La Usc di Ladins

Mujiga
05.11
Cunzert dl Cor di Jëuni Gherdëina
L Cor di Jëuni Gherdëina cian­terà n dumënia ai 5 de nuvëmber dala 18:00 tla dlieja de San Durich a Urtijëi, sot ala bachëta de Samuel Rung­galdier.

Sport
Uni juebia
Ancunteda de sauté
I Gherdëina Runners mët a jì na ancunteda cun alenadëur per miuré la tecnica de sauté y per mparé leprò n con’ de chësc sport, uni juebia dala 19:00 nchin la 20:00 sun l ciamp dal sport Mulin da Coi. Dutes y duc ie de cuer nviei:des.
03.11.
Turnoi de tennis: ITF Men Val Gardena
L turnoi che ruva chëst ann a si cuinta edizion y à n mont­depesć de 15.000 euro, à metù man n dumënia tl Zënter dal Tennis de Sëlva. Ncuei vën­derdi ai 3 de nuvëmber puderàn ti cialé ai juesc dala 14:00-17:00 y duman sada ai 4 de nuvëmber dala 11:00-13:00.
12.11.
FC Gherdeina vs. ASV Latsch
La partida de campiunat de prumozion contra l ASV Latsch sarà n dumenia ai 12 de nuvëmber dala 14:30 ta Mulin da Coi. La ntreda costa 7,00€.

Mostres y Ert
Atualmënter
Mostra »Genus:Dredia«
Nchin ai 18 de nuvëmber pude­ràn ti cialé ala mostra »Genus:Dredia« tl Tublà da Nives te Sëlva. L se trata de na mostra culetiva de de plu artisć:tes: Anna Anvidalfarei, Manuel Bauer, Caroline Comploi, Manuel Dander, Felix Mahlknecht, Damian Piazza, Julia Prugger, Leonora Prugger, Elisa Rungger, Céline Silbernagl, Valeria Stuflesser y Tobias Tavella. La mostra ie davierta uni di ora che l lunesc dala 15:00 nchin la 18:00.
Atualmënter
»Shop & Art« Urtijëi
L proiet »Shop & Art«, pra chël che 33 artisć:tes de Gher­dëina meterà ora si lëures te 33 butëighes tl raion da jì a pe de Urtijëi jirà inant nchin a n dumënia, 5 de nuvëmber.
Atualmënter
L cëntejim ann de Adolf Vallazza
La mostra »Cënt ani d’ert«, cun lëures dai ani ‘70 nchin tl 2014 dl artist de 99 ani de Urtjiëi, tl Museum Eccel Kreuzer a Bulsan resterà davierta nchin ai 30.03.2024.
Atualmenter
Mostra de Veronica Zanoner
Enscin ai 11 de november te la sala Valentino Rovisi te Ciasa de Comun de Moena con orarie 10:00-12:00 e 16:00-19:00 se pel veder la mostra »Raìsh/Radici« de Veronica Zanoner Piccoliori del Gabana. En domenia ai 5 de november vijita a la mostra e recort de l’artista da les 4 domesdì en ocajion de la festa del Grop Ladin da Moena. Atualmenter
11.11
Mostra dl Fotoclub y premiaziun dl concurs 2023
Le Fotoclub Val Badia inviëia en sabeda ai 11 de novëmber dales 18:00, tl Istitut Ladin a San Martin de Tor, ala daurida dla mostra y premiaziun dl concurs cun le tema »Iadi fora por le monn«. La mostra restará daverta cina ai 24.11. tratan i orars dl Istitut: lönesc – jöbia 10:00 – 12:00 y 15:00 – 17:00, y vëndres 10:00 – 12:00. a.

Sozial
Atualmënter
Picolin: portina por assistënza y cura
La Portina por l’assistënza y cura é daverta dui iadi al’ede­ma: le lönesc dales 14:00 ales 16:00, la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les domandes por ci che reverda le guern dles porsones.
Atualmënter
Bancarela dl mangé a Badia
Dai 9.11. inant éra ma plü daverta vigni secunda jöbia, dales 9:30 ales 10:30 (proscimi termins 09. y 23.11. y 07.12.). Da iló gnarál dé fora patüc da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Senio­res). L ie da se lascé nuté su nchin al di dant da mesdì, cherdan su: per Urtijëi l 335 1031751, per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
03.11.
»Deberieda«: jon a spaz tl luech de Urtijëi
Ncuei, vënderdi ai 3 de nu­vëmber se ancónten dan la Cësa de Paussa de Urtijëi dala 14:00, per jì a fé na raida tres l bel luech de Urtijëi. »Debe­rieda« ie na grupa cun ulen­teres per se ancunté danter persones che à problems psichics o de sozialisazion.

Teater
04.–08.11.
»Indô (ma) scenes« a La Ila
L’Uniun Teater La Ila inviëia da gní a ti ciaré al toch »Indô (ma) scenes«, te Ciasa dla cultura a La Ila. I jobleri y les jobleres deboriada cun Erika Castlunger á arjigné ca n valgünes scenes che sará da odëi chisc dis: sabeda 04.11., domënia 05.11. y mer­cui 08.11., tres dales 20:30. L’entrada é debann y al ne vá nia debojëgn da prenoté.
04.–05.11.
»Le boxer« a La Pli de Mareo
L’Uniun dal Teater presentëia la comedia »Le boxer« (»Der Meisterboxer«) de Otto Schwartz y Carl Mathern sot ala regia de Tone Palfrader, ciamó ai 4.11. dales 20:00 y ai 5.11. dales 15:00. Les cher­tes pó gní apostades dan­fora danter les 17:00 y les 20:00 tres le nr. tel. 389 8158382, y vëgn venüdes ince n’ora dan le teater.

Dotours
Dutor Gherdëina
L dutor de servisc da n sada ai 04.11. dala 08:00 daduman nchin la 08:00 daduman de n lunesc ai 06.11. ie l dutor Michael Trocker de Urtijëi, streda Promeneda, tel. 388 2580002.
Doturs Val Badia
Tla fin dl’edema di 4 y 5 de novëmber él en sorvisc ti cin’ comuns dla Val Badia le dotur Alberto Caretta, Badia, tel. 0471 839706 o 380 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 04.11. nchin n vënderdi ai 10.11. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 3 de novëmber dales 19:00 al vëndres ai 10 de novëmber ales 19:00, é chëra d’Al Plan, tel. 0474 501240.

Cursc
06. y 13.11.
Calfosch: scora por geniturs
Le Consëi de formaziun Corvara mët a jí na scora por geniturs de mituns danter 6 y 10 agn, cun la dra. Marga­rethe Mair (por todësch). Le curs é ai 6 y ai 13 de novëmber da sëra y costa 15,00€ a sëra. Informaziuns y iscriziuns pro Ajlin al 347 7598963.
08. y 15.11.
La Ila: »Renforzé nosc spiné«
La Uniun dles patrones de Badia organisëia döes serades olache la fisioterapista Albina Pescoller spligará le funziona­mënt dl spiné, ci che pó ti fá dann y co fá da le mantigní sann y stersch, por evité le me de spiné. Al gnará ince insigné valgügn eserzizi de basa. An s’incunta le mercui ai 8 y ai 15 de novëmber dales 20:00, te palestra dla scora mesana a La Ila.
09.11.
Curs de cujiné
L KVW de Sëlva mët a jì n curs de cujiné de doi sëires cun l referënt y cuech Denis Demetz, ai 9 y ai 10 de nuvëm­ber, for dala 19:00, tla Pitla Sala dla Cësa di Cungresc de Sëlva. Per plu nfurmazions y iscrizions: KVW Sëlva.
11.11.
Workshop por mituns: Tintöra naturala dla lana
En sabeda ai 11 de novëmber dales 15:00 ales 17:00 él a Calfosch, str. La Poza 7, n workshop cun Giulia Alberti, por mituns da 2 agn insö. Ai pó fá na esperiënza creativa cun materiai naturai. Ai mëss gní acompagná da na porsona adulta. Le cost dl curs é de 12,00 euro a möt. Infos y prenotaziuns pro Alisa al 346 7915927.
18.11.
La Ila: curs de pröm aiüt
Le KVW La Ila organisëia n curs de pröm aiüt adöm ala Crusc Blancia, en sabeda ai 18 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, por i atri costel 40,00€. I posć é limitá da min. 6 a max. 16 porsones. Prenotaziuns pro Annelies al 328 8662333 anter i 8 de novëmber.
18.11.
Calfosch: curs de ultim aiüt
Les infermieres dl Raiun Sanitar dla Val Badia mët a jí n curs, olach’an impara da socodí y da ti sté dlungia tla dërta manira a porsones che é tl morí. Le curs vëgn tigní te biblioteca a Calfosch, en sabeda ai 18 de novëmber dales 8:30 ales 12:30. Referën­tes é les trëi infermieres dla Val Badia Mar­got Pizzinini, Edith Dapoz y Monica Trebo. Le curs é debann y por ladin. Prenota­ziuns anter i 17.11. al 0474 586155 dales 8:00 ales 9:30.

Avisc
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Nadel te na scatula dai ciauzei
Nce chëst ann vëniel metù a jì l’azion per ti purté mpue de legrëza a mutons y mutans de paejes pueresc. N possa mplenì una o nce plu scatules cun de pitla scincundes, scrijan su sce l ie per n mut o na muta y per ciuna età: 2-4 ani, 5-9 ani o 10-14 ani. Adatà fóssel a les mplenì cun n mescedoz danter roba per scola, de igiena y velch da guant. Sambën ie zeche da se tripé for bënudù. I pachetli pòssen dé ju dai 6 nchin ai 13 de nuvëmber tla trëi biblio­teches de Gherdëina. Iló iel nce da garat scatules uetes per chi che ne n’ëssa nia una adateda.
09.11.
Sëira de nfurmazion
La grupa »Nosc Cunfin« nvieia a na sëira de nfurmazion sunl parch naturel dla Grupa de Saslonch y i Plans de Cunfin, n juebia ai 9 de nuvëmber dala 20:00  tla sala »Lächler« a Ciastel.
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documen­tarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
04-05.11.
Festa 60 egn Grop Ladin de Moena
L Grop Ladin da Moena festeja sie 60° cedean. En sabeda ai 4 de novemner da les 21:00 te sala Simonin Maza de la Scoles conzert »Lingue inCantate« de Sociazion Aurona e »Le Muse e le Dolo­miti«. En domenia ai 5 da les 16:00 te Comun recorc e intervenc de salut, prejentazion e vijita a la mostra de Veronica Zanoner del Tinoto Gabana.
08.11.
»Se cognoscione?« con Fabio Chiocchetti
La Biblioteca de Cianacei met a jir la scontrèdes per ge portèr dant a la jent del post persones e fac de noscia tera. L secondo apuntament l é en mercol ai 8 de november da les 18:00 con Fabio Chioc­chetti che rejona de sie nef liber »Letres da Larcioné«. Se jirà inant ai 15 de november con Luca Micheluzzi che prejenta l liber sun sie giaf Gigio de la Simonina.
09.11
L aministrador de sostegn
L Servije sozio-assistenzièl ‘Spazio Argento’ del Comun General e l’APSP de Fascia envia duc a la sera de infor­mazion sul aministrador de sostegn, fegura che deida persones scherpentes. La scontrèda vegn metuda a jir adum col Comitat per l’Ami­nistrador de sostegn tel Trentin, te l’APSP a Sèn Jan en jebia ai 9 de november da les 20.30.
10.11
Servije Zivil te l’APSP de Fascia
I joegn dai 18 ai 28 egn i à l met de fèr na esperienza de gran valuta: 6 meisc de Servije Zivil, pean via col meis de dezember 2023, te la Cèsa de Paussa de Fascia. I enteressé pel manèr ite sia candidatura fin ai 10 de november. Per aer maor informazions chia­mèr l numer 0462 760240.
11.11.
Proa de evacuazion del impiant de Pecol
La SITC endreza en sabeda ai 11 de november la proa de evacuazion de la cabines del impiant portamont Cianacei-Pecol. Da les 15:45 vegn envià via l impiant, da les 16:00 vegn fat la simulazion vegn tirèr ju la jent. La sozietà chier jent che se mete a la leta per jir te cabina. Chi che à enteres pel chiamèr te ofize al 0462 608811 dant dai 6 de no­vember.

Chino
Atualmenter
Al chino de Tieser
Insnet, vender ai 3 de no­vember da les 21:15 e domenia ai 5 da les 17:00 vegn moscià »Five nights at Freddy’s«, sabeda ai 4 da les 16:30 e da les 20:30 l é »Killers of the Flower Moon«, en domenia ai 5 da les 20:30 l é »Assassinio a Venezia«, en jebia ai 9 de november da les 21:15 l é »Ver­meer-The Greatest exhibition«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
07.11.
Monumënc y arpejuns: Les capeles y i anteriöi te Fodom
Dales 20:50 ca. Te Fodom él valgünes capeles a anteriöi che nes cunta nia ma la devo­ziun y la fede dla comunité da inlaota, mo ai nes fej ince conësce les fraziuns dl comun de Fodom dalunc da La Pli o da Rèba. Vigni capela y anteriöl á na süa storia parti­colara y á albü na gran impor­tanza por la popolaziun da inlaota y valgügn de chisc á ciamó aldedaincö n significat particolar por la comunité. N program de Erika Castlun­ger, camera y tai de Hans Peter Karbon.
08.11.
Ladiniatour: i jëuni y la jëu­nes dà n ritm nuef al ladin
Dales 20:50 ca. I jëuni y la jëunes, cun si mujiga da druch, à pra l Ladiniatour dat vivanda nueva ala rujeneda ladina. De chësta sëires de mujiga moderna, ma nce de n’autra gran ancunteda, nia di ladins, ma dla mendranza di Friesen, iel da uëi velch de plu tla edizion nueva de Men­dret. Program de Elisabeth Kostner, a cura de Anna Mazzel.
09.11.
Monumënc y arpejuns: Cia­ses nobles a Col de S.Lizia
Dales 20:50 ca. Col de Santa Lizia é n paisc plëgn de storia, storia liada dantadöt ales mineores dl fer dl Fursil, che é stades le motor dl’economia de chësc teritore por tröc agn alalungia. Tl zënter de Col, tla fraziun Vila, él döes ciases storiches che nes recorda chësc tëmp passé, la Cesa de Jan y la Cesa Piazza, che é gnüdes tramedöes fates sö da fami­lies nobles. Aldedaincö él tla Cesa de Jan la sënta dl Istitut Cultural Ladin, na pert dla Cesa Piazza é ciamó abitada y na pert é gnüda cumprada dal Comun. N program de Erika Castlunger, camera y tai de Hans Peter Karbon.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
07.11.
Le ejam de ladin
Dales 13:45. Le ejam de ladin é gnü metü sö tl 1976 por arjunje le reconoscimënt dl trilinguism tres n atestat. Rut Bernardi, che é bele tosc 30 agn tla comisciun de ejam, nes dij tl detail de ci che ara nen va y co che i candidac y les candidates po se arjigné ca a chësta proa. N program de Sara Frenner.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
04.11.
Le Caucasus y le conflit dl Nagorno Karabakh
Dales 19:05. Le Caucasus, punt danter l’Europa y l’Asia, é n mosaich de cultures, reli­giuns y lingac. Mo al é ince na tera de conflic. Un de chisc reverda le Nagorno Karabakh, n’enclave armena tl teritore dl Azerbaijan. Pro­gram de Iris Del Valle.
06.11.
Die Ladiner – na storia de suzes
Dales 19:05. L ie una dla gru­pes de mujiga da mont plu populeres y de suzes. Cun feter doi milions de albums vendui te doi dejeneis y bën 26 CDs prudotes, ie la grupa »Die Ladiner« n inuem cune­sciù n lonch y n lerch tla mujiga da mont de rujeneda tudëscia. Scumencià ova dut cun l segondo post pra l Gran Prix der Volksmusik tl 2002 y l trionf dl 2004 cun l pez »Beuge dich vor grauem Haar«. Y da ilò n rait de suzes zënza fin nchina ncueicundì. Nter­vista cun Joakin Stuffer, cumëmber storich dla grupa de Gherdëina. Program de Leo Senoner.
08.11.
Emergenza cèses
Dales 19:05. Troèr na cèsa, n cartier per viver doventa semper più senester ti nosc raions a vocazion turistica olache no mencia la ceses ma les vegn destinedes ai turisc più che a chiche vif sul teri­torie. La problematica é doedò più sentuda te nosc raion olache tropes joegn cogn jir a se chierir n cartier fora de val se i vel meter su familia ajache i priesc é massa auc e se stenta ai troèr ajache la gran pèrt di cartieres vegn fitè a foresc o é de foresc e resta gran pert de l’an vec. I aministradores scomenza a en rejoner e valgugn joegn à envià via vèlch azion concreta. Program de Anna Mazzel.
09.11.
La molera, la tlompera, la sotlera
Dales 19:05. »Ëres tl artejanat Val Badia«, insciö á inom l’uniun metöda adöm dales artejanes, che i orun ves presenté te chësc program. N program de Sara Frenner.

Religion
11.11.
Mëssa per la families
N sada ai 11 de nuvëmber dala 17:00 te dlieja a Urtijëi cun sn. pluan Vijo Pitscheider. Duc i jëuni, jëunes, mutans, mutons, popsc, genitores, nëinesc y laves ie nviei a chësta mëssa per la families.

Temp Lede
03.11.
15 menuc de stories
Tla biblioteca de San Durich a Urtijëi cunterà Patrizia na blòta storia per mutons y mutans, ai 3 de utober dala 15:00.
04.11.
Chino per mutons:ans
N duman, sada ai 4 de nuvëm­ber dala 17:00 uniral mustrà l film tla rujeneda tudëscia »Rennschwein Rudi Rüssel« tla sala de Chemun de S. Cristina. L film dura 101 me­nuc y ie adatà per mutons:ans dai 7 ani insù. La ntreda ie liedia.
07.11.
Café dla rujenedes per nglëisc, franzëus y spanuel
Ntan l Café dla rujenedes tla biblioteca de San Durich a Urtijëi uniràl rujenà franzëus uni merdi dl mëns, for dala 09:30. Per nglëisc saràl ntant­sce uni mierculdi dl mëns, for dala 09:30 y per spanuel uni juebia de chësc mëns, or dala 09:30. Na cunescënza de basa dla ruje­neda ie bënududa.
09.11.
La Ila: domisdé cun jüc da mësa
Le pulmin di jüc dl »Spiele­verein Dinx« storj pro en jöbia ai 9 de novëmber dales 15:30 ales 17:30 a La Ila. Te biblio­teca pó pici y gragn passé n domisdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
11.11.
Bal dla Musiga da La Val
En sabeda ai 11 de novëmber dales 20:00 inant, te salf dles manifestaziuns da La Val. Al sona la Böhmische da La Val y spo i »Bohemiacs« dal Tirol.