
14.05.
40 egn de Pentagramma: conzerc a Moena
La Scola de Musega »Il Penta­gramma« festeja l cedean co na lingia de conzerc. I taca en domenia ai 14 con 2 apun­ta­menc a Moena: da les 18:00 te Navalge coi Pentagramma Winds vidé da ben 10 Mae­stres de la Bandes de Fascia e Fiem; da les 20:30 a La Grenz »Modern Department« coi arlieves di maestres Damiana Dellantonio (ousc) e Roberto Dassala (chitara e bas).
15.05
Per i 40 egn del Pentagramma
Anter i evenc per festejèr la Scola de Musega de Fiem e Fascia, en lunesc ai 15 de mé da les 17:00 a Cianacei te Chino Marmolèda l é l saggio di arlieves de la Bandes de Fascia e a Moena da les 20:30 te sala grana de la Scoles »Donne in canto«, col Cor Note Blu vidà dal maester Ilario Defrancesco e doi cores ghesć da Mezzocorona e Primier.
16-17.05
Joegn strumentisć sona per l Pentagramma
Per i 40 egn de la Scola de Musega ai 16 a Tieser da les 17:00 te teater Saggio di arlieves de la Bandes de Fiem e da les 20:30 te Sala Bavarese »Guitar Night« coi arlieves de la maestra Barbara Pedrotti e de Perjen. Ai 17 a Pardac da les 20:30 te Chino »Folk Zeit« coi arlieves di maestres Marco Graziola e Daniele Girardi (orghen) e Stefano Lazzer (tastiera).
18-19.05
Jazz e spetacol per l Pentagramma
I conzerc per l 40° i va inant ai 18 a Soraga da les 20:30 te La Gran Ciasa te la »Jazz Night« con la Penta Big Band del maester Paolo Trettel e etres gropes regionèi. Ai 19 a Ciavaleis da les 17:00 te palaz de la Comunità »Magni­fiche suggestioni« coi ense­gnanc del Pentagramma, paroles de Tommaso Dossi e bai de la scola de Angela Deflorian.
20.05.
Cianton deberieda – cianties populeres cun Willi Runggaldier
L KVW de Sëlva nvieia chi che à legrëza a cianté n cum­pa­nìa a fé pea pra chësta mani­festazion, che unirà metuda a jì per de ndut 4 iedesc te Sëlva, for de sada, dala 15:00: ai 20 de mei te Calonia basite, ai 27 de mei tla ustaria Val, ai 10 de juni ta La Ciajota, ai 17 de juni tl bar Okay ora Plan da Tieja. Per nfurma­zions: 340 5170711. La mani­festazion ie debant y l ne ie nia debujën de se lascé nuté su.
20.05
Gran festa a Ciavaleis per l Pentagramma
La lingia de evenc per l 40° de la Scola de Musega de Fiem e Fascia se sera su a Ciavaleis ai 20 de mé col gran final tel Palafiemme: da les 16:30 conzert di Cores Giallo e Verde vidé dal maester Ilario Defrancesco e la Penta-orche­stra col maester Ezio Vinante e da les 20:30 l Coro Young Singer & Minipolifonici Winds da Trent col maester Gianni Muraro.

Teater
12.05.
Musical a Cianacei
La sociazion Antermoia endreza en vender ai 12 de mé da les 20:30 te chino Marmolèda de Cianacei l musical »Il giro del mondo in 80 minuti« de la Filodramatica Lucio Deflorian de Tieser. Se pel ite zenza paèr.
19.05.
Te Navalge a teater
L Comitat manifestazions de Moena, ensema al Comun, endreza la rassegna de teater »NavalGei e teater«. L terzo apuntament é en vender ai 19 de mé da les 20:45 con filodramatica »Romano Dellagiacoma« de Pardac che porta dant »Sarto per Signora«.

Leteratura
12.-13.05.
Poejia Alpina d’aldidancuei
Autëures y nteressei:des ala leteratura ie nviei:des de cuer al festival de leteratura »Poejia alpina«, ai 12 y 13 de mei tla biblioteca publica de Persenon. L sarà na bona ucajion per scuté su lirica retoromana atuela: l fajerà pea bën 15 autëures dala Ladinia, dai Grijuns y dal Friul.

Temp Lede
Univënderdi de mei
»Coffee Talk« per spanuel tla biblioteca San Durich
Ntan l »Coffee Talk« a Urtijëi uniràl rujenà spanuel uni vënderdi dl mëns de mei, for dala 10:00. Na cunescënza de basa dla rujeneda ie bënududa.
18.05.
La Val: soghé jüc da mësa
Mitans y mituns da 5 agn insö é bel inviá da gní te biblioteca da La Val, en jöbia ai 18 de ma dales 14:30 ales 16:00. Al sará na incuntada olache an soga deboriada jüc da mësa.
18.05.
Al Plan: Spazirada por imparé da conësce les erbes
La Uniun dles Ëres d’Al Plan mët a jí en jöbia ai 18 de ma dales 16:00 ales 18:00 na spa­zirada por imparé a conësce les erbes, deboriada cun l’esperta de erbes Margareth Palfrader. Al é da se tó para de bugn cialzá. Cost: 15,00€ a ce. Sce al foss bur’ tëmp, vëgnel sburlé ai 25.05. Preno­taziuns anter incö 12 de ma al 348 7589255.
19.05.
Sëira de letura y mujiga cun Markus »Doggi« Dorfmann
La biblioteca de Sëlva nvieia ala sëira cun poejies n con’ dla vita, dl amor y dla natura, mujiga che fej semië y r`9, cun »Doggi« Dorfmann, n vënderdi ai 19.05. dala 20:00 tla biblioteca Oswald von Wolkenstein te Sëlva.
20.05.
Marcià dala Poza
N sada ai 20 de mei, dala 09:00 nchin la 13:00, vëniel inò a s’l dé l Marcià dala Poza sun la streda Nives te Sëlva, n marcià tradiziunel che ie pont de ancunteda per duc i zitadins y la zitadines, cun mesun de se maië y bever zeche pra i stonc dl Cor de Dlieja y di Alpini.

Dotours
Dutor Gherdëina
L dutor de servisc da n sada ai 13.05. dala 08:00 daduman nchin la 08:00 daduman de n lunesc ai 15.05. ie l dutor Giuliano Piccoliori de S. Cristina, tel. 0471 792282 o 348 3301004.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 13 y 14 de ma, é le dotur Eduard Agreiter, San Martin de Tor, tel. 0474 523315 o 333 1380852.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 12.05. nchin n vënderdi ai 19.05. ie chëla de Santa Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 12 de ma dales 19:00 al vëndres ai 19 de ma ales 19:00, é chëra da San Martin/Picolin, tel. 0474 523020..