L é n projet de gran valuta chel che i ge à prejentà a la comunanza en lunesc ai 6 de mèrz i studenc de la II e III Liceo scientifich de la Scola Ladina de Fascia. L à inom CESLA e ve dir Comunità Energetica Scuola Ladina Asilo. L à ciapà l sostegn economich de partners prestigiousc de Fascia: l Consorzie Eletrich de Poza, la Coprativa de Fascia, la Cassa Rurala Dolomites e la Cassa Raiffeisen. E l à ciapà i complimenc del Sorastant Federico Corradini e del comember del Ent Gestor de la Scolina de Sèn Jan Simone Calligari.
Con n fèr segur e parloscent i studenc da la paladina de la Sorastanza ge à metù dant a la jent te sala i vèresc che li à porté a l’ideazion de chest projet inovatif, na Comunità energetica, la pruma te Fascia. N projet che ge à permetù de passèr la calificazions Nord Est de la competizion First Lego League 2023 e de jir a la finèles, en program proprio chest fin de setemèna, ai 11 e 12 de mèrz a Piacenza.
De più su La Usc stampèda de vender ai 10 de mèrz. (Monica Cigolla)
Cesla, la pruma Comunità energetica de Fascia
I studenc del grop de robotica del Liceo scientifich ge à prejentà l projet a la comunanza che pel didèr a corir i cosć del impiant energetich per scola e scolina.
Galaria retrac
View the embedded image gallery online at:
https://www.lausc.it/spezial/22947-cesla-la-pruma-comunita-energetica-de-fascia#sigProId88db5bc183
https://www.lausc.it/spezial/22947-cesla-la-pruma-comunita-energetica-de-fascia#sigProId88db5bc183