N dumënia ai 15 de nuvëmber dala cinch domesdì à la Mujiga de Sëlva tenì si cunzert de Santa Zezilia, tla palestra dl medemo luech. "Nëus fajon for trëi de gran pruiec. D'ansciuda ons fat l cunzert te dlieja y on purvà doi mënsc alalongia, idem per l'instà ons fat doi mënsc de proes y sunà dut l instà y da setëmber inant se ons mo njenià ca per l cunzert de Santa Zezilia", nscila l dirighënt Alexander Perathoner dl Orp, che à mo njuntà: "Fajon n mescedoz: de vënderdi iel for stat la gran proa cun duc y dutes y te d'autri dis dl'ena ons fat proes detail cun la grupes de strumënt, coche chëi de lën, de banda y nscila inant".
Tres la sëira àl menà Anna Demetz y Karin Chiesa; de ndut iel pra la Mujiga de Sëlva, deberieda cun l dirighënt, 50 cumëmbri:es.
Di pec y dla paroles dl dirighënt y dla sëurastanta pudëis liejer tl articul che abinëis tla edizion nueva de La Usc che vën ora n vënderdi ai 20 de nuvëmber.
Julia Lardschneider
Meludies desfrëntes y uneranzes mpurtantes
Santa Zezilia unereda cun n cunzert nce te Sëlva. Deplù tl articul
Galaria retrac
View the embedded image gallery online at:
https://www.lausc.it/valedes-ladines/gherdeina/32941-meludies-desfrentes-y-uneranzes-mpurtantes#sigProIdf1e1799c11
https://www.lausc.it/valedes-ladines/gherdeina/32941-meludies-desfrentes-y-uneranzes-mpurtantes#sigProIdf1e1799c11




