Sostegnir i teritories per stravardèr si lengac

Data

19 de november 2026

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tel ultim event per i 80 egn de l'Autonomia la Provinzia de Trent à binà adum te n convegn su la mendranzes linguistiches raprejentanc ladins, mochegn e zimbres, esperc e na delegazion sorba da la Lusazia. 



La Provinzia Autonoma de Trent à serà su i festejament per l cedean de la Cordanza de Paris anter De Gasperi e Gruber, fondament de l'autonomia provinzièla, te n convegn con la mendranzes linguistiches recognosciudes de sia provinzia per sotrissèr che l é i pilèstres che rec chesta autonomia.

Ai 11 de november te la sala Depero del Palaz de la Provinzia l é stat rejonà del raport anter la popolazions che rejona lengac desferenc e l'autonomia di teritories olache les vif: l titol »Derit al lengaz e perspetives per l davegnir« é stat tout dant no demò a livel local, vardan la situazion de ladins, mochegn e zimbres, ma ence te n chèder european, sotrissà da la prejenza de na delegazion de la popolazion sorba de lengaz slavo de la Lusazia, teritorie anter la Sassonia e l Brandenburg te la Germania.

A vidèr l event Simone Marchiori, assessor de la Provinzia de Trent che à anter sia competenzes la promozion de la cognoscenza de l'autonomia provinzièla, e Elisabetta Sovilla, dirigenta del Servije Mendranzes Linguistiches PAT, che con sie staff se à cruzià de duta l'organisazion.

De più su La Usc stampèda de en vender ai 20 de november del 2026  (Lucia Gross)