La Usc di Ladins

Sport
Atualmënter
Ginastica por le cör
Le »Grup Sportif dl Cör Val Badia« (»Herzsportgruppe«) á indô metü man süa ativité. La ginastica vëgn tignida vigni lönesc dales 17:45 ales 19:15 tla palestra da San Martin cina jügn ’24. Chisc »Grups Sportifs« é ponsá por porsones che á val’ problems cun le cör. Le cost dl curs por döt le ann é de 190,00 euro. En presënza de n dotur, y cun n professur spezialisé. Por infor­maziuns pon telefoné a Renato Paratscha (coordinadú) al 348 7457309.
Atualmënter
ATP Challenger 50
Nchin ai 29 de utober saràl–tl zënter dal tennis a Runcadic – la 14ejima edizion dl turnoi di ëi Sparkasse ATP Challen­ger 50 Val Gardena Südtirol. N gaujion dl aniverser di 25 ani dla »Internazionali Tennis Val Gardena« ie la ntredes debant. N duman, sada ai 28 de utober, saràl la semifineles dl singul y la finela dl dopl. N dumënia pona la finela dl singul.
28.10.
Juech dl HC Gherdëina C
La scuadra dl HC Gherdëina C jugherà n sada ai 28 de utober dala 19:30 contra l HC Cadore, tl stadio Prenives te Sëlva.
29.10.
FC Gherdëina vs. FC Gitschberg Jochtal
La partida de campiunat de Prumozion contra l FC Gitsch­­­­berg Jochtal n dumënia ai 29 de utober dala 14:30 ta Mulin da Coi. Ntreda: 7,00 euro.
01.11.
HC Gherdëina vs. Fassa Falcons
L juech de Alps Hockey League contra l Fassa Falcons unirà a s’l dé n mierculdi ai 1. de nuvëmber dala 19:30 tl stadio Pranives te Sëlva.
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.

Dotours
Dutor Gherdëina
L dutor de servisc da n sada ai 28.10. dala 08:00 daduman nchin la 08:00 daduman de n lunesc ai 30.10. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254.
Doturs Val Badia
Tla fin dl’edema di 28 y 29 de otober él en sorvisc ti cin’ comuns dla Val Badia le dotur Martin Spechtenhauser, La Ila, tel. 0471 844200. Sura Gnissant dal 31 d’otober al 1. de novëmber él en sorvisc la doturia Lodovica Mattioni, La Ila, tel. 328 8590842.

Referac
27.10.
Referat »Heiße Zeiten für coole Frauen«
La apotechera Sandra Roh­regger tenirà n referat sun la menopausa, ormons y cieche n possa se aspité ntan chësc tëmp - ncuei vënderdi ai 27 de utober dala 20:00 tla biblio­teca de San Durich a Urtijëi.

Temp Lede
29.10.
Teater per mutons y mutans
L VKE Gherdëina nvieia a n teater per mutons:ans, cun Herbert & Mimi Jukebox, n dumënia ai 29 de utober dala 17:00 tla sala dla mostres dla Cësa de Cultura a Urtijëi. L pez ie adatà per mutons:ans dai 3 ani insù y dura plu o manco 50 menuc.
03.11.
15 menuc de stories
Tla biblioteca de San Durich a Urtijëi cunterà Patrizia na blòta storia per mutons y mu­tans, ai 3 de utober dala 15:00.

Teater
27.10.
Spetacol »STUPEfatto...«
L Servije Sozio-assistenzièl del Comun General de Fascia en colaborazion con la Scola Ladina e la Curazia de Poza met dant l spetacol »STUPE­fatto... avevo 14 anni, la droga molti più di me« insnet, vender ai 27 de otober da les 21:00 te Oratorie de Sèn Jan.
28.-29.10. – 05.11.
»Le boxer« a La Pli de Mareo
L’Uniun dal Teater presen­-tëia la comedia »Le boxer« (»Der Meisterboxer«) de Otto Schwartz y Carl Mathern sot ala regia de Tone Palfrader, ciamó ai 28.10. dales 20:00, ai 29.10. dales 15:00, ai 4.11. dales 20:00 y ai 5.11. dales 15:00. Les chertes pó gní apostades danfora danter les 17:00 y les 20:00 tres le nr. tel. 389 8158382, y vëgn ve­nüdes ince n’ora dan le teater.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 28.10. nchin n vënderdi ai 03.11. ie chëla de S. Cristina, tel. 0471/792106 o 333/1776615 (orar de giau­rida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 27 de otober dales 19:00 al vëndres ai 3 de novëmber ales 19:00, é chëra da San Martin/Picolin, tel. 0474 523020.

Religion
29.10.
Santa Mëssa y festa de aniverser de matrimone
L muvimënt catolich dl’ëiles nvieia a na Santa Mëssa - abe­lida da n cuartet - n du­mënia ai 29 de utober, dala 09:30 tla dlieja de S. Cristina. Da dedò saràl nce na festa per i aniverseres de matrimone, per i 25, 40, 50, 55 y 60 ani maridei, tla sala su sotët dla biblioteca de S. Cristina.

Mujiga
04. y 05.11.
Cunzerc dl Cor di Jëuni Gherdëina
L Cor di Jëuni Gherdëina cianterà doi cunzerc, sot ala bachëta de Samuel Rung­galdier: n sada ai 4 de nuvëm­ber dala 18:00 tla dlieja di Franziscans a Bulsan y n du­mënia ai 5 de nuvëmber dala 18:00 tla dlieja de Urtijëi.

Mostres y Ert
Atualmënter
Mostra »Genus:Dredia«
Nchin ai 18 de nuvëmber puderàn ti cialé ala mostra »Genus:Dredia« tl Tublà da Nives te Sëlva. L se trata de na mostra culetiva de de plu artisć:tes: Anna Anvidalfarei, Manuel Bauer, Caroline Comploi, Manuel Dander, Felix Mahlknecht, Damian Piazza, Julia Prugger, Leonora Prugger, Elisa Rungger, Céline Silbernagl, Valeria Stuflesser y Tobias Tavella. La mostra ie davierta uni di ora che l lunesc dala 15:00 nchin la 18:00.
Atualmënter
»Vernetzt«: mostra de Marlies Baumgartner
L’artista Marlies Baumgartner mët ora si opres tl Circolo-Lia Mostra d’Ert. La mostra ie davierta nchin ai 29 de utober uni di ora che de lunesc dala 16:00 ala 19:00 y de sada y dumënia nce danmesdì dala 10:00 ala 12:00.
Atualmënter
L cëntejim ann de Adolf Vallazza
La mostra »Cënt ani d’ert«, cun lëures dai ani ‘70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà da­vierta nchin ai 30.03.2024.
Atualmënter
»Shop & Art« Urtijëi
L proiet »Shop & Art«, pra chël che 33 artisć:tes de Gher­dëina meterà ora si lëures te 33 butëighes tl raion da jì a pe de Urtijëi jirà inant nchin ai 5 de nuvëmber. Na giuria premierà la vedrina plu bela.
27.10.
Inaudazion ufiziela dl’opra »Durch die Blume«
L’opra de Arnold Holzknecht che l artist à laurà ora sun ncëria de Antonio Dalle Nogare per abelì la Villa Eccel a Bulsan, unirà prejenteda y inaugureda n vënderdi ai 27 de utober dala 18:00 tla streda Weggenstein 43 a Bulsan.

Avisc
Atualmënter
Petizion per la scunanza dla Grupa dl Saslonch
La petizion per la scunanza dla Grupa dl Saslonch, cun i Plans de Cunfin y la Zità di Sasc ie śën online sot a: https://www.change.org/savethedolo mites-NoscCunfin. La grupa Nosc Cunfin rengrazia bele danora duc chëi che fej pea.
Atualmënter
Orares dl Museum Gherdëina
L Museum Gherdëina tla Cësa di Ladins a Urtijëi ie daviert dal lunesc nchin al vënderdi dala 10:00 -12:30, 14:00–18:00. Per vijites ora dl orar reguler pòssen cherdé su danora: 0471 797554.
Atualmënter
Iniziativa di ëi de Puster–MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
06.–13.10.
Nadel te na scatula dai ciauzei
Nce chëst ann vëniel metù a jì l’azion per ti purté mpue de legrëza a mutons y mutans de paejes pueresc. N possa mplenì una o nce plu scatules cun de pitla scincundes, scrijan su sce l ie per n mut o na muta y per ciuna età: 2-4 ani, 5-9 ani o 10-14 ani. Adatà fóssel a les mplenì cun n mescedoz danter roba per scola, de igiena y velch da guant. Sambën ie zeche da se tripé for bënudù. I pachetli pòssen dé ju dai 6 nchin ai 13 de nuvëmber tla trëi biblio­teches de Gherdëina. Iló iel nce da garat scatules uetes per chi che ne n’ëssa nia una adateda.
27.10.
Setemèna de la didatica
Te Museo Ladin de Fascia se sera su la setemèna de la didatica. Anché, vender ai 27 de otober da les 17:00 l é la prejentazion del liber »Jeghes, jech e marevees«.
28.10.
Varieté con Circensema
Doman, sabeda ai 28 de otober da les 20:30 al Pala­Dolomites de Ciampestrin i jongladores de Circensema porta dant l spetacol Varieté con gag de teater, numeres da circo e ghesć de nonzech internazionèl, vidà da la regista Michela Marangoni.
28-29.10.
Festa del Rengraziament
L’Union di Ladins de Fascia endreza la Festa del Rengra­ziament a Cianacei. En sabeda ai 28 da les 16:00 te Chino Marmolèda conzert de or­ghegn da mantesc col quartet de nonzech »4 Bellows 4 Tales« e do Radunanza de l’Union. En domenia ai 29 da les 10:00 messa ladina te gejia del Sacro Cher e do te Comun recor­danza de Ezio Anesi e 30 egn da sia mort.
04-05.11.
Festa 60 egn Grop Ladin de Moena
L Grop Ladin da Moena fe­steja sie 60° cedean. En sabeda ai 4 de novemner da les 21:00 te sala Simonin Maza de la Scoles conzert »Lingue in Cantate« de Sociazion Au­rone e »Le Muse e le Dolomiti«. En domenia ai 5 da les 16:00 te Comun recorc e intervenc de salut, prejentazion e vijita de la mostra de Veronica Zanoner del Tinoto Gabana.
08.11.
»Se cognoscione?« con Fabio Chiocchetti
La Biblioteca de Cianacei met a jir la scontrèdes per ge portèr dant a la jent del post persones e fac de noscia tera. L secondo apuntament l é en mercol ai 8 de november da les 18:00 con Fabio Chiocchetti che rejona de sie nef liber »Letres da Larcioné«. Se jirà inant ai 15 de november con Luca Micheluzzi che prejenta l liber sun sie giaf Gigio de la Simonina.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
31.10.
Tassìe: tradizion e scoles de musega
Dales 20:50 ca. Con Tassie ve menon te n viac a l’enrescida del mond de la musega anter tradizion e scoles de musega. Chest leam à fat crescer l saèr e l enteress per l sonèr anter la comunanza didan ence a fèr crescer duta la museghes de paìsc. Program de Matilde Gazzini, a cura de Anna Mazzel.
01.11.
Eie e spieie: lurèr tel turism con auter endrez
Dales 20:50 ca. Aldò di besegnes de chiche laora tel turism ciuta fora neves modìe de lurier che met en pé n’autra sort de proferida turistica. Te chesta puntata de Eie e Spieie jon a veder coche, con auter endrez, se pel mudèr o miorèr i modìe de lurier che aea fat reijes tel temp. Program de Cinzia Pistoia, a cura de Anna Mazzel.
02.11.
Scenar ert y cultura
Dales 20:50 ca. Program de Ivan Senoner y Hanspeter Kar­­­bon, a cura de Leo Senoner.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
01.11.
Riflescions su la vita e la mort
Dales 13:45. Te chest an parti­colarmenter critich e pesoch l besegn de pesc e respet stenta a troèr na lèrga ti pensieres de chi che mena la geopolitica del mond. N ocajion di dis de Festa di Senc e di Morc met pen fèr vèlch riflescion più sota dintornvìa l valor de la vita e de la mese­ries che gran pèrt de la jent padesc. Pensieres adaut de Stefen Dell’Antonio, program de Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
27.10.
Valeria y Maximilian: jëuni da culëur ladin
Dales 19:05. »I ladins: na tacia de culëur«: chësc fova l titul de n gran cuvëni che ie stat nstadì a Cortina d’Ampëz. Un n domesdì fova dedicà ala generazion jëuna, che ti ie jita do ala dumanda dl daunì dla cumenanza dal pont de ududa dla junanza.« Ntan chësta trasmiscion audirons doi jëuni che fova prejënc pra l cunvëni, Valeria Bernardi y Maximilian Oberhollenzer, tramedoi de Urtijëi, che à purtà dant si minonga sibe n con‘ de coche i ladins posse sëuraviver cun si cultura y rujeneda che de cieche toca n generel i jëuni de nosc raion. Na ntervista de David Lardschneider.
28.10.
Momënc de vita – intervista a Sepl Frenademez
Dales 19:05. Sepl Frenademez é nasciü a La Ila tl 1936, do avëi fat la scora mesana a Porsenú âl metü man da lauré tla posta, naota a La Ila y spo a San Laurënz, olache al á imparé l’alfabet morse. Sepl á lauré te tröc ofizi dla posta sura döt Südtirol cina che al á ciafé le post de rode tl ofize dla posta a Balsan. N program de Erika Castlunger.
30.10.
80 ani cun l schi tl cuer
Dales 19:05. Carl Senoner, campion dl mond de slalom a Portillo 1966 y Gerard Mus­sner, doi campions dl schi che à taià l traviërt di 80 ani de utober dl 2023. Ti ani ’60 iesi stac danter i miëures atlec dla naziunela taliana de schi alpin. Adum cun Ivo Mahlknecht y Felix Denicolò, l prim mort tl 2020, l segondo de utober de chëst’ann, fovi ëi i cater atlec de Gherdëina che à scrit capitui mpurtanc dla storia dl schi talian te chël tëmp. N lecort de coche la fova ntlëuta. Program de Leo Senoner.
01.11.
Persones e curiositèdes: Michrà de Rü e Tita Alton
Dales 19:05. Insnet doi fegures storiches enteressantes che à lascià n segn sot te la storia e l lengaz ladin. Micurà de Rü à metù jù la pruma gramatica ladina jà del 1833 e Tita Alton del 1879 à scrit n test che metea a confront i idiomes ladins de la Val Badia, Gher­dëina, Fascia, Fodom, e Ampez. Program de Anna Mazzel e Anelise Vian.
02.11.
Gnissant
Dales 19:05. Cun le mëte man de novëmber ti dedichëia le calënder liturgich lerch ala festa de vigni sant y ales animes. Chësc program ó ti ciaré plü daimpró a aspec che á da nen fá cun i sanc, mo ince cun la mort y le recort a nüsc defunc y nostes defuntes. N program de Sara Frenner.

Cursc
Atualmënter
Curs de bal
La Grupa Bal Populer de Sëlva y S. Cristina nvieia a unì a purvé y a mparé a balé l walzer, la polka y la »boa­rische«. L curs vën metù a jì mo ncuei, vënderdi ai 27 de utober dala 20:30 tla Cësa de Cultura de Sëlva bas ite.
Atualmënter
Curs de yoga
La Uniun Giulan mët a jí n curs de yoga por düc i liví vigni mercui dales 19:45 ales 21:15, cina ai 13 de dezëmber (adinfora dl 1.11.), a Costa­dedoi/San Ciascian. Le cost é de 15,00€ al iade plü 10,00€ por la iscriziun ala Uniun Giulan. Infos y prenotaziuns pro Alexis al 340 8279116.
06. y 13.11.
Calfosch: scora por geniturs
Le Consëi de formaziun da Corvara mët a jí na scora por geniturs de mituns danter 6 y 10 agn, cun la dra. Mar­garethe Mair (por todësch). Le curs é ai 6 y ai 13 de no­vëm­ber da sëra y costa 15,00€ a sëra. Informaziuns y iscri­ziuns pro Ajlin al 347 7598963.
08. y 15.11.
La Ila: »Renforzé nosc spiné«
La Uniun dles patrones de Badia organisëia döes serades olache la fisioterapista Albina Pescoller spligará le funzio­namënt dl spiné, ci che pó ti fá dann y co fá da le mantigní sann y sterch, por evité le me de spiné. Al gnará ince insigné valgügn eserzizi de basa. An s’incunta le mercui ai 8 y ai 15 de novëmber dales 20:00, te palestra dla scora mesana a La Ila.
18.11.
La Ila: curs de pröm aiüt
Le KVW La Ila organisëia n curs de pröm aiüt adöm ala Crusc Blancia, en sabeda ai 18 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, por i atri costel 40,00€. I posć é limitá da min. 6 a max. 16 porsones. Preno­taziuns pro Annelies al 328 8662333 anter i 8 de novëmber.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla ciasa di Stüdafüch a La Ila altaite. Les porsones de refe­rimënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
Dai 9 de novëmber inant é la bancarela dl mangé ma plü daverta vigni secunda jöbia, dales 9:30 ales 10:30 (proscimi termins 09. y 23.11. y 07.12. ez.). Da iló inant ti gnarál dé fora patüc da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gher­dëina (Urtijëi Cësa de Cultura; S. Cristina Cësa de Che­mun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Atualmënter
Picolin: portina por assistënza y cura
La Portina por l’assistënza y cura é daverta dui iadi al’ede­ma: le lönesc dales 14:00 ales 16:00, la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Pico­lin, tl’alzada a tera sön la man ciampa. Al vëgn chiló tut sö dötes les domandes por ci che reverda le guern dles porsones.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).