La Usc di Ladins

Dotours
Dutor Gherdëina
L dutor de servisc da n sada ai 11.11. dala 08:00 daduman nchin la 08:00 daduman de n lunesc ai 13.11. ie l dutor Simon Kostner de Sëlva, tel. 347 2297492.
Doturs Val Badia
Tla fin dl’edema di 11 y 12 de novëmber él en sorvisc ti cin’ comuns dla Val Badia le dotur Guido Caretta, Cal­fosch/Corvara, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n sada ai 11.11. nchin n vënderdi ai 17.11. ie chëla de Sëlva, tel. 0471/795142 o 333/1776615, (davierta dala 8.30 - 12.30).
Apoteca Val Badia
L’apoteca en sorvisc fora dl orar ordinar, dal vëndres ai 10 de novëmber dales 19:00 al vëndres ai 17 de novëmber ales 19:00, é chëra da Corvara, tel. 0471 830237.

Religion
11.11.
Mëssa per la families
N duman, sada ai 11 de nu­vëm­ber dala 17:00 te dlieja a Urtijëi cun sn. pluan Vijo Pitscheider. Duc i jëuni, jëu­nes, mutans, mutons, popsc, genitores, nëinesc y laves ie nviei a chësta mëssa per la families.
11.11.
Preparaziun al Bato
Geniturs che á n viadú da batié, pers che aspeta, totes y toc dl decanat Val Badia é invia ala preparaziun al Bato, en doman sabeda ai 11 de novëmber dales 15:00 ales 17:00, te salf de calonia a San Ciascian. Dedô pice renfrësch. Prenotaziuns al 334 3200396.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 1698343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é daverta vigni secunda jöbia, dales 9:30 ales 10:30 (proscimi termins 23.11. y 07.12.). Al vëgn dé fora da mangé a dötes les porsones dla Val Badia che á debojëgn.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Atualmënter
Picolin: portina por assistënza y cura
La Portina por l’assistënza y cura é daverta dui iadi al’ede­ma: le lönesc dales 14:00 ales 16:00, la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Pico­lin, tl’alzada a tera sön la man ciampa. Al vëgn chiló tut sö dötes les domandes por ci che reverda le guern dles porsones.

Cursc
18.11.
La Ila: curs de pröm aiüt
Le KVW La Ila organisëia n curs de pröm aiüt adöm ala Crusc Blancia, en sabeda ai 18 de novëmber dales 14:00 ales 18:00, tla sënta dla Crusc Blancia Alta Badia a La Ila, str. Boscdaplan 101. Le curs é debann por i scric ite ala Crusc Blancia, por i atri costel 40,00€. I posć é limitá da min. 6 a max. 16 porsones. Prenotaziuns pro Annelies al 328 8662333 anter i 8 de novëmber.
18.11.
Calfosch: curs de ultim aiüt
Les infermieres dl Raiun Sanitar dla Val Badia mët a jí n curs, olach’an impara da socodí y da ti sté dlungia tla dërta manira a porsones che é tl morí. Le curs vëgn tigní te biblioteca a Calfosch, en sabeda ai 18 de novëmber dales 8:30 ales 12:30. Refe­rëntes é les trëi infermieres Margot Pizzinini, Edith Dapoz y Monica Trebo. Le curs é debann y por ladin. Preno­ta­ziuns anter i 17.11. al 0474 586155 dales 8:00 ales 9:30.
21.11.
Curs: reanimaziun cun AED
Le Consëi de formaziun d’Al Plan en colaboraziun cun la Crusc Blancia mët a jí n curs por imparé da fá na reanima­ziun cun le defibriladú AED. Le curs vëgn tigní en sabeda ai 21 de novëmber dales 18:30 ales 21:00, te salf di stödafüch a Al Plan. Al é da s’anunzié anter i 15 de novëmber pro Gustl Kaneider al 335 1050216 (do les 17:30).

Temp Lede
Atualmënter
Café dla rujenedes per nglëisc, franzëus y spanuel
Ntan l Café dla rujenedes tla biblioteca de San Durich a Urtijëi uniràl rujenà franzëus uni merdi dl mëns, for dala 09:30. Per nglëisc saràl ntant­sce uni mierculdi dl mëns, for dala 09:30 y per spanuel uni juebia de chësc mëns, for dala 09:30. Na cunescënza de basa dla rujeneda ie bënududa.
11.11.
Batadù di Artejans n pension de Gherdëina
I Artejans n pension de Gherdëina mët a jì n domesdi de batadù, n sada ai 11 de nuvëmber dala 14:00 tla sala Raiffeisen te Cësa de Chemun a S. Cristina. N giaperà nce na pitla marënda y i:la miëures o i:la plu fertunei:des puderà vëncer de biei pesć. N possa se nuté su n chël di dala 14:00, da paie ite iel 15,00 euro.
11.11
Alexander dal Plan y Christian Ferdigg: serada de musiga y poesia
»Te tü cialzá« é le tema chirí fora dai consëis de formaziun a livel provinzial, por sensibi­lisé da se sintí ite tla situaziun de d’atres porsones. Sot a chësc tema inviëia le Consëi de formaziun d’Al Plan a na sëra de musiga y poesia cun Alexander dal Plan y Christian Ferdigg, en sabeda ai 11 de novëmber dales 20:00, te salf dla Raiffeisen a Al Plan.
11.11.
Bal dla Musiga da La Val
En sabeda ai 11 de novëmber dales 20:00 inant, te salf dles manifestaziuns da La Val. Al sona la Böhmische da La Val y spo i »Bohemiacs« dal Tirol.
12.11.
Cianté en compagnia
Le Cor de dlijia da San Martin inviëia en domënia ai 12 de novëmber dales 11:00 ales 17:00 da gní te palestra da San Martin por festejé le vësco San Martin de Tours. Al gnará cianté en compagnia cun le cor de dlijia y le cor di mituns.
13.11.
Ancuntedes de letura
La biblioteca de San Durich a Urtijëi nvieia ala ancuntedes de letura, ulache l vën liet l liber »Racconti Romani« de Jhumpa Lahiri. La ancuntedes mët man 13 de nuvëmber y jirà inant uni lunesc, for dala 18:00.

Mostres y Ert
Atualmënter
Mostra »Genus:Dredia«
Nchin ai 18 de nuvëmber puderàn ti cialé ala mostra »Genus:Dredia« tl Tublà da Nives te Sëlva. L se trata de na mostra culetiva de de plu artisć:tes: Anna Anvidalfarei, Manuel Bauer, Caroline Comploi, Manuel Dander, Felix Mahlknecht, Damian Piazza, Julia Prugger, Leonora Prugger, Elisa Rungger, Céline Silbernagl, Valeria Stuflesser y Tobias Tavella. La mostra ie davierta uni di ora che l lunesc dala 15:00 nchin la 18:00.
11.11
Mostra dl Fotoclub y premiaziun dl concurs 2023
Le Fotoclub Val Badia inviëia en sabeda ai 11 de novëmber dales 18:00, tl Istitut Ladin a San Martin de Tor, ala daurida dla mostra y premia­ziun dl concurs cun le tema »Iadi fora por le monn«. La mostra restará daverta cina ai 24.11. tratan i orars dl Istitut: lönesc – jöbia 10:00 – 12:00 y 15:00 – 17:00, y vëndres 10:00 – 12:00.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
14.11.
S-Link n saut tel mond digitèl: En aut coi drons
Dales 20:50 ca. L dron anche­condì l é n aparat rich de inovazion che l se empreval de grana tecnologies per esser dorà te desvalives setores con semper più aplicazions. N setor chel di drons che l domana de neva competenzes averjan i ujes a più sorts de mestieres e a curiouses ende­sfides per l davegnir. Program de Cinzia Pistoia, a cura de Anna Mazzel.
15.11.
Trail spezial: Ra Regoles
Dales 20:50 ca. Na gran pert dal teritor ampezan, dantadöt dai bosc y dles pastöres, é proprieté coletiva co vën ami­nistrada da Ra Regoles d’An­­pezo: ara mëss romagne a desposiziun dla comunité y ne pó nia gní venüda. Da secui incá vëgnera manajada cun l’avalianza de sfrutamënt por les families, zënza comer­zialisaziun y insciö sfrutamënt ezessif. A chësta manira á Ampëz conservé caraterstiches dla contrada ch’an á da vedla­mënter incá. Le pröm corpus de regolamënc con­servé por les Regoles é le »sta­tut ciado­rin« dl 1338: chëra de Ra Regoles é na tradiziun de secui. Ra Regoles á ince albü importanza a livel politich: le parch natural dles Dolo­mites d’Ampëz é nasciü por orenté dles Regoles y vëgn döt­aurela aministré da Ra Regoles. A cura de Mateo Taibon.
16.11.
L dauní odù dai ladins: Am­­­bient y mudamenc tl tlima
Dales 20:50 ca. I mudamënc dl tlima sënten y vëijen nce tla Ladinia. Co se anjinine pa ca sun l daunì y cie fej pa la generazions jëunes per pudëi resté a lauré y viver te nosta valedes? Tla trasmiscion nueva de »L daunì udù dai ladins« purverons a dé vel’resposta. Program de Elisabeth Kostner, a cura de Anna Mazzel.

Radio
LADINIA LIVE: microfons daverc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
11.11.
Momënc de vita – intervista a Luciana Palla
Dales 19:05. Luciana Palla é nasciüda y chersciüda sö tla fraziun de Daghé a Fodom, ara á fat la scora mesana y la scora alta a Porsenú y dedô éra jüda a studié filosofia a Bologna; tratan che ara insignâ storia y talian te na scora alta a Belun ára ince studié storia tl’université de Aunejia. Luciana nes cunta de sü stüdi y dantadöt de so laur de inrescida storica y de süa pasciun por la storia de so teritore. N program de Erika Castlunger.
12.11.
Doi enes de tennis nternaziunel te Gherdëina
Dales 19:05. L autonn ie stat te Gherdëina tl sëni dl tennis cun doi turnoies di ëi, n ATP Challenger 50 a Urtijëi y n ITF da 15.000 dollars te Sëlva. L diretëur dl turnoi de Sëlva Wolfgang Wanker conta de chësta manifestazion nter­naziunela cun la partezipazion de jugadëures da sies nazions y da audì iel nce cunscidrazions di jugadëures de Gherdëina: Gabriel Moroder, Erwin Tröbinger y Patric Prinoth. Trasmiscion de Alex Rung­galdier.
15.11.
Persones e curiositèdes: Antonia Verocai e Maria Domitilla Bernard
Dales 19:05. Viver e fèr viver la storia didan a contèr e moscèr fac sozedui é chel che caraterisèa chesta doi eles. Antonia Verocai Zardini de Ampez l é stat anter la prumes fotoreporter de vera lascian fotografìes che conta i fac sozedui tel raion de Ampez endèna la Gran Vera, enveze Maria Domitilla Bernard cognosciuda desche Mitzi se à troà a petenèr e embeletèr artistes de nonzech ti egn 40 e 50. Program de Anna Mazzel e Anelise Vian.
16.11.
Massa è demassa: les dependënzes
Dales 19:05. Na dependënza po mëte man bele te cöna y cotanc po ester i faturs che condüj te chësta tënora. Le psicologh y psicoterapeut Edmund Senoner nes dij, co che na dependënza se fej lerch y sciöche ara po gní afrontada sides dala porsona trata ite che dai familiars. N program de Sara Frenner.

Sport
16.11.
HC Gherdëina vs. HDD SIJ Acroni Jesenice
L juech de Alps Hockey Lea­gue contra l HDD SIJ Acroni Jesenice unirà a s’l dé n juebia ai 16 de nuvëmber dala 20:30 tl stadio Pranives te Sëlva.
19.11.
Raiffeisen ITF Woman Val Gardena Südtirol
L turnoi ITF dl’ëiles scu­mëncia n dumënia che vën, ai 19 de nuvëmber tl zënter dal tennis de Runcadic y jirà inant per duta l’ena. Atletes prufesciunistes de livel nterna­ziunel aut jugherà per n montdepesć da 25.000€.

Chino
Atualmenter
Al chino de Tieser
Insnet, vender ai 10 de novem­ber da les 21:15, sabeda ai 11 e domenia ai 12 da les 17:30 vegn moscià »Trolls 3«, sabeda ai 11 da les 21:15 e domenia ai 12 da les 20:30 l é »The Marvels«.

Teater
15.11.
A teater a Tieser
En mercol ai 15 de november da les 20:45 te teater de Tieser la compagnia AriaTeatro con Stefano Pietro Detassis porta dant l toch »Diavolo di un Tita« de Mario Vanzo.

Avisc
Atualmenter
Film: »A journey to Auschwitz«
Giacomo Gabrielli con la Filmart Pictures ge à metù man con n montaje amò più da emozion a sie film-documentarie »A journey to Auschwitz«. La neva verscion definitiva da 75’ é ades a la leta, per semper, sul canal youtube de Filmart Pictures. Se pel l veder dal link: https://youtu.be/vghgribwqcm
Atualmenter
I oraries de Pedies
Pedies vegn moscià sul canal 10 de la televijion, Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal se pel l veder canche se vel orian co la friza en su i sotcanai HBBTV, sot la ousc TML. Duc i video e filmac dac fora dal Comun General e da l’Union di Ladins é da poder veder ence sul canal Tv Ladina de Youtube.
Atualmënter
Nadel te na scatula dai ciauzei
Nce chëst ann vëniel metù a jì l’azion per ti purté mpue de legrëza a mutons y mutans de paejes pueresc. N possa mplenì una o nce plu scatules cun de pitla scincundes, scrijan su sce l ie per n mut o na muta y per ciuna età: 2-4 ani, 5-9 ani o 10-14 ani. Adatà fóssel a les mplenì cun n mescedoz danter roba per scola, de igiena y velch da guant. Sambën ie zeche da se tripé for bënudù. I pachetli pòssen dé ju dai 6 nchin ai 13 de nuvëmber tla trëi biblioteches de Gherdëina. Iló iel nce da garat scatules uetes per chi che ne n’ëssa nia una adateda.
Atualmënter
L’Ofize de »Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tl Paternsteig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
10.11
Servije Zivil te l’APSP de Fascia
I joegn dai 18 ai 28 egn i à l met de fèr na esperienza de gran valuta: 6 meisc de Servije Zivil, pean via col meis de dezember 2023, te la Cèsa de Paussa de Fascia. I enteressé pel manèr ite sia candidatura fin ai 10 de november. Per aer maor informazions chia­mèr l numer 0462 760240.
11.11.
Proa de evacuazion del impiant de Pecol
La SITC endreza doman, sabeda ai 11 de november, la proa de evacuazion de la cabines del impiant portamont Cianacei-Pecol. Da les 15:45 vegn envià via l impiant, da les 16:00 vegn fat la simulazion per tirèr ju la jent.
14.11.
Sentada generala dl Consëi de formaziun da Corvara
En mertesc ai 14 de novëmber dales 18:00, te biblioteca da Calfosch. Inviá é i rapresen­tanc dles uniuns y porsones interessades ala cultura y ala formaziun.
15.11.
»Se cognoscione?« con Luca Micheluzzi
La Biblioteca de Cianacei met a jir la scontrèdes per ge portèr dant a la jent del post persones e fac de noscia tera. L terzo apuntament l é en mercol ai 15 de november da les 18:00 con Luca Micheluzzi che prejenta l liber sun sie giaf Gigio de la Simonina.
16.11.
Laboratorie per fèr guanc
I Servijes linguistics e culturèi del Comun General de Fascia endreza en jebia ai 16 de november da les 14:00 a les 16:00 te Liceo artistich de Sèn Jan n picol laboratorie con idees e consees per concèr guanc o ge dèr na neva par­buda con la sartora Emanuela Palle. Se enscinuèr al 0462 764500 opz 4 o cultura@cgf.tn.it.
17.11.
Prejentazion de Fac
En vender ai 17 de november da les 17:00 te Caserma di Studafech de Vac a Pera l’Union di Ladins prejenta l quarto e quinto numer del projet grafich Fac de Ismaele Soraperra. A la fin de la prejen­tazion castagnes en compagnia.
17.11.
Laboratorie creatif Berlichete
I Servijes Linguistics e Cul­turèi del Comun General endreza en vender ai 17 de november te Ciasa de la Moniaria a Sèn Jan n labora­torie creatif per bec dal ultim an de scolina a la quinta populèra con Alice e Manuela de MarameoLab. Se pel cerner l orarie: 14:30-16:00 o 16:30/18:00. Enscinuazions dant da en mercol ai 15 de november al 0462 764500 int. 4 o cultura@cgf.tn.it.
18.11.
Senteda Generela dla Lia di Ciambonfs
La Lia di Ciambonfs nvieia ala senteda generela n sada ai 18 de nuvëmber dala 18:00 tla pitla sala dla Cësa de Cultura te Sëlva. Dant, dala 16:00 inant, vëniel metù a ji n batadù da 32, per chël che n possa se nuté su sot al 335 6558633. Nteressei:des, sustenidëures y simpatisanc:tes ie de cuer nviei:des.

Mujiga
11.11.
Rassegna de Cores da mont
L Cor Valfassa met dant en sabeda ai 11 de november da les 20:30 te gejia del Sacro Cher de Cianacei la rassegna »Ciantèr sa mont« con la partezipazion del Cor La Biele Stele de Bologna e del Cor Sasso Rosso de Malè.
12/18.11.
Conzerc del Canticum Novum
L Ensemble Canticum Novum da Moena porta dant doi conzert per contèr si 30 egn de storia dal titol »Oh, quant’è bello!«. En domenia ai 12 de november da les 17:00 te sala Bavarese de Tieser e en sabeda ai 18 de november da les 20:30 te sala Simonin Maza de la scoles de Moena.