La Usc di Ladins

Bun de Barbara, poste te presenté en cört?
»I sun na jona de 23 agn y i sun de Badia. Dan da n ann ái stlüt jö mi stüdi de »sciënzes dl'educaziun tres l'université de Verona, porchël sunsi da n ann incá indô a ciasa tla Val Badia.«

Ci laur aste pa metü man do tü stüdi?
»Do avëi rové mi stüdi, ái ciafé n post de laur tla scora elementara sciöche insegnanta de sostëgn. Al é n laur che me dá dër tröpa sodesfaziun. Al m'á tres salpü bel da lauré y sté cun mituns, porchël mëssi dí che i feji chësc laur cun gran ligrëza y dediziun.«

Ci é pa important te to laur y ciönes é pa les dificoltés che an pó incunté?
»La cossa plü importanta te mi laur é dessigü chëra da i trasmëte ai mituns motivaziun y plajëi te so aprendimënt. Por n bun apren­dimënt él zënzater important che le möt se stais saurí, chël ó dí por me cherié na bona relaziun y n bun 'feeling' cun le möt. Sciöche i savun düc, n'é l'edu­caziun na cossa nia saurida: vigni möt é atramënter, porchël arati iö che al sides dër important da porvé da capí i debojëgns de vigni möt y azeté süa individualité cun dediziun y amur.«

Deplù te la edizion dl 10 de auril