Ai 13 de merz iel stat cin’ ntervënc per l Aiut Alpin, trëi de chisc sun purtoies dai schi te Gherdëina: l prim sun Piz Setëur ntëur la 10:30, ulache l joler ie unì cherdà dal sucors sun purtoi dla Crëusc Cuecena y di Carabinieri, per n ël cun n trauma al piet che ie unì stabilisà y menà cun l joler tl spedel de Persenon. L segondo ntervënt puech do la 13:00 sun l purtoi Saslonch. Sun luegia pra n ël dla Lombardia de 54 ani cun la tibia rota, fova bele i Carabinieri dl sucors sun purtoi. Cun n hovering àn ciarià l pazient tl joler y ie julei tl spedel de Persenon.
L terzo iede iesen julei sun Ciampinëi per n ël che se ova fat mel a na sciabla, che n à ciarià cun n hovering y doi bindes da 18 metri y menà te spedel a Persenon.Plu inant iel mo stat doi emergënzes saniteres, una a Corvara per n ël cun problems al cuer che ie unì menà te spedel a Burnech per n cuntrol sëuraprò, l segondo a Al Plan de Mareo per na jëuna de 18 ani cun mel de San Valantin, che n à menà cun l joler tl spedel de Persenon.
De plu tla edizion stampeda de La Usc di Ladins o sun l e-paper a paiament www.lausc.it/e-paper
Nutizies dal Aiut Alpin Dolomites
Galaria retrac
View the embedded image gallery online at:
https://www.lausc.it/spezial/23105-nutizies-dal-aiut-alpin-dolomites#sigProId07f28bb745
https://www.lausc.it/spezial/23105-nutizies-dal-aiut-alpin-dolomites#sigProId07f28bb745