La Usc di Ladins

Cotanta mail ciapone ogne dì de reclam, de envic a ‘clichèr’ sun n link per vadagnes sorii o compres bonmarcià e adertura de cheles da la banca che a gran letres ne disc de stèr ascorc che i ne à tout ju scioldi e i ne à blocà l cont o che l é n pach che aon ordenà ma che per l tor cognon ge dèr nesc dac? O cotanta chiamèdes ciapone sul fonin da n numer a la foresta che no cognoscion? O da carabinieres o bancaries fausc che ne envia a paèr percheche nosc fi é te na situazion de besegn?

Chisc l é dut ejempie de gaboles digitèles che desfruta noscia pecia cognoscenza del digitèl, noscia prescia e noscia pecia atenzion per ne ciapèr ite te tenetes da cheles che l é semper più senester dapò se tirèr fora. Emparèr a les recognoscer l é l prum vèrech per se defener. Vèlch consei concret l é stat dat en ocajion de la scontrèda endrezèda da FPB Cassa ensema al Comun de Moena te sala Simonin Maza en jebia ai 2 de messèl con i esperc Roberto Patricolo consulent cyber security de Security Mind, Amin Shkita referent antifrode de Allitude e Luigi Di Gioia Comandant de la stazion di Carabinieres de Moena.

Podede lejer dut su La Usc stampèda dai 10 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Monica Cigolla)