La Usc di Ladins

Te na giornèda ciauda e de pien soreie en sabeda ai 4 de messèl se à dejout la seconda proa del zircuit 4VK Fascia, Fiem, Biois e Primier: la Vertical Cioch Vedeler endrezèda da la sozietà sportiva 3Esse de Soraga.
Entorn la una domesdì se à binà i concorenc, en dut 45 scric ite te la categoria gregn e etres 30 spartii fora anter Junior, Ragazzi, Under 20 e Over 50.
La garejèda de corsa é pontèda via dal ciamp sportif de Soraga, i coridores cognea jir su envers Riva, Gherghele e Sala e dapò su dret per ruèr sun Pian de Ruacia, Pian de la Bandiera, Pian de Marizana, Pian da le Mule, Engacià e travert al Bait del Vedeler, n percors de 3,35 chilometres e 560 metres de dislivel.
L più asvelt a ruèr sunsom l é stat Lorenzo Sighel, clas 2004 de l’Atletica Val de Cembra, col temp de 24’’40, l secondo calssificà l é stat Giulian Croce, clas 2006 de Bela Ladinia te 24’’54 e terzo l é ruà Filippo Beccari del 1979 de La Sportiva te 25’’26. Per pech ju dal podie l é ruà Luca Rasom 4° classificà, al 5° post Tommaso Gabrielli e al 6° Luigi Sommavilla.

Podede lejer dut su La Usc stampèda dai 10 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Monica Cigolla)