I studenc de la III LSA del Liceo scientifich de la Scola de Fascia é vertesc per orir na neva mostra scientifica. L’à inom »A la enrescida del aureo« e sarà protagonista belapontin la sezion aurea, l numer divin che à fascinà inteletuai e artisć de dut l mond. La mostra vegnarà orida te Sorastanza de la Scola Ladina en ocajion del Pi Greco day, la giornèda internazionèla de la matematica e la metarà dant curiositèdes, jeghes e cunsć sui temes leé al valor numerich che se pel troèr te operes d’èrt de ogne temp desche per ejempie ence tel logo del pom magnà stampà sun nesc pc e fonins, ma ence te n muie de setores scientifics, da la geometria, a la biologia e l’astronomia.
L’inaugurazion de la mostra é en jebia ai 16 de mèrz da les 17:00 te Sorastanza. Per prenotèr la vijites vidèdes se pel scriver a thomas.zulian@scuole.provincia.tn.it o chiamèr l 349 6491192. La mostra restarà fora fin ai 5 de oril.
Aur la mostra scientifica de la Scola de Fascia
Te Sorastanza a Sèn Jan l é stat endrezà na neva esposizion con jeghes e cunsć su la sezion aurea. L’inaugurazion é en jebia ai 16 de mèrz da les 17:00.
Galaria retrac
View the embedded image gallery online at:
https://www.lausc.it/spezial/22951-aur-la-mostra-scientifica-de-la-scola-de-fascia#sigProId72b906a164
https://www.lausc.it/spezial/22951-aur-la-mostra-scientifica-de-la-scola-de-fascia#sigProId72b906a164