La Usc di Ladins

Referac
Atualmënter
Berstot per genitores
La Lia Gaia nvieia a chësc workshop per genitores cun l referënt Heinz Senoner y Linda Faconti. La scumën­ciadiva à l fin de renfurzé genitores te si vester genitores. L sarà mo una na ancunteda, ai 11.12. dala 20:00, tl self »Matada« tla Cësa di Cungresc a Urtijëi. Iscrizions sun www.pro-gaia.net.

Teater
Atualmenter
Sajon teatrèla de Fiem
L é tacà ite la sajon teatrala de Fiem con n grum de apun­ta­menc ti teatres de Tieser e Pardac. En domenia ai 8 de dezember da les 20:45 te teater de Tieser la Contrada Teatro Stabile de Trieste porta dant »Dio è una signora di mezza età« n spetacol de Emanuela Grimalda e la regia de Massimo Navone.

Temp Lede
Atualmënter
Marcià da Nadel te Sëlva
L Marcià da Nadel te Sëlva sarà daviert uni di, dai 6.12. nchin ai 8.12. dala 11:00 inant nchin la 19:00; duc i autri dis, nchin ai 5 de jené saràl daviert dala 15:00 nchin la 19:00.
Atualmënter
Luech da Nadel a Urtijëi
L marcià da Nadel tl raion da jì a pe de Urtijëi sarà daviert nchin ai 5 de jené. Coche nce i ultimi ani saràl de plu butëi­ghes che meterà ora si marcan­zies y nce vel’ stont ulache n puderà se maië y bever zeche. I oreres de giaurida ie da abiné sun valgardena.it
Atualmënter
Juech y devertimënt per mëndri:es
Sun la pitla plaza de S. Antone a Urtijëi mët la Schiera Junila de Urtijëi a jì n program de aurela curta per mutons:ans: uni vënderdi y dumënia sëira, 17:00–18:00. Ncuei, 6.12. fajeràn chertes da Nadel, ai 8.12. scrijeràn na lëtra a Gejù Bambin y ai 13.12. puderàn pastelné decurazions per lën da Nadel.
Atualmënter
Ala descurida da La Val
Na ciacia al tesur condüj fora por le paisc da La Val. Tratan döt l’invern pón tó pert a na spazirada interativa. Deplü indic daidará i partezipanc da ciafé le tesur. Na ocajiun olache an pó ince descurí tröpes coriosités dl paisc. Infos y materiai da pié ia ciafon tl ofize turistich a La Val.
Atualmënter
La Val slomina tla nöt
Sëgn de dezëmber gnarál a La Val vigni de daurí na finestra de n calënder d’Advënt particolar, olache al gnará ilominé na finestra de na ciasa tl zënter de paisc, dales 17:00 inant. Chëstes pón amiré cina ai 6 de jená. Incö vëndres ai 6.12. dales 17:00 y ai 7.12. dales 18:00 pón se gode n gote de vin cöt sön plaza, cun melodies da Nadé.
Atualmënter
Marcé da Nadé a Corvara
Le marcé da Nadé a Corvara deura ai 6 y ai 8 de dezëmber y spo indô dai 13 ai 15, dales 16:00 ales 19:00. Pro deplü üties ciafon boandes cialdes y ince produc de artejanat local. Ai 7.12. dales 17:00 inant sona le Arton Duo.
Atualmënter
San

• 
•  

View the embedded image gallery online at:
https://www.lausc.it/manifestazions-y-evenc/28408-manifestazions-atuales#sigProId22232b710c

Ciascian: Nadé te plaza
Le paiun de paisc i fej da cornisc al »Nadé te plaza« a San Ciascian, dai 6 ai 8 y dai 13 ai 15 de dezëmber, tres dales 16:00 ales 19:00. En domënia ai 8.12. sarál n grup musical che acompagnëia la serada cun musiga da Nadé. Implü podarán ciarcé spezia­lités dl post y cumpré produc fac a man.
06.12.
San Micurá a Calfosch, La Ila y Badia
Incö vëndres ai 6 de dezëmber vëgnel San Micurá a ciafé i mituns ti paisc dl’Alta Badia. A La Ila pón l’incunté sön plaza dan la Scora de Schi dales 17:00, a Calfosch sön plaza de dlijia dales 17:30 y a Badia sön plaza dlungia dlijia dales 18:00.
06.12.
San Micurá a Al Plan
Incö vëndres ai 6.12. dales 16:45 él San Micurá che pëia ia dan l’ofize turistich d’Al Plan, por rové dales 17:00 sön le marcé d’Advënt pro paiun, olache al é boandes cialdes y scincundes por i mëndri.
06. y 08.12.
Adöm te plaza a Calfosch, Badia y La Ila
Incö ai 6.12. dales 18:15 ales 20:00 él sön plaza dan dlijia de Badia musiga da Nadé cun val’ de cialt da bëre y na jopa. Sön plaza de dlijia a Calfosch pón ascuté melodies da Nadé pro val’ de cialt dales 16:30 ales 17:30. A La Ila s’incunton ai 08.12. dales 18:00 ales 21:00, pro paiun de paisc.
07.12.
Festa por daurí l’invern
En doman sabeda ai 7 de dezëmber vëgnel festejé tl Gran Risa Chalet jödapé dla Gran Risa la »Opening Party Invern«. Dales 17:00 inant podarán se devertí cun la musiga di DIJ de Ö3.
11. y 12.12.
Nos Ladins cun Arthur y Gemma
Tres l’iniziativa »Nos Ladins« án la poscibilité da descurí deplü sön le monn ladin y sön i mistiers de nosta jënt. En mercui ai 11.12. dales 14:00 a San Ciascian pón descurí le telemark cun Arthur; en jöbia ai 12.12. dales 9:00 pón imparé cun Gemma da fá a spëi. Iscriziuns online o ti ofizi turistics dl’Alta Badia.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
10.12.
Sport ladin
Dales 20:50 ca. De Diego Clara y Hartmann Mairhofer, a cura de Leo Senoner.
11.12.
Mendret: fè e pelegrinajes
Dales 20:50 ca. Trei mendran­zes, trei pelegrinajesc, trei desvalives mec de viver e desmostrèr la fè. Fajon n viac anter tradizions, emozions e vites di pelegrins. Na trasmi­scion che sotrissèa la forza che la spiritualità mantegn amò anchecondì. Program de Matilde Gazzini, a cura de Anna Mazzel.
12.12.
Nosta scola: Atualità dala scoles dla valedes ladines
Dales 20:50 ca. Program de Lena Mulser y Hanspeter Karbon, a cura de Alessandro Dapunt.

Radio
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
11.12.
La neva edizion de gana
»Dutes per una – solidarietà feminila« l é l titol del numer 28 de gana con stories e esperienzes de eles che se à dat ju o se dèsc ju per ge dèr de contra a n mond che é semper più ret da egoismes e conflic. Te chest contest la eles l é cheles che padesc de più purampò n é tropes che se dèsc jù con azions creatives e concretes. En rejonon con Ingrid Runggaldier, conduzion Anna Mazzel.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
08.12.
L servisc de trasport publich debant per duc!
Dales 19:05-19:30. Tl cunsëi dla Lia Natura y Usanzes iel n vënt frësch. I cunselie­res Ujep Runggaldier y Sabine Pitscheider conta dl’atività, nce dl marcià da Nadel che la lia mët a jì. N auter focus ie l trasport publich, ulache ai prejënta na pruposta per valivé ora la ngiustizia che i patins paia de manco che la jënt da tlo. Trasmiscion de Sofia Stuflesser.
09.12.
Lifc da ntlëuta (4) – Bernhard Stuffer
Dales 19:05. L cunsëi de fur­mazion de S.Crestina à pre­jentà na nrescida fata da Ugo Insam y Patrick Senoner sun i vedli lifc dai schi de Gher­dëina, cun la testemunianzes di patrons da ntlëuta. Te chësta trasmiscion audions i lecorc de Bernhard Stuffer de S.Crestina che menova l lift sun Cëndevaves. Program de Leo Senoner.
11.12.
Jent da zacan: Francesco Facchini e Giovanni Pattis
Dales 19:05-19:30. Doi per­sones che curèa la jent ence con la natura. Francesco Facchini n dotor e botanich de nonzech che à ence descorì più erbes e l’à scrit libres de botanica e Giovanni Pattis che da si esperienza co la erbes l’à creà l’ont dal mil, inche­condì venù ence te speziaria. Program de Anna Mazzel e Anelise Vian.
12.12.
Elegant y gaiert: le ciaval
Dales 19:05-19:30. Te chësc program ti junse do ales pedies y al svilup storich de n tier che da vedlamënter incá á acompagné la porsona tl laur, tl trasport, te vera, tl sport y incö ince tla terapia. N pro­gram de Sara Frenner.

Sport
07.12.
HC Gherdëina vs.Zeller Eisbären
Tl stadio Pranives de Sëlva saràl n sada ai 7 de dezëmber dala 20:30 la partida dl cam­piunat AHL (Alps Hockey League) danter l HC Gher­dëina y i Zeller Eisbären.

Dotours
Dutor Gherdëina
L dutor de servisc da n sada ai 07.12. dala 08:00 daduman nchin la 08:00 daduman de n lunesc ai 09.12. ie l dutor Valentin Tröbinger de Sëlva, tel. 0471/773073 o l 335 6844944.
Doturs

• 
•  

View the embedded image gallery online at:
https://www.lausc.it/manifestazions-y-evenc/28408-manifestazions-atuales#sigProId22232b710c

Val Badia
Tla fin dl’edema di 7 y 8 de dezëmber él en sorvisc ti co­muns de Mareo y San Martin la doturia Stefania Febbraro, Al Plan, tel. 377 3288595. Ti comuns de Badia, Corvara y La Val él en sorvisc le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca de servisc ora dl orar urdiner de giaurida da n sada ai 07.12. nchin n vën­derdi ai 13.12. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 6 de dezëmber dales 19:00 al vëndres ai 13 de dezëmber ales 19:00, é chëra da Corvara, tel. 0471 830237.

Avisc
Atualmenter
I oraries de Pedies
Se pel veder Pedies sul canal 10 de la televijion Trentino TV, de sabeda da les 18:00 , de domenia da les 13:30 e de lunesc da les 11:30. Con Smart TV sul medemo canal l é semper a la leta orian co la friza en su i sotcanai HBBTV, sot la ousc TML. Duc i video e filmac dac fora dal Comun General é ence sul canal Tv Ladina de Youtube.
Atualmënter
Lëtres: cunliamënt Pana – Sautaria
La grupa Nosc Cunfin fej al savëi che la lëtres pòssen inant jì a to tla biblioteches a Urtijëi, S. Cristina y Sëlva y che n possa dé ju si usservazions mé 1) tres PEC o 2) tres na letra recumandeda o dajan ju persunalmënter la lëtra ti Chemuns de S.Cristina o Ciastel nchin ai 06.12.2024.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Fa­conti. L cost ie de 5€ per cu­mëmbri dla Lia Gaia.
06-08.12.
Marcià de solidarietà
Te la sala a pepian del Comun de Sèn Jan a Poza, apede a la Postes, dai 6 ai 8 de dezember vegn metù fora e venù douces e roba fata a man da la femenes da Pera. Dut chel che vegn ite va per la Miscions travers l Grop Freinademetz. L é avert en vender ai 6 da les 15:00 a les 19:00; en sabeda e en domenia da les 10:00 a les 12:00 e da les 15:00 a les 19:00.
09-11-16.12
Cojinèr a na vida sostegnibola
»Jir a proveder, cojinèr e ma­gnèr a na vida ecososte­gnibola e sèna« l é l nef codejel de ‘Entener e se fèr entener’ di Servijes linguistics del CGF. L vegn prejentà en lunesc ai 9 de dezember da les 20:30 te Ciasa de la Moniaria a Sèn Jan; ai 11 e 16 da les 17:30 e da les 20:00 l é n picol corsc de cojina con Andrea Zanoner: prenotazion fin a 6 al 0462 764500/4 o a cultura@cgf.tn.it.
09-21.12.
Marcià de guanc duré
En lunesc ai 9 de dezember aur denef l marcià de guanc duré te oratorie de Poza, olache se pel cerner e portèr massaria neta e ben tegnuda. Chel che vegn ite va per soli­darietà e atività de la parochia. L restarà avert enscin ai 21 de dezember da les 14:30 a les 17:30 duc i dis fora che la domenia.
7-8.12.
N paneton per Emergency contra la vera
Semper en pruma linia contra la vera, chest fin de setemèna Emergency sarà con si volon­tères del Grop de Fiem e Fascia te Piaza a Pardac per l »Panettone fatto per bene, r1pud1a la guerra«. Se podarà l comprèr per dir dir de na a la vera en sabeda ai 7 da les 16:00 a les 19:00 e en domen­nia ai 8 da les 10:00 a les 12:00.
12.12
Scontrèda su la penscion integrativa
L Comun General de Fascia endreza na lingia de scontrèdes con esperc califiché per aer maor consaputa di sistemes che favoresc l’economia e l sparagn. En jebia ai 12 de dezember te sala grana del CGF da les 17:30 en colabora­zion con Pensplan, se rejonarà de penscion integrativa.
13.12
Open day ai Licees de Fascia
En vender ai 13 de dezember da les 14:00 a les 17:00 i studenc e i dozenc del Liceo di lengac, scientifich e artistich de la Scola Ladina de Fascia ve speta per ve moscèr la scola, i laboratories e i desvalives projec che vegn portà dant.
13.12.
Estrazion di pesć dla lotaria da Nadel
N vënderdi ai 13 de dezëmber dala 18.00 sun Plaza Nives te Sëlva uniràl trat ora i prim doi pesć da 1000 € l un dla lotaria da Nadel metuda a jì dai buteghieres de Gherdëina. L pest unirà mé sëurandat a chëi che ie prejënc iló.
14.12.
Prejentazion dla scuadres dl Schi Club Gherdëina
L Schi Club Gherdëina nvieia a la prejentazion dla scuadres de duta la disciplines sportives, di/dla trainadëures y dl cudejel dl ann nuef, n sada ai 14 de dezëmber dala 18:00 sun plaza Stetteneck a Urtijëi.
14.12.
Demustrazion: make tourists pay
La Lia per Natura y Usanzes mët a jì na demustrazion ai 14 de dezëmber dala 18:00 Sun Plaza S. Antone a Urtijëi: l se trata nia de na demustra­zion contra l turism, ma per na tassa de mubltà de 2€ da pert di turisć, acioche l tra­sport publich posse unì nuzà debant da duc.
14.12.
Marcià da Nadel di artejans
La Lia per Natura y Usanzes mët a jì n marcià da Nadel di artejans dl luech, cun cosses fates a man: n sada ai 14 de dezëmber dala 9:00 inant, tl foyer dla Cësa di Cungresc a Urtijëi.

Leteratura
7.12.
»L’alcol pó ester bun... da fá de bi dagns«
En sabeda ai 7 de dezëmber dales 16:30 vëgnel presenté tl pice salf de Comun a La Val n film de sensibilisaziun sön la problematica dl alcol. Dedô él Astrid Kofler che presentëia so liber nü »Sehn­Sucht«.
09.12.
Poejies

• 
•  

View the embedded image gallery online at:
https://www.lausc.it/manifestazions-y-evenc/28408-manifestazions-atuales#sigProId22232b710c

de dezëmber
N lunesc ai 9 de dezëmber dala 20:00 lijerà Nadia Rung­ger poejies tla biblioteca de San Durich a Urtijëi. L sarà nce na curnisc de mujiga.

Mujiga
06.12.
Meludies d’Avënt cun l cuartet »De Cater«
L cuartet »De Cater« cianterà sun Plaza Nives de Sëlva, ncuei vënderdi ai 6 de dezëm­ber dala 17:00 inant.
06.12. y 09.12.
Nadel Urtijëi: Scola de mujiga de Gherdëina
Sun Plaza Stetteneck a Urtijëi puderàn scuté su de bela cian­ties y mujiga dla Scola de Mu­jiga de Gherdëina, n vën­derdi ai 6 y n lunesc ai 9 de dezëmber dala 17:00 inant.
7.12
Le Muse vèrda la Luna
La sociazion »Le Muse e le Dolomiti« en sabeda ai 7 de dezember da les 21:00 tel Palaz de la Magnifica Comunità de Fiem porta dant n conzert dedicà a la luna con Oda Zoe Hochscheid mezsopran, Doris Hochscheid violoncel e Frans van Ruth piano. Prenotazion e biliec al 0462 340812 o a info@palazzomagnifica.eu. L conzert vegn fat ence en domenia ai 8 da les 17:30 tel Palazzo Fulcis a Belun.
07.12.
Nadel Sëlva: Lia di Balarins de Urtijëi
La Lia di Balarins de Urtijëi balerà sun plaza Nives te Sëlva ai 07.12., dala 17:00 inant.
07.12.
Nadel Urtijëi: Duo de cornamuses
Tl Zënter de Urtijëi puderàn scuté su n bel cunzert de cornamuses, n sada ai 7 de dezëmber dala 11:00.
07.12.
Nadel Urtijëi: i Helios cianta
A Urtijëi, sun Pitla Plaza de S. Antone puderàn scuté su n bel cunzert dla Grupa Heli­os, n sada ai 7 de dezëmber dala 17:00.
08.12.
Corvara: conzert d’Advënt
La Müjiga di jogn da Cal­fosch – Corvara »The Groovy Wind Band« tëgn n conzert d’Advënt tla dlijia da Corvara, en domë­nia ai 8 de dezëmber dales 17:00, sot ala direziun dl ver­da­jogn Michael Pescol­derung.
08.12.
Cunzert d’Avënt tla capela sun Pana
Tla capela sun Pana saràl da scuté su n bel cunzert dl Cor Sasslong y de n cuartet de tlarinëc, n dumënia ai 8 de dezëmber dala 17:00.
08.12.
Mountain Christmas Sëlva: l sona l »Trio Ladinia«
La grupa de corni da mont »Trio Ladinia« sunerà sun l Plaza Nives te Sëlva n dumënia ai 8 de dezëmber dala 17:00 inant.
08.12.
Nadel a Urtijëi: l sona l »Trio Ladinia«
La grupa de corni da mont »Trio Ladinia« sunerà sun tl zënter de Urtijëi n dumënia ai 8 de dezëmber dala 11:00 inant.
08.12.
Nadel Urtijëi: i Hosianna cianta
Tl zënter de Urtijëi puderan scuté su n bel cunzert dla Grupa Hosianna, n dumënia ai 8 de dezëmber dala 17:00.
12.12.
Tlecanoht Urtijëi: Cor de Dlieja
N juebia ai 12 de dezëmber cianterà l Cor de Dlieja de Urtijëi de bela cianties n uca­jion dla Tlecanoht: dala 18:00 inant tl zënter de Urtijëi.
13.12.
Corni da mont de Sëlva: Meludies da Nadel
I Corni da mont de Sëlva sunerà de bela meludies da Nadel sun Plaza Nives te Sël­va, n vënderdi ai 13 de dezëm­ber y n mierculdi ai 25 de de­zëmber dala 17:00 inant.
13.12.
Cunzert de Benefizënza
Tla dlieja de San Durich a Urtijëi vëniel metù a jì da deplù grupes dl luech n cun­zert de benefizënza, n vënderdi ai 13 de dezëmber dala 20:00.
14.12.
Nadel te Sëlva: i Helios cianta
Sun Plaza Nives te Sëlva da­jerà la Grupa Helios n bel cunzert, n sada ai 14 de de­zëm­ber dala 17:00.
14.12.
Meludies d’Avënt cun l cuartet »De Cater«
L cuartet »De Cater« cianterà tl zënter de Urtijëi, n ai 14 de dezëmber dala 11:00 inant.
14. y 15.12.
Na storia da Nadé musicala y moderna
»Send Jesus Today« se tlama na storia da Nadé musicala y moderna, che vëgn portada sön paladina a La Ila, en sabe­da ai 14.12. dales 15:00 y dales 20:00 y ai 15.12. dales 15:00. Prenotaziuns sot a https://bit.ly/sendjesustoday
15.12.
Nadel te Sëlva: VOXacord
L cuartet a-capella »VOXa­cord« cianterà sun Plaza Nives te Sëlva, n dumënia ai 15 de dezëmber dala 17:00.
15.12.
Mattia Demetz sona l’armonica
Mattia Demetz sunerà de bela meludies sun si armonica n dumënia ai 15 de dezëmber dala 11:00 inant, sun Plaza Stetteneck a Urtijëi.
15.12.
Nadel Urtijëi: Cor di mutons
Tl zënter de Urtijëi puderàn scuté su de bela cianties dl Cor di mutons de Urtijëi, n dumënia ai 15 de dezëmber dala 17:00 inant.
16.12.
Cunzert dl’Urchestra Haydn
N lunesc ai 16 de dezëmber dala 20:00 nvieia i Jëuni de Mujiga de Gherdëina al cun­zert dl’Urchestra Haydn cun Marco Pierobon (direzion y tumbrëta), tla Cësa di Cun­gresc a Urtijëi. Chertes danora giàpen tla Lies per l Turism de Gherdëina o nce pra la cassa che gëura mes’ëura dan l cunzert.
19.12.
Tlecanoht Urtijëi: Cor di Jëuni
N juebia ai 12 de dezëmber cianterà l Cor di Jëuni de Urtijëi de bela cianties n ucajion dla Tlecanoht: dala 18:00 inant tl zënter de Urtijëi.

Segres y Festes
06.12.
Sègra de Sèn Nicolò a Poza
Anché vender ai 6 de dezember l é Sèn Nicolò, sègra a Poza. Da mesa les 11 se bina la jent lo da la gejia dedichèda al Sènt sa Meida per vegnir ju en defilèda te gejia grana per la messa da les 11:00, dapò marena te tendon, domesdì jeghes per i bec con Sèn Nicolò, loteria, conzert con la Musega da Poza, cena e entrategniment con musega e bai.
10.12.
Ancunteda Artejans n pension
La grupa Artejans n pension Gherdëina nvieia duc i cu­mëmbri y si fenans a na ancun­teda n merdi ai 10 de dezëmber dala 15:00 tla ustaria Terazza a Urtijei, per finé via si ann de atività. L dajerà na pitla ma­rënda y l unirà jugà a »Tom­bola«, ulache n puderà vëncer de biei pesć. Per se nuté su: 333 4826730 – nchin ai 7 de dezëmber.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
06.12.
Deberieda: Festa de San Miculau
La grupa »Deberieda«, na grupa per se ancunté danter persones che à problems psichics o de sozialisazion cun ulenteres, mët a jì na festa de San Miculau. N se anconta ncuei, vënderdi ai 6 de dezëm­ber dala 14:00 dan la Cësa de Paussa a Urtijëi.
06.–08.12.
Marcià da Nadel dla »Locia«
La berstot prutejeda dla Locia nvieia a si marcià da Nadel, dai 06.12.–08.12. for dala 10:00 nchin la 19:00. Tl self dla Lia Mostra d’Ert uniràl metù ora deplù prudoc fac y laurei ora a man da chi che lëura te bestot.

Cursc
11.12.
Cursc de acrobatica tl aier
La US La Ila mët a jí dai 11 de dezëmber inant n curs de acrobatica tl aier, cun Daphne Vincis, te palestra da La Ila, dales 19:30 ales 21:30, por indöt 10 iadi. Iscriziuns online sön www.uslaila.it, infos o aiüt tles iscriziuns ala mail fitness@uslaila.it
13.12.
Cursc de paslunch
La scora de paslunch da San Ciascian mët a jí cursc de paslunch por scolars dla ele­mentara y mesana, cun grups de skating, classich y prinzi­pianc. I mituns pó ince porvé fora le biathlon. An mët man en vëndres ai 13 de dezëmber dales 14:00, tl zënter de pas­lunch a San Ciascian. Indöt 10 iadi, vigni vëndres 14:00 – 16:00. Iscriziuns a https://scuolafondo.it/cursmituns.