La Usc di Ladins

Ai 19 y ai 20 de jügn él gnü organisé la pröma ediziun dl "Al Plan Festival", le plü gran proiet fora por le 2026 dl’uniun "Zicuta Lab". N’organisaziun che se á tut dant sciöche obietif le arichimënt cultural, cun propostes inovatives, atramënter o ince tradizionales. Le ventai de iniziatives se desleria fora sura deplü opziuns, danter chëstes la poesia, la musiga y l’ert. N valgügn fondadus y fondadësses de chësta uniun, metüda sö tl’aisciöda 2025, fajô ince pert dl grup de organisaziun dl "Al Plan Folk Festival", gnü metü a jí por plü de diesc ediziuns. Do l’ann olache la pandemia á archité ia la realisaziun dl festival tan co bele organisé, ne él nia plü gnü metü impé.
Ai mëmbri y ales mëmbres dl Zicuta Lab ti an ál dagnora inchersciü, ai á sintí la mancianza da porté ite te nosta valada na ocajiun de barat musical cun musizisć y musizistes che vëgn da plü dalunc adalerch, y che porta ite na ona de vënt frësch y de reflesciuns particolares. Porchël ái l’ann passé tut la dezijiun da mëte a jí n ater evënt plü cört: le "Al Plan Festival". Le inom dla festa mët tl zënter le paisc, sides deache al é fisicamënter insciö, mo ince deache al é na poscibilité por rové adöm cun jënt dla valada y de paisc. 

Deplü nes cunta Lucia Piccolruaz, t’La Usc di Ladins di 10 de messé