Aisciuda Ladina. Nosc teritorie de jent e de valores

Data

12 de mei 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Te La Gran Ciasa a Soraga l é stat l’inaudazion de la 14^ edizion con la prejentazion del nef codejel de bona creanza per jir sa mont metù ensema dal Ofize Servijes Linguistics e Culturèi.


Enceben che l temp no se aesse moscià te sia viesta da d’aisciuda, se à caraterisà viva, gaerta e ciatarula l’Aisciuda Ladina del 2022, con sia lingia de evenc che se à slarià fora via per la pruma setemèna de mé. Do l apuntament stat te sala de Consei de Comun de Sèn Jan en vender ai 29 de oril col professor Cesare Bernard, che à tegnù n referat de gran enteres sui simboi de l’identità ladina, la scontrèdes é jites inant te desvaliva sentes e te desvalives paijes de la val.
Te La Gran Ciasa de Soraga l é stat la inaudazion ofizièla de la edizion numer 14, do doi egn de paussa sforzèda. »Aon volù pontèr via endodanef da chiò – à dit la responsabola del Ofize Servijes Linguistics e Culturèi del Comun General de Fascia, Evelyn Bortolotti – te chesta Gran Ciasa, inom simbolich che raprejenta l conzet de duta comunanza, de duta la jent de Fascia. 

L argoment cernù per chesta edizion l é l teritorie, che no l é demò monc e paijes – à dit Bortolotti – ma l va entenù desche lech de oportunità per crescer e cognon duc se n tor cura per nosc davegnir.«

De più su La Usc stampèda de vender ai 13 de mé.  (Monica Cigolla)