Al me sá bel da gní zoruch a ciasa a ciafé mia familia y da passé tëmp deboriada. Al me sá bel da vire a Berlin y da ester te na gran cité, mo al ó ester bindicé le destach y la destanza: tla Val Badia viri le contat cun la natöra y le chit, n ritm de vita manco movimenté y manco impresciuns.
Te sál che an ti ciara cun d'atri edli al paisc nadé, canche an vá a sté foradecá? Do tüa minunga: ci se pórton pa para de positif, y ince forsc de negatif, da crësce sö te n pice paisc de munt?
Dessigü án n'atra prospetiva n iade che an abitëia foradeca. Ci che me manciass dantadöt da vire indó te n pice paisc foss la gran diversité, i gröms de poscibilités che na gran cité á da ofrí, la liberté da podëi se costruí sciöche porsona y da podëi vire süa individualité. Le positif da cresce sö te n pice paisc é le contat strënt cun les atres porsones y la solidarieté che nasc adinfora.
De plu tla edizion stampeda de La Usc di Ladins o sun l e-paper a paiament www.lausc.it/e-paper