La Usc di Ladins

Ai 7 de merz iel stat da julé sëula­mënter per nzidënc sun i purtoies: un sun l purtoi sëura Ciaulonch, ulache n ël de 68 ani se ova fat dassënn mel al jenodl - l ie unì menà te spedel a Burnech. Da iló iesen julei sun l purtoi dl Boé per n’ëila che se ova fat mel a na sciabla - n la à meneda tl spedel de Persenon, ulache n à nce menà n pazient polach che se ova fat mel dlongia la Williams­hütte sun Mont de Sëuc. N ie pona mo julei sun Mont de Sëura a to n ël che se ova fat mel al piet y a na sciabla y se stentova dassënn a tré l fla. L ël de 87 ani ie unì menà tl spedel de Bulsan.
Ai 8 de merz iel stat da julé doi iedesc tl raion ladin per nzidënc sun i purtoies: n ël se ova fat mel al piet tuman sun Ciampinëi, n mut de 13 ani se ova fat mel al spinel sun l purtoi Vallon. Chisc àn menà a Persenon y respetivamënter a Burnech te spedel.
Puech dan la 12:00 à na ambu­lanza menà adalerch n pazient per na cura contra l mel.

De plu tla edizion stampeda de La Usc di Ladins o sun l e-paper a paiament www.lausc.it/e-paper