La Usc di Ladins

Dotours
Dutor Gherdëina
L dutor de servisc dala 08.00 de n sada ai 04.07. nchin la 08:00 daduman de n lunesc ai 06.07. ie l dutor Simon Ko­stner de Sëlva, tel. 347 2297492.
Doturs Val Badia
Tla fin dl’edema di 4 y 5 de messé él en sorvisc ti comuns de Mareo y San Martin le dotur Eduard Agreiter, San Mar­tin de Tor, tel. 0474 523 315 o 333 1380852. Ti comuns de Badia, Corvara y La Val él en sorvisc le dotur Giovanni Crivellaro, La Ila, tel. 348 0014266.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 03.07. nchin n vënderdi ai 10.07. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L’apoteca en sorvisc tla Val Badia, fora dl orar ordinar, dal vëndres ai 3 de messé dales 19:00 al vëndres ai 10 de messé ales 19:00, é chëra da San Martin/Picolin, tel. 0474 523020.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
07.07.
Eie e Spieie – Vardiegn de saores
Dales 20:50. Test y regia Cin­zia Pistoia, produziun Pennpro, a cura de Alessandro Dapunt.
08.07.
Medejina ora dala natura I
Dales 20:50 ca. Test y conzet Ingrid Demetz, produziun Karbonvideo, a cura de Leo Senoner.
09.07.
Deboriada
Dales 20:50 ca. Test y conzet Sofia Stuflesser, produziun Pennpro, a cura de Leo Se­noner.
Informaziuns
Informazions plu menudes sun i programs de RAI Ladi­nia pòn giaté sun www.raibz.rai.it – Sun l medem sit sarà i programs TV da vedei sot a »Mediateca« y les trasmi­scions radio sot a »Podcast«.

Mujiga
Uni mierculdi
Trio di corni da mont »Ladinia«
L trio »Ladinia« sunerà si cor­ni da mont uni mierculdi da­la 16:30 nchin la 17:30 te Val. Dai 31 de lugio nchin ai 28 de agost sunerài nce de vënderdi, for dala medema ëura te Val.
04.07.
Gran Conzert de la Bandes a Moena
En sabeda ai 4 de messèl a Moena vegn endrezà l Gran Conzert de la Bandes de la Magnifica Comunità: da les 16:30 defilèda fora per paisc, da les 17:00 conzert e premia­zion te Piaz de Ramon, da les 20:30 musega con Susal die Partyhexe te tendon ló dal ciamp de balon.
04.07.
Cor di ëi Raetia cianta sun Resciesa
L Cor di ëi Raetia cianterà ntan la santa mëssa tla capela de Resciesa n sada ai 4 de lugio dala 10:30.
04.07.
Scutigera a La Grenz
Sabeda 4 de messèl da les 21:30 a La Grenz a Moena, tel chèder del Festival Panora­ma Music, se pel scutèr l driz furlan ‘Scutigera’ che met ensema l jazz con i ritmes jungle egn ’90.
05.07.
Corvara: musica classica y sacrala
En domënia ai 5 de messé dales 21:00 él te dlijia da Cor­vara n conzert de musiga classica y sacrala. Al sona n grup de archëc dal Friul y dal Venet, sot la direziun de Guido Freschi.
06.07.
Paolo Bernard al chino de Cianacei
En lunesc 6 de messèl da les 21:00 al chino Marmolada de Cianacei se pel scutèr l conzert al piano del Maester Paolo Bernard che met dant n repertorie classich e roman­tich da Mozart a Schubert e Chopin.
06.07.
Corni da mont
I corni da mont sunerà dala 21:00 nchin la 22:00 tl raion da ji a pe de Urtijëi.
07.07.
Adum – cunzert cun l Duo Awelas
L cunzert de mujiga tlassica sarà n merdi ai 7 de lugio dala 21:00 inant sun Plaza de Che­mun te Sëlva.
08.07.
Sëira tradiziunela: bai y mujiga
Tl Zënter Iman a S. Cristina saràl ai 8 de lugio dala 21:00 inant na sëira tradiziunela cun bai y mujiga.
09.07.
Conzert dla Musiga da San Martin
La Musiga da San Martin de Tor tëgn conzert, en jöbia ai 9 de messé dales 21:00, pro le Ciastel de Tor a San Martin.
09.07.
Cunzert dla Mujiga de San Piere
La Mujiga de S. Piere sunerà ai 9 de lugio dala 21:00 inant sun plaza de Chemun te Sëlva.
09.07.
Cunzert dla Mujiga de Urtijëi
La Mujiga de Urtijëi sarà da audì sun plaza San Durich a Urtijëi ai 9 de lugio dala 21:00. Sce l ëssa da pluëi, unirà l cunzert spustà tla gran sala dla Cësa di Cungresc.
11.07.
Abba Tribute show
L cunzert dla Abba cover band sarà n vënderdi ai 11.07. dala 21:00 sun Plaza de Che­mun te Sëlva.

Sport
Attualmente
Soraga League 2026
Va inant fin ai 4 de messèl la 5^ edizion de Soraga Laeague, l tornoi amatorial de balon a cinch. Chest an l é doi girons con 11 squadres che se ende­sfida sul ciamp de balon de Soraga.
Atualmënter
Curs de sauté
I Gherdëina Runners mët a jì n curs cun l alenadëur Die­go Soppelsa. L curs sun l ciamp dal sport Mulin da Coi, uni juebia dala 19:00 per dut l instà. Duc ie de cuer nviei, nce de tei che scumëncia permò.
03.07.
Gazzetta Talks – Stories de sport
Ntan l instà – for dala 17:30 sun Pra da Nives te Sëlva – puderàn ancunté n valgunes dla majera persunaliteies dl sport talian che cunterà de si suzesc, ndesfidedes y mumënc plu biei de si carieres. Ai 3 de lugio saràl prejënt Jury Che­chi.
04.07.
Cioch-Vedeler a Soraga
Doman, sabeda 4 de messèl, la 3Esse Soraga endreza la garejèda de corsa sa mont Cioch-Vedeler che fèsc pèrt del zircuit 4VK Fiem, Fascia e Biois, 3 chilometres e n disli­vel de 570 metres. I concorenc ponta demez dal parch di jeghes da les 14:00, premia­zions a La Gran Ciasa.
04.07.
Maratona for Kids
En sabeda ai 4 de messé pó i mituns da 6 a 12 agn tó pert ala Maratona por mituns, tl pre dlungia la scora dai schi da Corvara. Les iscriziuns vëgn tutes sö söl post dales 9:00 inant; la gara é dales 10:30. Informaziuns sön www.maratona.it
05.07.
Maratona dles Dolomites
En domënia ai 5 de messé dales 6:30 pëia ia la 39ejima Maratona dles Dolomites, cun start a La Ila y travert a Corvara. Les strades di per­cursc é stlütes al trafich y an pó ince ti ciaré en direta tla televijiun. Deplü tl articul sot al’atualité.
10.07.
Campions de sprint
I Gherdëina Runners nvieia de cuer mëndri y mëndres sot ai 14 ani a fé pea la garejeda de sprint n vënderdi ai 10 de lugio dala 17:00 sun Plaza S. Antone a Urtijëi. L sprint sarà de 30 metri y uniun puderà purvé plu iedesc. N possa fé pea debant.

Sozial
Atualmënter
Family Support
L servisc Family Support pie­ta sustëni ala families jëu­nes. Tl prim ann de vita dl:a pop:a pòssen se damandé n aiut da pert dla ulenteres, che vën a cësa per n valgun’ëura al’ena a fé vel’ stroz, cialé di mutons:ans o judé ulache l ie debujën. L servisc ie debant y duc possa s’l damandé. Per nfurmazions pòssen scrì a gherdeina@family-support.it
Atualmënter
Lia de sustëni tl duel y crisa
La Lia de sustëni tl duel y cri­sa ti juda ala persona nstëssa y ala families te situa­zions de duel. L vën damandà na cuota anuela de 50 euro. Per nfur­mazions pòssen tò su cuntat cun: Trauer- & Krisennetzwerk Südtirol VFG–info@trauernetzwerk-suedtirol.com, 379 1170488.
Atualmënter
Majon dal guant a Urtijëi
La Majon dal guant a Urtijëi (tl frabicat dla vedla Cësa de Paussa), tol ju y dà inant per na pitla dunfierta guant y ciauzei ma nce chëutres, ziehes da liet y cultrines tenii drët bën. Orars: merdi, 8:30–10:30, juebia, 14:00–16:00.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
03.07.
Deberieda: crië l calënder dl aniverser cun Johanna Kostner
N se anconta ncuei, vënderdi ai 03.07. dala 14:00 dan la Cësa de Paussa. La grupa De­be­rieda ie na grupa cun ulenteres, per se ancunté dan­ter persones che à problems psichics o de sozialisazion.

Avisc
Atualmënter
Picolin: portina por assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun soziosanitar a Picolin, tl’alzada a tera sön la man ciampa. Al vëgn chiló tut sö dötes les chestiuns por ci che reverda le guern dles porsones.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30; mercui ince dales 15:00 ales 17:00. Fora de chësc orar, vëgnel tut sö termins sön prenotaziun. Contac: 0474 410303 o info@frauenhelfen frauenbruneck.it
Atualmënter
Iniziativa di ëi de Puster
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de dificolté. L’ofize é tla str. Dan­te 2m a Bornech (Sternhof) y é davert lönesc y mercui da­les 14:00 ales 19:00, le vën­dres dales 8:00 ales 12:00. Con­tac: 0474 555848, 340 1896431 o info@mip-puster tal.it
Uni mierculdi
Ciaculon online – per ladin
La Union di Ladins de Gher­dëina mët a jì »Ciaculon on­line« per chi che scumëncia y chi che ulëssa miuré si ladin: uni mierculdi dala 18:00–19:00. Duc possa fé pea, l basta nstalé l prugram »TE­AMS« sun l computer y jì ite sot a chësc link: https://url-shortener.me/GIBM
Uni merdi
Marcià tradiziunel di paures y di artejans
Uni merdi, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena uniràl prejentà n mestier da artejan y l ne mancerà nia ntratenimënt de mujiga.
05.07.
Sègra di trei paijes
En domenia 5 de messèl l é la sègra de Mazin, Ciampe­strin e Fontanac. Da les 11:30 messa a Ciampestrin e do marena con la musega di Fleimstaler.
06.07.
Marcià dla segra a Urtijëi
N lunesc ai 6 de lugio dala 8:00 inant saràl tres l raion da jì a pe de Urtijëi l marcià tradiziunel dla segra.
07.07.
Entorn Vich
Mèrtesc ai 7 de messèl prum apuntament con Entorn Vich con scomenz da les 19:30: na raida enogastronomica fora per l zenter de paisc con mu­sega, mestieres e legreza.
09.07.
Jocalo mostra a Vich
Jebia ai 9 de messèl da les 15:00 aur te la scoles populères de Vich la mostra laboratorie scientifica ‘Jocalo’ de la Scola Ladina de Fascia. Oraries: fin ai 21 de aost, lunesc e mercol da les 15:00 a les 19:00 e da les 20:00 a les 22:00; mèrtesc, jebia, vender e sabeda da les 15:00 a les 19:00, do­menia serà.
12.07.
Unità de scucors di cians de Gherdëina: Di dla porta davierta
L’Unità de scucors di cians de Gherdëina nvieia al di dla porta davierta, n dumënia ai 12 de lugio dala 11:00 – 18:00 tl pra de adestramënt tl raion ndustriel Mulin da Coi.

Religion
11.07.
Corvara: preparaziun dl Bato
La Uniun dles Ëres Catoliches dl decanat Val Badia inviëia i geniturs che á n viadú da batié, pers che aspeta, toc y totes de nosc decanat ala preparaziun dl Bato, en sabeda ai 11 de messé dales 15:00 ales 17:00, te salf de calonia a Corvara. Al vëgn aprofondí l’importanza dl sacramënt, presenté le ritus y splighé i simboi dl Bato. Prenotaziuns pro Lucia al 334 3200396.

Chino
Atualmenter
Al chino de Pardac
Doman, sabeda 4 de messèl e domenia 5 da les 17:00 l é »»Minions & Monsters«, sa­beda da les 21:00 »Supergirl« e domenia da les 21:00 »Di­sclosure day«, mercol 8 da les 17:00 l é »Toy Story 5«. Info: www.cinemapredazzo.it.
Atualmenter
Al chino de Tieser
Insnet, vender 3 de messèl da les 17:30 l é »Toy Story 5« e da les 21:15 »Supergirl«, sabeda 4 da les 17:30 e da les 21:15 en 2D e domenia 5 da les 17:30 en 3D l é »Minions & Monsters«, domenia 5 e lunesc 6 da les 21:15 l é »Back­rooms«, mèrtesc 7 da les 17:30 e da les 21:15 l é »Minions & Monsters«, jebia 9 da les 17:30 l é »Toy Story 5« e da les 21:15 »Michael«. fo: www.cinema tesero.com.

Mostres y Ert
Atualmënter
3 ani, 3 chedri
L Circolo – Lia Mostra d’Ert nvieia a unì a ti cialé ala mo­stra te vedrina de Lili Rosalia Schwingen. I lëures te vedrina sarà da udëi nchin ai 8 de lugio.
Atualmenter
Mostra de ROTT a Vich
Fin ai 25 de messèl, da les 16:00 a les 19:00, se pel veder te tobià de Val, te strada de Val a Vich la mostra de operes d’èrt dal titol ‘Liëndes ladines dles Dolomites’ del artist ba­diot Lois Rottonara – ROTT.
Atualmënter
Mostra »Mumënc«
L Café Surëdl a Urtijëi nvieia de cuer ala mostra dal titul »Momente – momenti – mu­mënc«, che resterà davierta ntan l orar de giaurida (lu–vë, 09:00–19:00) nchin ai 11 de setëmber. Artisć:tes che mët ora: Sabine Brugger, Siegfried Stauder, Anneliese Hofer Heiss.
Atualmënter
missing glaciers – missing me
L Tublà da Nives nvieia de cuer ala mostra dla artista Wilma Kammerer, che re­ste­rà davierta nchin ai 26 de lugio.
Atualmënter
(Future) Paradise Gardens
A Urtijëi, ma nce ti autri doi luesc dla valeda, iel da udëi nchin ai 13 de setëmber la nstalazions d’ert dla Bienela Gherdëina. Plu nfurmazions sot a www.biennalegherdeina.org
Atualmënter
»Corpi Santi« & »Gli eredi della solitudine«
Tla galaria Doris Ghetta a Puntives iel metù ora la mostra »Corpi Santi« de Pietro Mo­retti y »Gli eredi della solitu­dine« de Alessandro Twombly, che sarà davierta nchin ai 12 de setëmber.
10.07.
Mostra de Elisa Rungger
Tla ütia Piz Boé Alpine Loun­ge a Corvara él da odëi döt isté na mostra cun chedri de Elisa Rungger da Rina. La daurida é en vëndres ai 10 de messé dales 13:00.
11.07.
Mostra »Theatrum Naturae -la paladina dl vif«
La mostra tla galaria Vijion a Puntives, resterà davierta nchin ai 10 de agost, dal lunesc nchin la sada, 16:00–19:00.

Cursc
Atualmënter
Cursc de jì a ciaval
La scola de jì a ciaval Poza­manigoni ve aspieta per cursc de raité, raides tl bosch y cun l pony per i mëndri tl “Selva pony adventure land”. Per nfurmazions cherdé su l 0471 794138.
06. – 10.07.
Cursc de ladin sön munt
Dai 6 ai 10 de messé vëgnel tigní tl’Alta Badia cursc de ladin sön munt, dales 14:30 ales 16:00, vigni de pro n’atra ütia da munt. Vigni apunta­mënt é caraterisé da n’atra tematica, sciöche i cognoms, la spëisa ladina, i toponims y i. i. Informaziuns sot a www.altabadia.org
Segres y Festes
4.- 5.07.
Segra de Urtijëi
I Destudafuech de Urtijëi nvieia ala segra de Urtijëi n sada ai 4 y n dumënia ai 5 de lugio sun plaza de Sant An­tone. La segra scumëncia n sada dala 12:00 y jirà inant nchin dumënia sëira cun de bela mujiga y sambën nce velch de bon da maië y da bever.
10.07.
Sëira dl vin a Santa Cristina
N vënderdi sëira ai 10 de lugio, dala 19:30 inant. Tl raion da jì a pe »Bënunì« a S. Cristina, puderàn ciarcë de bon vins, se maië velch de bon y scuté su de bela mujiga. Na bela cumpëida de ciuleies dal vin de Südtirol piterà da ciarcë si vins de gran cualità.

Temp Lede
Uni mierculdi
Marcià de sëures y de tradizions
Uni mierculdi nchin ai 12 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradi­ziunel y maië velch de bon dl raion.
Uni merdi
Pastelné cun materiai naturei
Sun pitla plaza de Sant Antone a Urtijëi puderà i mëndri y la mëndres pastelné cun materiai naturei (puc, rames, pleces, ciofs, y n.i.): uni merdi dala 14:30 nchin la 18:00. Priesc: 15,00–20,00€. Duc ie nviei de cuer.
Uni lunesc
Kids Night – juesc y devertimënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 24 de agost.
Uni juebia
»Flying Aperitivo«
La manifestazion unirà fata nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif. Da bur’ tëmp vën la manife­stazion spënta. L ie da se scrì ite nchin al di dant pra la Lia dl Turism de Santa Cristina o diretamënter pra l mplant dla Mont Sëura.
Uni mierculdi
Marcià de prudoc dl luech
L pitl marcià de prudoc dl luech sun pitla plaza de Sant Antone a Urtijëi sarà inò daviert uni mierculdi dala 15:00 nchin la 19:00.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi, dai 3 de lugio inant (ora che ai 31.07., 21.08.). Sambën ne manceràl nia de bela mujiga.
03.07.
Corvara: aperitif cun DJ
En vëndres ai 3 de messé dales 17:00 ales 19:00 vëgnel or­ganisé, por la Maratona dles Dolomites, n aperitif cun le DJ Vitto Hyde, pro paiun da Corvara. L’aperitif vëgn metü a jí en colaboraziun cun l’Ice Club Alta Badia.
04.07.
Tamara Lunger te piaz a Cianacei
Ponta via sabeda ai 4 de messèl la rassegna Campo Base col so­stegn del Comun de Ciana­cei. Da les 17:00 raida leterèra entorn paisc con Tamara Lun­ger e i joegn de la sociazion ‘Un posto in cui tornare’ e da les 21:00 te piaz Marconi cater ciacoles con l’alpinista.
05., 07. y 09.07.
Kidshour – devertimënt por mituns sö alalt
Pro le parch »Movimënt« sön Piz La Ila vëgnel metü a jí vigni domënia, mertesc y jöbia jüc, animaziun y devertimënt por mituns da 5 a 10 agn, dales 13:30 inant. Prenota­ziuns ti ofizi turistics.
06.07.
Marco Sessi te Pra del Preve
En lunesc ai 6 de messèl da les 21:15 te Pra del Preve a So­raga l é na scontrèda con l autor Marco Sessi che pre­jenta sie nef roman ‘Calzini bianchi’. Se l é catitemp te La Gran Ciasa.
08.07.
Sëires de juesc cun la lia Trix
Sun la plaza dan la biblioteca »Tresl Gruber« a S. Cristina mët la lia Trix a ji de plu sëires cun juesc da mëisa: uni mier­culdi (dai 8 de lugio inant) dala 19:30 nchin la 21:30.
08.07.
Nos Ladins cun Fabian
Tres l’iniziativa »Nos Ladins« pón descurí la vita y val’mistier dla jënt dla valada. En mercui ai 8 de messé pón s’incunté cun Fabian dl Lüch Chi Prá a Badia. Al cunta deplü sön la produziun de ciajó. Infos y prenotaziuns ti ofizi turistics dl’Alta Badia.
09.07.
Corvara: devertimënt por mituns
En jöbia ai 9 de messé pó düc i mituns da 3 a 12 agn ciaré pro y imparé sciöche an fej da fá pan, adöm al pech Nikolas, tl parch dai tiers a Corvara. L’ativité mët man dales 15:00 y an pó se scrí ite ti ofizi turistics dl’Alta Badia.
09.07.
La Ila: domisdé cun jüc da mësa
Le pulmin di jüc dl »Spielev­erein Dinx« storj pro en jöbia ai 9 de messé dales 15:30 ales 17:30 a La Ila. Te biblioteca pó pici y gragn passé n do­misdé cun na gran cerna de jüc da mësa. N espert dá consëis y spliga les regoles. Al é ince la poscibilité da s’impresté fora jüc.
09.07.
Caterina Manfrini a Moena
Jebia 9 de messèl da les 17:30 te piaz Perle Alpine prum apun­tament de Moena In­contri con la scritora Caterina Manfrini che prejenta sie liber ‘Sette volte bosco, sette volte prato’, enconter vidà da Cristina Donei.
12.07.
Sirio Talmon te piaz a Poza
Taca ite la rassegna ‘Ad alta voce’ de Virna Pierobon. Prum apuntament domenia ai 12 de messèl da les 21:15 te piaz de Comun de Poza con Sirio Talmon ‘L viac de na vita: Marmolèda, malatia e renasciuda’.
12.07.
Festa per Bepi Tasin
I Ciamorces de Fasha endreza en domenia ai 12 de messèl a Ciampedel na festa per Giuseppe Dellantonio Bepi Tasin, l menacrep più de età de la Tèlia con si 103 egn: h. 9:30 messa te gejia, h. 10:45 recognoscimenc de l’autori­tèdes te piazal Pian de la teiles, h.11:00 Cor Valfassa e Schuh­plattler, mezmesdì.
16.07.
Giornalism catolich con Ispirazions a Pera
Jebia ai 16 de messèl te gejia de Pera h. 21:00 prum apunta­ment de la rassegna Ispirazions d’istà. Scontrèda con Marco Girardo, diretor de Avvenire e Diego Andreatta, diretor de Vita Trentina: ‘Giornalism catolich: stories de angern, endesfides de doman’. Vegn avert na mostra da veder fin ai 24 de messèl.