La Usc di Ladins

Dotours
Dutor Gherdëina
L dutor de servisc da n sada ai 21.10. dala 08:00 daduman nchin la 08:00 daduman de n lunesc ai 23.10. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Tla fin dl’edema di 21 y 22 de otober él en sorvisc ti cin’ comuns dla Val Badia la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 21.10. nchin n vënderdi ai 27.10 ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 20 de otober dales 19:00 al vëndres ai 27 de otober ales 19:00, é chëra da La Ila, tel. 0471 847152.

Referac
27.10.
Referat »Heiße Zeiten für coole Frauen«
La apotechera Sandra Rohr­egger tenirà n referat sun la menopausa, ormons y cieche n possa se aspité ntan chësc tëmp - n vënderdi ai 27 de utober dala 20:00 tla biblioteca de San Durich a Urtijëi.

Avisc
Atualmënter
Petizion per la scunanza dla Grupa dl Saslonch
La petizion per la scunanza dla Grupa dl Saslonch, cun i Plans de Cunfin y la Zità di Sasc ie śën online sot a: https://www.change.org/savethedolo mites-NoscCunfin. La grupa Nosc Cunfin rengrazia bele danora duc chëi che fej pea.
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00, de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
20.10.
Prejentazion de la lista ‘Fascegn’
La lista ‘Fascegn’ sera su la campagna litèla anché, vender ai 20 de otober da les 6 da sera al Ostaria da Carpano a Sèn Jan.
20.10.
Prejentazion de la lista ‘Fassa’
La lista ‘Fassa’ sera su la cam­pagna litèla anché, vender ai 20 de otober, te la piazes de Moena e Soraga e da les 17:30 inant con na castagnèda al Bar Bianco de Vich.
21.10.
Inaudazion del Capitel de Pecedel
Per endrez de la Frazion de Dèlba en sabeda ai 21 de otober vegn inaudà l Capitel de Pecedel. Se se bina da la does domesdì te piaz de la Ciampac per jir a pe fin lo dal Capitel. L Capofrazion Olivo Micheluzzi envia duc a tor pèrt.
23-27.10.
Setemèna de la didatica
Te Museo Ladin de Fascia vegn metù a jir la setemèna de la didatica. Dai 23 ai 25 de otober da les 17:00 scomen­zadives per dozenc e da la medema ora en jebia ai 26 per educatores e families la prejentazion di libres per bec »Met vèrda, bèrba dui« e »Da la giava«; en vender ai 27 per duc la prejentazion del liber »Jeghes, jech e marevees«.
26.10.
»Se cognoscione?« con Sergio Valentini
La Biblioteca de Cianacei met a jir la seconda edizion de la scontrèdes »Se cogno­scione?« per ge portèr dant a la jent del post persones e fac de noscia tera. L prum apun­tament l é en jebia ai 26 da les 20:00 con Sergio Valentini che porta dant esperienzes de trekking e vies da fin ai confins del mond. La rassegna jirà inant ai 8 e ai 15 de no­vember.
28-29.10.
Festa del Rengraziament
L’Union di Ladins de Fascia endreza la Festa del Rengra­ziament a Cianacei. En sabeda ai 28 da les 16:00 te Chino Marmolèda conzert de or­ghegn da mantesc col quartet de nonzech »4 Bellows 4 Tales« e do Radunanza de l’Union. En domenia ai 29 da les 10:00 messa ladina te gejia del Sacro Cher e do te Comun recor­danza de Ezio Anesi e 30 egn da sia mort.

Radio
LADINIA LIVE: microfons daverc sun atualità y cultura. Da aldí vigni mertesc y mercui dales 13:45 ales 14:00.
24.10.
Na fufula a La Pli
Dales 13:45. »Le boxer« é la comedia de Otto Schwarz y Carl Mathern che l’ Uniun dl teater da La Pli mët sön paladina. Le regist Tone Palfrader nes presënta le toch teatral. N program de Sara Frenner.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
23.10.
Marco Forni ai saluc
Dales 19:05. Dal 1991 incà ie Marco Forni stat l lessi­cograf respunsabl dla tueda linguística tl Istitut culturel Micurà de Rü. Cun si grupa de lëur àl, te puec dejeneis, fat n lëur enorm y fundamentel per stravardé l lingaz ladin. Si diziuners, gramatiches y publicazions etno-lingui­stiches fej bel sën pert dla bibliografia storica ladina. D’auton dl 2023 ie Marco Forni jit n pension, ma si lëur per la rujeneda ladina ne se fërma nia tlo y jirà inant nce tl daunì. Pro­gram de Leo Senoner.
25.10.
Ampez: na comunanza che se destuda?
Dales 19:05. «Cortina 2020-2040 storia di una comunità al tramonto?« l é l titol de n enrescida de Raffaello e Stefano Lorenzi che analisèa la situazion de Ampez dal pont de veduda economich, demografich, patrimonial e teritorial con eie ascort a la comunanza che vif alò e sie davegnir. Semper de mancol é i ampezegn che pel se per­meter de viver te Ampez olache ben l’80% di fabricac é te man di foresc. N trend che se sleria fora ence te autra valèdes ladines. En rejonon con Stefano Lorenzi, secretèr generèl de Ra Regoles de Anpezo e Iaco Rigo diretor de la Usc di Ladins. Program de Anna Mazzel.
26.10.
Ert y manualitá, le artejanat de nüsc raiuns: La friseria
Dales 19:05. I ciavëis y la frisur á da dagnëra incá comuniché tröp de na porsona. Che i cia­vëis sides cörc, lunc, de­pënc, da roli o lizi, le laur dl friser ne é nia ma chël da i taié. Chësc mistier se damana competënzes che va dala chimica ala moda, fina ala comunicaziun cun sü tliënc y tliëntes. N program de Sara Frenner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
24.10.
Deboriada – Sië y zidlé per stravardé
Dales 20:50 ca. Sibe chëi da tlo che i seniëures sà da prijè a mesa l instà i prei da mont siei y curei. Da dalonc auden la ciampanes dl bestiam y pra vel’ medel vëniel nce mo pità cëifs y maiadiva da paur. Ma do la cultrina nëta, stimeda da duc, iel dantalut l gran idealism di paures. Mé tres l lëur sfadiëus che se damanda suvënz artenienza y n savëi dat inant da genrazion a ge­nerazion, iel mesun stravardé la tradizion dl lëur da paur sun la montes. Purempò saral tl daunì mo debujën de jì n var inant. Program y cunzet: Ivan Senoner, tai: Georg Penn, a cura de: Leo Senoner.
25.10.
Les munts cunta
Dales 20:50 ca. Inrescides archeologiches tl arch alpin. N film de Paolo Vinati, a cura de Alessandro Dapunt.
26.10.
EURO – trasmisciun d’economia
Dales 20:50 ca. De Diego Clara y Hartmann Mairhofer, a cura de Leo Senoner.

Teater
20.10.
Ultim iede te Sëlva
La cumedia criminela »Y śën« dla Lia dl Teater de Sëlva ie ruveda a si ultima repre­jenta­zion, nsnuet vënderdi ai 20 de utober dala 20:30 te Cësa de Cultura. Regia de Igor Demetz.
21/22.10.
Apuntamenc a teater
En sabeda ai 21 de otober da les 21:00 te teater de Tieser l Cor Genzianella e la Filo de Tieser conta l’emigrazion tel toch de teater »Donca, del 1923 n’è caminà da Tiezer 23...«. En domenia ai 22 de otober da les 20:45 l é la comedia »Fidarsi è bene e no fidarsi...« de la compagnia de teater ‘El mesedò’ de Pancià.

Religion
20.10.
Edema dla Fede: sëra dla Bibia
L’Edema dla fede tla Val Badia pîta incö vëndres ai 20 d’otober dales 20:00 na sëra dla Bibia tla Ciasa Runcher a Badia, deboriada cun siur Sepl Granruaz (online). Por jogn y manco jogn.
22.10.
Mëssa de conclujiun dl’Edema dla Fede
L’Edema dla Fede tla Val Badia vá a piz chësta domënia ai 22 d’otober dales 16:00, cun la mëssa de conclujiun ate dlijia da Oies. Bele dales 15:15 pëia da Badia demez la prozesciun.

Cursc
Atualmënter
Curs de bal
La Grupa Bal Populer de Sëlva y S. Cristina nvieia a unì a purvé y a mparé a balé l walzer, la polka y la »boa­rische«. L curs vën metù a jì mo 2 iedesc, for de vënderdi, ai 20 y ai 27 de utober dala 20:30 tla Cësa de Cultura de Sëlva bas ite.
Atualmënter
Curs de yoga
La Uniun Giulan mët a jí n curs de yoga por düc i liví, vigni mercui dales 19:45 ales 21:15, cina ai 13 de dezëmber (adinfora dl 1.11.), a Costa­dedoi/San Ciascian. Le cost é de 15,00€ al iade plü 10,00€ por la iscriziun ala Uniun Giulan. Infos y prenotaziuns pro Alexis al 340 8279116.
06. y 13.11.
Calfosch: scora por geniturs
Le Consëi de formaziun da Corvara mët a jí na scora por geniturs de mituns da 6 a 10 agn, cun la dra. Mar­garethe Mair. Le curs (por todësch) é ai 6 y ai 13 de no­vëmber da sëra y costa 15,00€ a sëra. Informaziuns y iscri­ziuns pro Ajlin al 347 7598963.

Sozial
Atualmënter
Bancarela dl mangé a Badia
Dai 9 de novëmber inant é la bancarela dl mangé ma plü daverta vigni secunda jöbia, dales 9:30 ales 10:30 (proscimi termins 09. y 23.11. y 07.12.). Da iló inant gnarál dé fora patüc da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Publizistica
20.10.
Prejentazion dl liber »Der Triumph aus aus meinem Schicksal«
Tla biblioteca de Sëlva prejen­terà la autëura Susanne Hutter si liber »Der Triumph aus aus meinem Schicksal«, ncuei vënderdi ai 20 de utober dala 20:00. Cun 30 ani à la autëura abù na sepsis, do chëla che de plu organns ne laurova nia plu y per chëla che la ie stata 6 enes tl coma...
25.10.
Prejentazion dl liber »30 secondi«
Tla biblioteca de Sëlva pre­jenterà la autëura Sonia Za­notti si liber »30 secondi«: l se trata de n liber autobio­grafich. La autëura fova nlëuta – ai 2 de agost dl 1980 – pra la stazion dla ferata de Bolo­gna, canche la esplojion de na bomba à mudà duta si vita... L apuntamënt ie ai 25 de utober dala 20:00.

Temp Lede
20.10.
Premiazion de Shop&Art
A Urtijëi, sun plaza Stetteneck uniràl trat ora ala busca 10 bons da 100 € l’un per jì a cumpré ite tla butëighes che à fat pea. L apuntamënt ie ncuei, 20 de utober dala 18:00. Chëi che à venciù unirà cuntatei persunalmënter.
21.10.
Teater de libri ilustrei y pastelné
L apuntamënt ie n sada ai 21 de utober dala 10:00 tla biblio­teca de San Durich a Urtijëi. Mutans y mutons ie de cuer nviei.
03.11.
15 menuc de stories
Tla biblioteca de San Durich a Urtijëi cunterà Patrizia na blòta storia per mutons y mu­tans, ai 3 de utober dala 15:00.

Mostres y Ert
Atualmënter
»Shop & Art« Urtijëi
L proiet »Shop & Art«, pra chël che 33 artisć:tes de Gher­dëina meterà ora si lëures te 33 butëighes tl raion da jì a pe de Urtijëi jirà inant nchin ai 5 de nuvëmber. Na giuria premierà la vedrina plu bela.
Atualmënter
L cëntejim ann de Adolf Vallazza
La mostra «Cënt ani d’ert«, cun lëures dai ani ‘70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà davierta nchin ai 30.03.2024.
Atualmënter
»Vernetzt«: mostra de Marlies Baumgartner
L’artista Marlies Baumgartner mët ora si opres tl Circolo-Lia Mostra d’Ert. La mostra ie davierta nchin ai 29 de utober uni di ora che de lunesc dala 16:00 ala 19:00 y de sada y dumënia nce danmesdì dala 10:00 ala 12:00.

Sport
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.
Atualmënter
Ginastica por le cör
Le Grup Sportif dl Cör Val Badia (»Herzsportgruppe«) á indô metü man süa ativité. La ginastica vëgn tignida vigni lönesc dales 17:45 ales 19:15 tla palestra da San Martin cina jügn ’24. Chisc »Grups Sportifs« é ponsá por porsones che á val’ problems cun le cör. Le cost dl curs por döt l’ann é de 190,00 euro. En presënza de n dotur, y cun n professur spezialisé. Por infor­maziuns pón telefoné a Renato Paratscha (coordinadú) al 348 7457309.
21.10.
HC Gherdëina vs. Rittner Buam SkyAlps
L juech de Alps Hockey League contra i Rittner Buam SkyAlps unirà a s’l dé duman sada ai 21 de utober dala 19:30 tl stadio Pranives te Sëlva.
22.10.
ATP Challenger 50
Dai 22 nchin ai 29 de utober uniràl a se l dé – tl zënter dal Tennis a Runcadic – la 14ejima edizion dl Sparkasse ATP Challenger Val Gardena Südtirol di ëi. La ntredes debant.
26.10.
HC Gherdëina vs. EHC Lustenau
L juech de Alps Hockey Lea­gue contra i EHC Lustenau unirà a s’l dé n juebia ai 26 de utober dala 20:30 tl stadio Pranives te Sëlva.
28.10.
Juech dl HC Gherdëina C
La scuadra dl HC Gherdëina C jugherà n sada ai 28 de utober dala 19:30 contra l HC Cadore, tl stadio Prenives te Sëlva.
29.10.
FC Gherdëina vs. FC Gitschberg Jochtal
La partida de campiunat de Prumozion contra l FC Gitschberg Jochtal n dumënia ai 29 de utober dala 14:30 ta Mulin da Coi. Ntreda: 7,00 euro.

Chino
Atualmenter
Al chino de Cianacei
Insnet, vender ai 20 de otober da les 21:15 l é »Asteroid City«, sabeda ai 21 e domenia ai 22 da les 17:00 l é »Me contro te. Vacanze in Transilvania«, sabeda da les 21:15 l é »The Creator«.
Atualmenter
Al chino de Tieser
En jebia ai 26 de otober da les 21:15 per la rassegna »Il pia­­cere del cinema« vegn moscià »Manodopera«.
Uni vënderdi
Chino te biblioteca
Ncuei vënderdi ai 20 de utober dala 20:00 uniràl mustrà n film tla Biblioteca San Durich a Urtijëi. L program ie da udëi te biblioteca.