La Usc di Ladins

Ai 27 de fauré iesen julei de viers dla Val Badia, pra la utia Paraciora per n nzidënt sun l purtoi. L’ëila che se ova fat mel cun i schi ie unida meneda tl spedel de Burnech.
Do marënda iesen pona unii cherdei sun Plan de Gralba per n mut de 13 ani che ova batù l cë. Deberieda a si oma l àn menà te spedel a Bulsan.
Doi iedesc iesen pona mo julei sun Jëuf de Frea, for per nzidënc sun l purtoi. Te tramedoi i caji àn menà i pazienc a Persenon.

Ai 28 de fauré à n’ambulanza menà adalerch n’ëila de 42 ani dla Romania che ova debujën de n dutor. Do la vijita iela unida meneda tl spedel de Persenon.
Da dedò iel mo stat trëi ntervënc sun i purtoies de Plan de Gralba y Dantercëpies y dala 14:45 iesen julei sun Mont de Sëuc, ulache n ël ova desturbes neurologics do che l fova tumà cun i schi. L dutor ti à cialà avisa y ti à fat la prima cures y da dedò l àn menà tl spedel de Bulsan.
Ai prim de merz iesen julei sun l purtoi de Ciampinëi per n ël che se ova rot l uf. L ie unì menà a Persenon.